السلام عليكم
أخباركم إيه يارجالة وأخبار لعنة الإلنترا معاكم إيه؟

تاني يوم العيد كنت بزور نسايب أخويا في محافظة الشرقية. مشوار رخم جدا بياخد مني 3 ساعات سواقة رايح و3 زيهم راجع.
المهم، الحمد لله وصلنا بسلامة الله إلى الشرقية وركنت العربية وخلصت الزيارة بتاعتنا لمدة ساعتين ونزلت لقيت هذا المنظر الجميل الرائع الذي تسر به الأنفس












تسألوني يا جلال ( قصدي يا فروزن) ده حصل إزاي؟ أقول لكم ولا عندي أي فكرة.

بس سمعت إتنين بيتكلموا بيقولوا كان في عيال بتلعب جنب العربية وسمعنا صوت طرقعة والعيال بتجري.

المهم
كلمت قسم قطع الغيار في التوكيل لقيت إن الإزاز ده موجود في فرع التجمع اللي أنا كده كده بتعامل معاه في كل حاجة للعربية وبتكلفة قدرها 1350 دا غير مصاريف التركيب اللي لسه مش حعرفها غير لما أروح هناك.

طبعا كلمت شركة التأمين وسألوني إذا كانت سرقة ولا لأ. قلت لهم هو مافيش حاجة ناقصة من العربية. فقالوا لي طب هاتها معاينة. (شكلهم عايزين يخلعوا منها يارجالة )

المهم أنا طبعا بعد ما صورت العربية جبت مكنسة من عند الناس وكنست الإزاز خصوصا إن كان والسلام معايا إخواتي فطبعا مش حمشي بالعربية بالشكل ده ممكن أي حاجة تطير وتئذي حد.
طبعا شلت كل الإزاز ده واحتفظت بقطع كبيرة من الإزاز يمكن التأمين يطلب عينة منه.

الغريب إن الإزاز عبارة عن قطع صغيرة جدا بس متماسكة مع بعضها، يعني في قطعة أنا محتفظ بيها حوالي 15 سم في 15 سم.

زي ما هو واضح في آخر صورة إن الإزاز متكسر بس ماسك في بعضه. (أنا نفسي مش فاهم إيه اللي حصل).

على العموم الحمد لله جت على قد كده.......

والسلام ختام