أوبترا 2009 عايز أغير الأربع مساعدين يا ترى أغير لكوني ولا مونرو والسعر كام تقريبا وألاقيهم فين؟؟ بتوع أوبترا
عرض للطباعة
أوبترا 2009 عايز أغير الأربع مساعدين يا ترى أغير لكوني ولا مونرو والسعر كام تقريبا وألاقيهم فين؟؟ بتوع أوبترا
متابع
يا مسهل حد يرد
المونرو حمادة والكوني حمادة تاني خالص..
انت بتتكلم في فئتين مختلفين وبينهم فرق كبير أوي في السعر..
كأنك بتسأل هيونداي ولا مرسيدس
عموما انا ماعرفش أسعار بالظبط
بس لو انت استخدامك للعربية عادي وطبيعي يبقا المونرو كويسة وسعرها كويس وأداء حلو..
انما لو عاوز سواقة رياضية وجري وكده يبقا الكوني بس طبعا سعرها أغلى كتير وكل حاجة بتمنها برضة..
بالبلدي كده المونرو والماركات اللي قريبة منها هاتديك أداء قريبب من العفشة الأصلية اللي بتنزل بيها العربية..
أما الكوني وكده ده يعتبر أبجريد وطبعا أحسن كتير لكن بنفس الوقت أغلى.
الكوني بلا شك محترم جدا
لا المونرو ماركه محترمه جدا جدا جدا وده من رايي راجع لانها الانسب لطبيعه عربيتنا وشوارعنا والاهم لتعودنا علي احساس سواقه معين .
الفرق ان الكوني انشف درجتين او ثلاثه من المونروا .
فممكن يحول الوقت اللي انت قاعد فيه في العربيه لجحيم مالم تكون سواقتك رياصيه اغلبها سفر .
الكوني مالوش مساعد استوك للاوبترا علي حد علمي بيتعمل فيه تعديل عشان يركب وكان فيه عضو زمان معانا ربنا يمسيه بلخير كان مركبهم بلتعديل .
المونرو ليه مساعد للاوبترا ودرجه نشوفيته وتحمله مناسبه جدا وادائه احسن من الاصلي .
وسعره للجوز حتلاقيه للامامي في حدود 600 جنيه وللخلفي 550 جنيه
والوكيل بتاعه غبور والموزع هشام لهيطه في التوفيقيه
وشكرا
الموزع هشام لهيطه في التوفيقية 10 شارع زكي التوفيقية
انا لسه مغير 2 مساعد خلفي للاوبترا منرو كنت جايبهم ب 530 من شهرين
هما انشف شويه وثبات احسن شويه بس لما بركب عدد بينزلوا اكتر شويه من المساعدين بتوعها الاصليين واللي نازلين فيها الصراحه كويسين والمنرو كويس برضوه
24 ش عماد الدين - وسط البلد - القاهرة ت: 25748025 - 25748026 - 25748027
ده لهيطه في التوفيقيه
طب كده المونرو سعرهم قريب من الأصلي فى التوكيل صح
بردوة نا حدش رد سعر الجوز المونرو أمامي للأفيو كام وإزاي أعرف إنهم أصلي لأني هأجيبهم من المنصورة
الله يخليك يا أبو يحي والله بجد نفسي أشوفك لأنك إنسان محترم بمعني الكلمة ... المشكلة إن الكاوتش عندي gt سرعات وهي فردة ناشفة فهل المونرو يكون ملائم ليهم ولا نوع تاني ... وطالما غبور هو الوكيل يبقي إن شاء الله هلاقيهم في المنصورة ... بس لزم أستغل أي فرصة وأجي أشوفك إن شاء الله ... وشكرا
هو بس معلومة صغيرة, الكونى فيه منها مساعدين رياضية لونها اصفر, و فى منها الأحمر و ده مساعين بديل للفابريقة و ادائها متوازن بين الراحة و الثبات, انا ركبتها فى البورا ورا و عجبونى اكتر من المساعدين الأصلى الجبتهم قدام. و بيبقى فيه ضمان سنه لو جايبهم من ارابكوم.
بص
حسب هواك
مبدئيا علي حسب معلوماتي ان مفيش مساعد غاز صرف الا في الاستخدامات الرياضيه
انا لو معايا افيو والعربيه عاليه والشاسيه طويل اجيب مساعد ناشف شويه عشان يقلل التعويمه الرئسيه بتاعتها
مش عارف ملاحظتي صح انا سقتها مرات قليله
عموما المساعدين الغاز علي زيت بيكونوا احسن في الملفات وبيحسنوا الفرامل بردك
وشكرا