يا جماعة انا معايا كرولا 2010 خليجي عايز اعرف استخدم زيت اية و اية احسن نوع كاوتش للعربية دي
يا جماعة انا معايا كرولا 2010 خليجي عايز اعرف استخدم زيت اية و اية احسن نوع كاوتش للعربية دي
زيت أولين أو عافية عشان الكوليسترول :)
وابقا جرب أميجو .. بيطلع نور
هههههههههههه
sorry ya basha for the last comment :(( you can use liqui moly oil and for wheels continental or bridgestone
بس يفضل زيت زيتون. احسن واصح من زيت الدورة عافية ههههههههههه
@@@@@@@@
باشا حبيب قلبي .... اولاً حمدالله على السلامة نورت بلدك التاني مصر
الزيوت هنا في مصر بحررررر ملهوش اخر
في عندك موبيل ١ وده التوكيل بيستخدم منو
في عندك زيت كاستروا. ده كتير ناس شكرت فيه بس هاتوا كاستروا ايدج
انا اخر تغير للزيت قولت اغير من زيت موبيل ١ واحط زيت لوكي مولي ابو ٢٦٠ جنيه وقالك الماني
ببص على الزيت لقيتوا ميييييييييه. مفهوش درجت لزوجة خالص .... ولمن سئلت قالولي لا اصلو بيبقى لزج لمن بيسخن .... محسيتش بفرق ملحوظ في العربية التويوتا من موبيل ١. للوكي مولي بس زيت موبيل يا اخي في درجة لزوجة حلوة حتى والعربية باردة. تمسكو في ايدك كده ايدك. تلزق لكن زيت لوكي مولي هو زيت ميه تغسل ايدك بيه (ميه لونها اصفر كده )
ويمكن علشان كده بعض الاعضاء بيقولك صوت العربية بيوطى لمن تحط زيت لوكي مولي .... لان طرومبة الزيت بدل ما كانت بتعافر انها تضخ. زيت. بقت تضخ ميه عليان كده مبيطلعلهاش صوت خالص
عن تجربة وانا داخل في ٥٠٠٠ كيلو دلوقتي. يعني ، معقول زيت لوكي مولي .... بس بقيت الاحظ. لمن اشغل التكيف بقيت احس انوا مؤثر على سحب العربية في زيت لوكي مولي بخلاف موبيل
فقررت اني مش هحوطوا تاني واحط يا كاستروا ايدج. يا ارجع تاني استخدم نفس الزيت الي كنت باستخدموا والي ربيت عربيتي عليه وهو موبيل ١
والله على ما اقول شهيد .... وتحياتي
كل الشكر و الترحيب لحضرك وللرد الجميل ده :Ta_clap[1]: .. عندي كام ملاحظة كدة :
بالنسبة لللزيت :
الي اعرفة عن موبيل 1 انة زيت تخليقي وليس معدني معرفش بصراحة لوكي مولي الي انت استخدمتة كان تخليقي ولا معدني و اهم من كدة طبعا متستخدمش زيت اقل من 10W-40 .. انا كنت بستخدم كاستورل ماجنايتيك ال 10000 كم مع عربيتي الكورولا ال 2006 وكان كويس مش وحش.
وكان في منه نوعين :
كاسترول ايدج بيمشي 15000 كم( تخليقي كامل) ماستخدمتوش ولا مرة على حد علمي لازم تكون العربية عدت ال 100 الف كيلو (( معرفش لية :dzey:))
كاسترول ماجنيتيك بيمشي 10000 كم (نصف تخليقي ) ودة الي بفكر استخدمة بس يكون مش اقل من 10W-40 والا حستخدم موبيل 1.
بالنسبة للكاوتش دة بقي ف هو حوار طوويل , اعتقد اني استقريت ف اخرة على البريدجستون ال (butenza ) مع ان سعر الفردة غالي بس يفرق معايا الثبات و الفرامل اكتر
شكرا ليك مرة تانية
حبيب قلبي تسلم يا غالي
انا اعتقد اي زيت بيمشي فوق العشرتلاف كيلو يبقى تخليقي يعني زيت مركب
@@@@@@@@
ده انا ناوي بالفعل. اغير لكاستروا. لاني كنت بسمع عنوا ايام ماكنت عايش في الخليج
زيت ناس كتير بتشكر فيه
بس اللوكي مولي قد ماسمعت عنوا شكر وكلام وشوية شوية كانوا هيقولوا فيه قصيدة شعر لينزرا قباني
اني اتنفس تحت الماء اني اغرق اغرق اغرق
او قصيدة بحلم بيك انا بحلم بيك ومن اشواقي مستنيك للشاعر عبدالحليم حافظ
وفي النهاية لقيتوا زيت عادي جداًاًاًاًاًاً جداً جداً
ياراجل يا طيب. ده من كتر ما بعض الناس شكرت في لوكي مولي. حسيت ان ممكن واحد. يخش ويقول :
انا بصراحة بعد ماجربت زيت لوكي مولي مبقتش استعمل غيروا على شعري افضل زيت للشعر
واحد تاني هيقول لوكي مولي غير لي حياتي. انا مبقدرش اروح الشغل الصبح غير لمن اضرب طبق الفول بالبيض واحط عليه رشة زيت لوكي مولي ههههههههههههه طعم الفول بزيت لوكي مولي تحفففففففففه
وشوية شوية هيخش التالت يشارك ويقول مع لوكي مولي في الغسيل مفيش مستحيل
لوكي مولي نظافه ايه وريحة ايه وبيخلي الابيض ابيض وبيحافظلي على الالوان .... وريحة ونظافة جنان
المهم اخبار كاستروا ايدج معاك ايه بس اوعه تقلي مع كاستروا في الغسيل مفيش مستحيل ههههههههههههه
شل الترا لا خلاف عليه ب٢٦٠ يعد ١٠ الاف والكاوتش يا بريدجستون يا اما لو مش عايز تدفع كتير كومهو كويس مش فارق كتير غير فى العمر الافتراضى ده ان عرفت تحقق معادلة العمر فى شوارعنا الجميله