الموضوع: كل شئ عن فيات سيينا 1.4 2002

المشاركة الأصلية كتبت بواسطة magic girl

=)
بص مش تزعل, أكيد مشاغل و كده =)
على العموم هاعمل scan للكتالوج اللى عندى و هانزله فى أقرب وقت إن شاء الله..

كتر الف خيرك متشكر جدا لذوق حضرتك
ماتتعبيش نفسك، المانيوال موجود هنا عربي وانجليزي
الا اذا كان عند حضرتك واحد مختلف عنهم - تبقي اضافة رائعة من حضرتك

المشاركة الأصلية كتبت بواسطة bobbozo4b

وله يهمك خد ومتع ناظريك

دليل المستخدم لفيات سيينا-1400cc&1600cc-عربى لـ"bobbozo4b - بهاء الدين ابوسيف"
http://www.nilemotors.net/Nile/27818...cc-1600cc.html

كتالوج السيينا والباليو ، هو بالبولندي لـ"م/مصطفى محمود"
نايل موتورز - NileMotors.net (كتالوج فيات سيينا -fiat siena Manual)

وهاتلاقى هنا معلومات كتير بس اقرا
موسوعة السيينا (قطع غيار - بدائل - فنيين -........)
http://www.nilemotors.net/Nile/297691-a.html
وهاتلاقى هنا معلومات اكتر بس اقرا
رابطة عشاق و مالكى فيات سيينا بجميع موديلاتها
http://www.nilemotors.net/Nile/65734-a.html

وده نبذه عن تاريخ العربية وعن اللى اهاتلاقية من معلومات فى الرابطه
تقرير للاخ ميسو

7
7
7
Bahaa Eldin‎
بص ياسلام ده تقرير شامل عن السيينا من زميلى ميسو فى المنتدى
بص دى معلومات عنها حتفيدك كنت كتبتها فى موضوع سابق
وعموما العربيه ناعمه جدا فى السواقه وكماليتها بتفرق لانها فيه منها كذا فئه بس الباور والتكيف اساسى فيها
واعاده البيع عادى زيها زى اى فيات

هى من تصميم شركه فيات الاوروبيه الغنيه عن التعريف طبعا بس هما حبو يصممو عربيه تغزو الاسواق الدول الناميه وفى نفس الوقت سعرها يبقى معقول فحبو يصنعوها فى الدول الناميه واتجمعت فى تركيا والبرازيل ومصر وتقريبا الهند
على فكره هى اسمها اصلا 178 نسبه الى السياره 128 اللى عملت طفره كبيره فى عالم السيارات
السيينا نجحت فى اغلب الدول وخصوصا البرازيل ولكن فى مصر حققت نجاح ولكن مش زى بره وده راجع لسوء توزيع وتسويق للسياره
العربيه نزل منها اكتر من فئه ال 1400 العاده والبلاس وال 1600 البلاس
العربيتين تقريبا واحد ما عدا الاختلاف فى فرش الابواب وسعه الموتور والمفتاح المشفر والجنوط ال 14 فى ال 1600 لزياده الثبات والاسبويلر الشنطه
العربيتين كاملين تكيف باور ازاز كهربا امامى ولكن البلاس و ال 1600 فيها سنتر والعاديه لا والبلاس وال 1600 عزل الصوت والكبوت فيها اكتر من العاديه يعنى تقعد جوه وتقفل الشبابيك وتبقى منعزل تماما عن العالم بره

السيينا مميزاتها انها قويه وعاليه عن الارض انسى انها تحك معاك فى مطب من مطبات مصر شنطتها واسعه جدا يعنى ممكن تحط فيها خروفين او عجل صغير ههههههه وكمان الكنبه مممكن تتنيها وتفتحها على الشنطه ويبقى معاك نص نقل
العربيه سواء ال 1400 او ال 1600 سريعه وممكن تجيب بيها 160 او 170 وممكن اكتر فى ال 1600 ده طبعا فى حاله ان العربيه تمام
العربيه زى اى عربيه اوروبيه موصفات الامان فيها عاليه جدا جداااا اهم شيء حمايه الركاب فى حاله حدوث حوادث لاقدر الله وفيها مفتاح لفصل البنزين اتوماتيك فى حاله حدوث حادثه تلاشيا لحدوث حرائق
كذلك فيه منها عربيات مواصفات اضافيه فيها abs وايرباج (على فكره هى بتنزل بره اساسى فيها الكلام ده لكن الوكيل هنا فى مصر شاله وخلاه بالطلب عشان يوفر تمنهم )

قطع غيارها زى اى قطع غيار فيات يعنى تعتبر زى الشاهين وتشترك معاها فى بعض قطع الغيار ولكن الفوانيس مثلا تعتبر اغلى شويه والباقى عادى زيه زى اسعار قطع غيار الكورى
طبعا السيينا ال 1400 مونو انجكشن يعنى رشاش واحد بموتور قوه 67 حصان تقريبا وال 1600 انجكشن كامل 4 رشاشات بقوه 105 حصان يعنى تعتبر سياره رياضيه عائليه
عيوب السيينا انها حساسه ومش اى حد يلعب فيها زيها زى الالمانى والاوروبى وطبعا عربيه انجكشن يعنى كمبيوتر وحساسات وضفيره وطرمبه كهربا وكده فلذلك يفضل ان اللى يشتغل فيها يكون فاهم هو بيعمل ايه ويكون شغال فى الفيات الحديث
الصالون فخم جدا فى السينا بلس او فى ال 1600 ولكن يعيبه ان الكنبه الخلفيه ضيقه بعض الشيئ
العربيه ثباتها معقول جدا جدا وصاجها تقيل ووزنها اكتر من طن و 40 كيلو وده ميزه وعيب فى نفس الوقت ميزه لانه عامل ثبات للسيياره وعيب لانه بيقلل من التسارع
العربيه زى مقولت عاليه جدا عن الارض وده برضه ميزه وعيب ميزه زى مقولت انها فى المطبات وشوارع مصر حتريحك ولكن عيب انها فى السرعات العاليه بعد ال 120 او 130 الثبات حيقل شويه ولكن يمكن التغلب على العيب ده لو حضرتك غاوى سرعات عاليه
وده تكمله
الزيادة اللى انا هازودها على ميسو هى انت لو حبيت تشترى سيينا اهم حاجة
تروح للتوكيل "اوماترا - جسر السويس "او مركز صيانة محترم زى "الصفا - جسر السويس" "الاقصى - زهراء المعادى" "البرقان - شارع العريش" "شركة النيل - ك28 مصر اسكندرية الصحراوى"
وهو هيرفعلك العربية ويعرفك كل حاجة فيها مش مهم اللى هادفعه فى الكشف بس هايريحك فيما بعد كنت سالت قبل كده فى الاقصى وكان عامل حوالى 600 جنيه

الف الف الف 1000 شكر لحضرتك
مش عارف اقولك ايه
تقرير اولا فوق الممتاز - لينكات ثانيا غاية في الأهمية
بس الصراحة ان جيت للحق
محمد عبدالجليل gelgel2004 صديقي العزيز بعتلي لينكات الكتالوجات والرابطة من لحظة نزول الموضوع علي الخاص
الف شكر لحضرتك مرة تانية واسف علي تعبكم معايا

المشاركة الأصلية كتبت بواسطة misoalex

باشا مينفعش تزعل مننا عشان ده الطبيعى هههههههههه
معلش هو قسم فيات على طول نايم كده واللى بيردو فى المواضيع يتعدو على الصوابع
وموضوع حضرتك نزل فى فتره العيد والناس كلها مشغوله

وبعدين ما انا من فتره كبيره عملت موضوع عندكم فى قسم السيات بستفسر فيه عن ابيزا ومحدش رد عليا غير بعد عده ايام وكنت خلاص اتصرفت عادى يعنى اغلب اقسام المنتدى كده ما عدا اقسام الكورى دول مولعينها نار
(انا مش بقر عليهم ولا حاجه انا بحسدهم بسسسس ههههههههههه )

بس المشكله ان الموضوع مكرر وفيه رابطه حتلاقى فيها اغلب اللى حضرتك عاوزه وفيه مواضيع احنا عاملينها فى الفنره الاخيره حتلاقى فيها كل حاجه انت عاوزها من معلومات عن العربيه وصعب كل الحجات دى تتجمع فى موضوع واحد دى عاوزه ايام وليالى

وبهاء سبقنى وحط رابط لكذا موضوع حيفيدك
وزود عليهم ده كمان عشان فيه كلام كتير مهم

http://www.nilemotors.net/Nile/292827-2002.html

ميسو حبيب قلبي
مش هقولك مستحيل
بس عايز اقولك ان من سنة فاتت مفيش موضوع عدي عليا في قسم سيات من غير ماكون علمت عليه وشاركت فيه (مش عشان انا راشق - عشان في موضوع جديد كل اسبوع ههههههههه)

بصراحة صاحبي عمل زييك واتصرف
اشترك هنا في المنتدي وبقي زميل ليكم في القسم وانبهر جدا بالرابطة وقعد يومين يقرا فيها

بس اوعي تقولي انك اشتريت سيات ومش بتشارك - هزعل واجيب ناس تزعل والقسم كله هيزعل

متشكر ليك جدا يا حبيبي واسف علي تعبكم معايا وعلي الكلمتين البايخين الي قلتهم في الأول
يبدو ان دة حال الأوروبي كله ماعدا الأوبل الله اكبر عليهم
انا كنت فاكر ان سيات هو القسم الوحيد اللي ميت - طلع كمان فيات هو كمان واخد تعسيلة