دخلت على موقع سوبارو ولقيت أبو غالى عندة عربيات مستعملة بيبعها لحساب الغير، فكنت عايز تفاصيل عن عمولتة و سعر العربيات دى بالنسبة لسعر السوق برة (الوسيط مثلا) و مدى حقيقة و جدية تقييمة للعربية
وشكرا
عرض للطباعة
دخلت على موقع سوبارو ولقيت أبو غالى عندة عربيات مستعملة بيبعها لحساب الغير، فكنت عايز تفاصيل عن عمولتة و سعر العربيات دى بالنسبة لسعر السوق برة (الوسيط مثلا) و مدى حقيقة و جدية تقييمة للعربية
وشكرا
دى الأسعار اللى بيبيع بيها ابو غالى موتورز العربيات المستعملة و طريقة تقيمه ليها..
اكيد تقييم الوكيل حيكون افضل تقييم من حيث الكشف على العربية
SubaruEgypt.com : Used Cars
انا سألتهم بس دايما كلامهم متضارب ثانيا اسعارهم غريبة جدا... ثالاتا مواقفهم مش محددة يعنى قالولى على واحدة اوتوماتيك عاملة 30 الف كيلو بس موديل 2007 مخبوطة ورة والاكصدام واقع واضح عايزة شغل سمكرة ودهان بس قالى 70 الف جنيه حلو الكلام ؟؟؟ طبعا من كلامه انها بالخبطة وانت تصلحها لان لو كانوا حيصلحوها هما كانوا صلحوها وباعوها!!!! كلمت واحد تانى قالى لا حضرتك تاخدها متصلحة!!!
المشكلة بقى كمان ان هى فروع يعنى لو كلمت نمرة السرفيس ممكن يحولك لحد تانى غير اللى كلمته قبل كدة والردود يا إما "حشوف لحضرتك" "مفيش دلوقتى" ولما كان فى عربية واحد تانى قالى مفيش نرفذنى!!!تحس انهم مكبرين وواحد مكسل يعرفلك وحتى لو قالك حعرفلك تكلمه بعدها تلاقى العادة المصرية متافف ان انت فكرته بشغل!!!
تحس اى كلام فى الهجايص
وللصراحة المرة الوحيدة اللى اتصلوا بيا عشان يقولولى فى عريبية للبيع كانت 2008 ب 95 الف جنيه!!!!!!!!!!!!!!!!!!! طبعا ده بقى لا سعر السوق ولا نيلة ولا حتى ازيد من السوق ب 5 الاف
والاسعار اللى على الويب سايت قديمة وكذلك التسعير قديم من كذا سنة متغيرش........
يمكن كل ده حصل عشان انا فى اسكندرية ومقدرش انزلهم مخصوص... بس فعلا عمرهم ما قالوا حاجة واضحة وصريحة ...
ومتعرفش هو بيجب معاك من الاخر ولا فى فصال..... تحس الموظف مش عارف يفاصل ولا هى اخرها كام لحسن يعاقبوه :]]]]]
وحتى لما سألت واحد قالى كلمنى تانى كلمته قالى لا مفيش سوبارو متوفر والعربية المخبوطة متعرفش بقى راحت فين ... !!!!!ماخدتش واديت معاه
الصراحة اتنفخت وبطلت اكلمهم حسيت ان الموظفين نفسهم مش فى دماغهم...
انا متأكد ان التوكيل ده هو اللى مضيع العربية ديه فعلا..... ولو ربنا وفق واشتريت واحدة قريب انا عارف ان زيارتى للتوكيل حتبقى للخدمة بس لانهم فنيا فاهمين... لكن مش حشترى منهم حاجة..
نصيحة دور برة التوكيل حتى لو لقيت اسعار عالية سيبها تسقع :)) صاحبها كدة كدة حيبيها فى range سعرها +- 3 الاف جنيه مثلا.....
الموضوع عرض وطلب تابع كونتكت اول باول وكلم الناس ورح شوف بنفسك فتتها حتت
انا بقالى شهرين بدور لكن والله كان زمانى اشتريت... للاسف انا كنت حاطط 60 الف ولسة من كام يوم لقيت واحدة بنفس السعر بس للاسف انا مقدم على الهجرة لاستراليا واكتشفت حوالى 18 الف جنيه محتاجهم عشان الفيزا نفسهم كنت فاهم الموضوع غلط :/
بص مش هتخسر حاجة لو نزلت لحد الفرع بتاع روكسي 11 شارع القبة وسالت وشفت لو حاجة معروضة واسمع منهم عجبك ماشي معجبكش اطلع شوف بره براحتك عشان مترجعش تلاقى حاجة بسعر كويس عندهم
المستعمل عايز تعب شوية عشان تجيب حاجة نضيفة