السلام عليكم
معى لوجان موديل 2012 ولسه عاملها صيانه 20000 فى التوكيل الاسبوع الماضى ولما استلمت العربيه بعد الصيانه كانت تحفه صوتها واطى وكله تمام المهم من يومين لاقيت صوت الموتور بقى خشن اوى فوق الوصف مش عارف ليه حد عنده فكرة
ثانيا عندى مشكله مع تيل الفرامل كان بيصفر وهو عند 10000 كم ورحت التوكيل وانا عامل 15000 كم وقلتلهم عليها بعد الكشف قالى المهندس التيل عايز يتغير قولتلو غيرو فى الضمان هو فى تيل بيقعد 15000 كم ورحت داخل الورشه مع المهندس قلتلو ورينى التيل روحت شوف التيل لقيتو فيه اكثر من نصفه قلتلو على فكرة التيل ناشف مش خلصان قل لى اتفضل فى الاستراحه واحنا هنشوف المهم خلص وسلمنى العربيه جربت لاقيت الصوت راح وعرفت اتهم نظفوه المهم فى صيانه الـ 20000 الموضوع رجع تانى قلتلهم عليه تانى قالو التيل عايز يتغير وده كان اخر النهار فخد العربيه ومشيت عايز اراكم اعمل معاهم مشكله علشان يتغير فى اضمان ولا اغيرو برة على حسابى وخلاص وهل التغير بره يخرج من الضمان ؟