الموضوع: عايز كاوتش محترم لجنوط 17

المشاركة الأصلية كتبت بواسطة moha4tec

طيب ما انت قلت الحل .
اه السؤال بقى ؟؟

السؤال يا باشا اجيب مقاس ايه 215/50/17 ولا 225/45/17 يعنى عايز الأنعم فيهم

سألت فى بريدجستون مدينة نصر مقاس 225/45/17 يابانى 1140 الفردة

المشاركة الأصلية كتبت بواسطة youssef.awad

حضرتك فعلا حطيت ايدك ع المشكلة وحلها
كيا عامة بتنزل بكاوتشات تعبانة - من وجهة نظرى الخاصة - لأنى معايا سبورتاج فى السعودية وبتنزل بكومهو 225/60-17
والحل اما تصغر الجنط وتكبر جوانب الكاوتش (البروفايل) او تجيب نوعية نضيفة زى ماقولت
وللعلم فردة البريدجستون نفس مقاسك تعمل 1290 ج * 4 = 5160 ج!!!

والله متعرفلهومش لان لو الكاوتش عندك هانكوك كوري اصلي هتلاقيه احلى وانعم كاوتش على عربيتك انا عرفت قيمة الكاوتش اللي عندي لما ركبت سيراتو مش هانكوك قلت ده الهانكوك الاصلي (الكوري) رحمة جداً

فعلشان كده باين ان انت وحظك ولا ايه لان في ناس بتشتكي ومعندهاش هانكوك وفي ناس مش بتشتكي وبتقول كل شئ كويس وانا واحد منهم وعندي هانكوك كوري اصلي اللي جاي مع العربية

المشاركة الأصلية كتبت بواسطة moha4tec

السلام عليكم
الانعم هو 215/50/17 طبعا بس هيعلى العربيه 1 سم و ده هياثر على الثبات نسبيا .
و ال 225/45/17 هينعم حاجه بسيطه و هيعلى العربيه نصف سم و هيزود الثبات طبعا
و المقاسين هيزودوا استهلاك البنزين حاجه بسيطه و هيقللوا السحب حاجه بسيطه .
المقاس ال 225/45/17 منتشر فى ماركات كتير و هتلاقيه بسهوله
و المقاس ال 215/50/17 نادر فى السوق و مش منتشر و هتلف كتير عشان تلاقيه و انت و حظك

اللى انا بفكر فيه هو :
اركب المقاس 215/50/17 و اركب سوست اسبور و اركب wheel spacer
و بكده ابقى زودت الثبات جامد جدا و زودت النعومه بردو .و مش اى سوست اسبور نوع معين مش ناشف زى الايباخ مثلا .
المقاس ال 215/50/17 هيزود النعومه و هيعلى العربيه 1 سم كامل
هرجع اركب سوست اسبور ناعمه اكتر من الاصلى اللى فى العربيه نوعها ark بتوطى العربيه 3 سم تقريبا .دى هتزود الثبات و تنعم العربيه
هرجع تانى اركب wheel spacer هتزود الثبات لانها بتخرج العجل لبره او بتزود المسافه العرضيه ما بين العجل او بتكبر قاعدة العجل .
= النتيجه = العربيه هتوطى 2 سم او اقل +العربيه هتنعم عن الاول +الثبات هيزيد جامد +نوع كوتش نضيف =النتيجه النهائيه نظريا اعتقد هتبقى مرضيه نظريا و لسه لما نشوف عمليا اه النتيجه و الله اعلم .
على فكره السيراتو لما بتوطى 1 سم مثلا الثبات بيزيد بطريقه ملحوظه و كمان لما تزود عرض الكوتش الثبات بيزيد كمان و الكلام ده حسيته من كام يوم لما ضغط الكوتش كان منخفض جدا و كان فى اخرام فى الكوتش هههههههههه كانت ثابته ما شاء الله اكتر من الاول و انعم بكتير =الهوندا سيفيك 98 si فى النعومه مثلا لانى ركبت العربيتين و حسين انها ناعمه جدا جنب السيراتو .و لما ظبط الاخرام و نفخت الكوتش العربيه رجعت تانى نشفت و الثبات قل زى ما كان فى الاول هههههههه
و الله بجد اول مشوار بعد التصليح الكوتش العربيه بتتنطط و مش ثابته و ناشفه و بتدبب جامد مش زى ما كان لما الكوتش ضغطه 15 هههههههه و الله الربيه كانت نعمه مووووووووووووووت و كنت مستريح جدا و مستغرب جدا و كانت ثابه عن الاول بصراحه و مفيش ترزيع و لا تنطيط و لا الهوا و حسيت انى راكب عربيه تانيه و الله بس العربيه كان سحبها متوسط لضعيف و استهلاكها كان كتير بصراحه .


العربيه دى فعلا مظلومه فى نوع الكوتش و الضغط بتاع العجل و كمان المساعد قصير ,
و كل اللى ركبو معايا ال كام يوم اللى فاتو و العجل شبه نايم على 15 قالولى هى العربيه نعمت اوى و بقت مريحه كده ازاى .انت عملت اه ؟؟؟؟؟؟ هههههههههههه
طبعا انا معرفتش اصلح الكوتش بسبب العيد و مفيش بتوع كاوتش فتحين .
و الله اعلم

كده الموضوع كبر اوى انا نويت على مقاس 225/45/17 ماركة محترمة و دلوقتى بسأل على الأسعار وشكرا ياباشا على الرد