عرض للطباعة
ارجو الافادة عن سيارة جولف 4 موديل 2000 فابريكة بالكامل راكب فيها موتور أودى 4 موديل 2004 1800 cc كامه واحدة ماشية 60 الف كم تقريبا مع جنوط 17 كروم وفوانيس رنجات امامى وليدات خلفى ....الراجل طلب 75000جم ايه رأيكم.....وايه اخبار الموتور ده واستهلاك البنزين فيه..وهل العفشة تستحمل حجم الموتور وقوتة...وشكراً
بص يا باشا, اولا: جولف موديل 2000 فبريكة برة و جوة عاملة 60 الف المفروض تمنها يبقى 75 الى 80. بس موضوع الموتور دة بيقلل من ثمنها على اساس انها كدة مش اصلى و فى نفس الوقت انت مش هتحس بفرق اوى فى الاداء عشان دة اخرة 120 حصان.
ثانيا: انا معرفش حاجة عنة بس هو المفروض تلاقى قطع غيارة Vw عادى بس اسال عليها عشان ممكن تلبس فى الحيط.
ثالثا: لازم تعرف الميكانيكى اللى عمل الشغل فيها.
رابعا: الموتور كامة واحدة فا غالبا هتلاقية 8 صباب فا الاستهلاك ها يبقى معقول.
خامسا: العفشة ما فيهاش مشكلة فى ال1800 العادى.
حالة العربية هى الفيصل
خلى محمد سمير يبص عليها
مبحبش المواتير المتسقطة كمان الناس هتقولك عربية متسقطلها موتور يبقي كانت مهرية فحت و ردم المصريين بيفكروا كده لو حبيت تبيعها هتأرفك
- العربيه فعلا مطلوب فيها 75 الف هيه ماشيه 60 الف كيلو مش جنيه :)اقتباس:
المشاركة الأصلية كتبت بواسطة iBiZa
- لو العربيه 120 حصان تفرق طبعا كتير لأن الموتور الجولف الـ 1400 معظمه 75 حصان!!
- مش معقول موتور اودي 2004 يكون 8 صمامات بس... فيه عربيات كتير حديثه بكامه واحده و 16 صمام (هوندا سيفيك 2007 ابرز مثال) غير كده الصمامات الأقل مش معناها استهلاك بنزين اقل.
من الآخر المهم حاله العربيه و بالنسبه للموتور خد الكود بتاعه و اكشف عليه على النت و بعدين اسأل على قطع غياره.
طالما الموتور مش الأصلى يبأا ماتسواش حاجه لأن العربيات الألمانى زى التحف وهوا دا اللى مزود تمنها وطالما الموتور متغير يبأا العربية ماتسواش حتى 50 ألف!!
طيب إيه اللى حصل للموتور الأصلى؟؟
العربيات الفولكس لازم تشتريها بحالتها وحتى لو طالع روحها المهم إن كل أجزائها فى مكانها وماتلعبش فيها!!
أكيد لما الموتور إتركب مافيش حاجه رجعت زى الحالة الأصلى!!
لو اتفقت أذواق الناس لبارت السلع..
فيه ناس بتنبهر بالعربيات المعدلة واللى معمول فيها شغل وجنوط وكده يعنى!!
بس أنا عن نفسى لو العربيه إتلعب فى مسمار واحد فيها يبأا تمنها بيقل كتييييييير وكمان الجنط الأصلى حتى لو حديد فى نظرى أغلى بكتير من الإسبور بس كل واحد ومزاجه..
بلاش العربيه دي بجد
انت عارف متركبلها متور حالته ايه و خد بالك هاتصرف عليها جامد
ال 75 الف يجيبو حاله احسن و موديل اعلى و جولف برضه