العربية النترا 2009 شاريها من شهرين كان مستوي زيت الفرامل ناقص شوية روحت مزوده لحد full وبعد شهر لقيته نقص تاني جامد والفرامل حاسس انها ضعيفة شوية لازم ادوس جامد عشان تفرمل كويس ياتري ده عيب ايه
عرض للطباعة
العربية النترا 2009 شاريها من شهرين كان مستوي زيت الفرامل ناقص شوية روحت مزوده لحد full وبعد شهر لقيته نقص تاني جامد والفرامل حاسس انها ضعيفة شوية لازم ادوس جامد عشان تفرمل كويس ياتري ده عيب ايه
مفيش ولا رد
شوف الطبعيى إن لما الزيت ينقص وكله تمام و مفيش تسريب يبقى التيل قرب يخلص المفروض ما تزودوش
غير كدا بيبقى فيه تسريب دا كل اللى أعرفه
طب اغير اللي ورا ولا اللي قدام هو قدام عندي كويس ممكن ورا يكون جاب اخره؟
ما إنت ياباشا مش متأكد إذا كان خلص ولا لأ
ممكن يكون فيه مشكلة فى دايرة الفرامل غير التيل
شوف هقولك على حاجة أنا أعرف إن كل عربية بيبقى ليها تيل معين يعنى مثلا التيل جديد بيبقى 18 مللى سمكه بقول مثلا مش شرط بتختلف من عربية لأخرى أقل حاجة ممكن تمشى بيه يبقى 9 مثلا برضه لو قل عن كدا يبقى التيل عايز يتغير
بناء على المثال دا شوف التيل عندك جديد مقاسه كام ويتغير لما يوصل لإيه أو روح لواحد يكون فاهم وإنت واثق منه
متشكر ياباشا علي تعبك وان شاء الله هروح اكشف عليهم واشوف ايه اللي هيتم
انا فعلا عرفت المعلومة دي الاسبوع اللي فات كنت بغير التيل وكان ضايع والميكانيكي قالي تستدل عليه من لمبة الفرامل وفعلا كانت بتنور وانا استنصح وازود الزيت اللمبة تطفى
طيب ما هو لو التيل بايظ اخالص اللمبة المفروض تنور ولو إنت حطيت زيت ومغيرتوش هتطفى تانى
لازم تتأكيد الأول من سلامة دورة الفرامل وسلامة التيل قبل ما تزود الزيت أنا حاليا عندى فى الميجان زيت الفرامل ناقص بس اللمبة لسة منورتش لما تنور هبقى أتصرف وقتها لكن مش هزود زيت
أنا برضو الزيت نقص بس اللمبة منورتش عموما مش هزوده لغاية ام اغير التيل واشوف
كان بيحصلي قبل كده في حاجه في الجنط بتقطع خرطوم الزيت :/ بس في لحظه بيكون الزيت كله في الشارع مش تسريب