استطلاع راي ضروري في لون اكسنت ار بي

**mshmshm3** · 28-08-2012 12:49 AM

المشاركة الأصلية كتبت بواسطة ultramisho

الحقيقة انا عارف ان الموضوع مش مقارنة بين الار بي والسيراتو وواضح ان صاحب الموضوع مقرر يشتري الآر بي خلاص وبيسأل عن اللون ورأيي في النقطة دي انك تروح وتشوفهم على الطبيعة وتقرر لو عاجبك لون بوضوح خده ولو مش عاجبك ماتحاولش تقنع نفسك بيه استنى اللون الي بتحبه مش كل يوم هتشتري عربية
أما بخصوص السيراتو _ وده موضوع جانبي - تسمحولي مع تقديري لرأيكم هي مش كلها مزايا
يعني انا عانيت من البلالين مرتين وغرمت قد كده وكمان العفشة ناشفة اوي والي بيقعد ورا بيقعد يلعن فيها مع كل مطب وكمان تكييفها مش تلاجة اوي يعني الار بي احسن منها شأنه شأن كل الهيونداي وبصراحة باخاف عليها زيادة من كتر ماسمعت سهولة سرقتها وربنا يسترها بس طبعا ده مايمنعش انها اوسع وفيها اوبشنز كتير ومنها خليجي بسعر الار بي تاني فئة بس انا عمري ما هاشتري خليجي واغامر
تقبلوا تحياتي

غير كدة شكل الار بي الجديد السيراتو شكلها بقي قديم

**drcobra** · 29-08-2012 09:43 PM

انا معايا اللون ازرق وبيسموه ازرق بيبسى
اللون جميل جدا لكن محتاج دايما العربية نظيفة ومغسولة لكن لو فى تراب بتبقى شكلها وحش اوى لو رجع بيا الزمن تانى هاشترى السماوى تحفة تحفة والله مبين كل تفاصيلها ولايق عليها اكتر من اى عربية تانية حتى الالنترا ةالله
بخصوص البرونز لون حلو وتقدر تلعب فى تعديل العربية كويس يعنى جنوط اسود انا شوفت عربية متعدلة اللون برونزى والجنط 16 اسود والشبكة الامامية متعدلة روعة وربنا يوفقك للى فية الخير

**dragking** · 29-08-2012 09:54 PM

برونزي وتوكل على الله

**NoRmAl** · 29-08-2012 10:43 PM

بيبسي = أزرق
بالنسبالي تحفة
بس هي أزواق :)
ربنا يوفقك

**mody_elmasry** · 30-08-2012 01:07 AM

جزاكم الله عنا كل خير انا الحمد لله جبت البرونز وطلع لون شيك اوي الحمد لله اصل هو متحسش انو برونز اوي تحس انو قالب علي كاكاوي فاتح لونه جميل ما شاء الله

وشكرا علي الردود

**Ghosts** · 30-08-2012 02:05 AM

المشاركة الأصلية كتبت بواسطة mshmshm3

غير كدة شكل الار بي الجديد السيراتو شكلها بقي قديم

أول ما نزلت السيراتو كانت عينى بتطلع عليها ....

دلوقتى بقت زيها زى الفيرنا (مع كامل أحترامى لكل ملاك الفيرنا) ....

**john55** · 31-08-2012 01:24 AM

المشاركة الأصلية كتبت بواسطة mody_elmasry

جزاكم الله عنا كل خير انا الحمد لله جبت البرونز وطلع لون شيك اوي الحمد لله اصل هو متحسش انو برونز اوي تحس انو قالب علي كاكاوي فاتح لونه جميل ما شاء الله

وشكرا علي الردود

مبروووووووووووك