السنتر لوك ضاع !! هل فيه قلق او خوف ؟؟

**Ahmod** · 24-08-2012 12:46 AM

السلام عليكم ورحمة الله وبركاته

كنت رايح مشوار لبين السريات وقلت اخدها مكروباص اسرعلي

خصوصا اني ماكنتش ضامن اني هلاقي ركنة كويسة وماكنتش عارف المكان بالظبط

طلعت على اول شارع فيصل وقمت راكب مكروباص نزلت اتمشيت لحد ماوصلت لبين السريات

بعدها بشوية عدى من جمبي موتوسكيل كدة المهم بعد ماعدى حسيت ان ايدي بقت خفيفة يعني مش الوزن اللى انا متعود اشيله

بصيت في المفاتيح لقيت السنتر لوك "الريموت" مش موجود !! ومعاه المفتاح اللى بيفتح الكلبش بتاع الدركيسون لان الاتنين كانو متعلقين مع بعض

الله واعلم بقى الموتوسكيل ده ايده خفيفه ولطشه ولا هو وقع مني وانا ماشي او وقع في المكروباص

الارجح انه وقع خصوصا ان المادلية اللى كان متعلق فيها بقالي مدة واخد بالي انها مخلخلة بس كنت مكبر !!

فهل دلوقتي فيه اي قلق او خوف ؟؟ انا اللى مطمني شوية انه وقع في حتة بعيد عن اللى بركن فيها العربية + منطقة مش متعود اروحها كتير

بس برضوا مش مطمن

هل لو رحت لبتاع مفاتيح ممكن يعملي ريموت جديد و يلغي القديم بحيث مايفتحش العربية !! ؟؟ مع العلم ان السنتر انا اللى مركبه يعني مش الاصلي بتاع العربية

ولا اكبر دماغي وانا كدة كدة معايا نسخة تانية من الريموت ؟؟

ايه رايكم ؟ فيه داعي للخوف والقلق ولا لاء ؟؟؟ مع العلم ان اللى ضاع الريموت فقط اما المفتاح موجود الحمد لله ماوقعش

**SAMEH_FOUAD** · 24-08-2012 01:31 AM

غير الانذار وتمنة مش غالى واشترى دماغك

**koshary** · 24-08-2012 02:13 AM

لما حصلت معايا والريموت وقع ومعايا النسخه الاحتياطية روحت لمحل اكسسوارات وقولتلو عاوز اغير الريموت بتاع الانذار لان فى واحد وقع وخايف ان حد يفتح العربيه بيه قالى تمن الريموت 45 جنية وهيمسح البرمجة من على الجهاز وهينزل برمجة من اول وجديد ب 20 جنية واديتو ال 65 جنية ومشيت اعتقد ده حل كويس انما لو فى دماغك تغير جهاز الانذار يبقا احسن غيرو وهات حاجه نضيفة

**M.Alaa92** · 24-08-2012 02:44 AM

بص برمجة الانذار مفيدة + ترووح لواحد بتااع مفااتيح ( عربيات ) يعدلك سن الكالون بتااع البابين و الكونتاكت بحيث انو لو فتح العربية بالمفتااح ميقدرش يدورها بالمفتااح اللى معاااه ( و حيطلعلك مفتااح جديد )و ياريت متستناااش كتير عشان ممكن يكونو قاطرينك و يعرفو مكاان العربية ولا قدر الله يحصل حاجة مش كويسة