ألحمد لله ربنا سترها معايا :)
صحيح العربية الاصيلة متعملش حركات نص كم الا وانت جمب البيت :):):)
النهاردة كنت رايح 6 اكتوبر بالعربية ويادوب خرجت من الشارع بتاعي وكنت فاتجاهى للدائري من شبرا الخيمة الطريق الزراعي .... وهووووووووووووووب سمعت صوت حكة جامدة فالارض والعربية قفشت ... مورت العربية وجبت الاول وجيت اطلع .... العربية مش راضية تتحرك وقافشة كانى شادد فرامل اليد .... المهم نزلت لقيت العجلة الشمال قدام ملفوفة خالص مع ان الدركسيون عدل والعجل الباقي عدل .... واحد ابن حلال وقف معايا وعدلى العجلة بايده وانا سوقت شوية شوية وهو بيلفهالى بايدة عشان اركن على جمب .... وقالى ان الاكس الواصل بين الدركسيون العجلة اتفك :):):) .....
ياوقعة مربرة .... قمت حاطط المدام فتوك توك وشحنتها فالبيت :):):) وقمت قافل العربية وطيران على العفشجي حبيبي كان لسه بيفتح .... خدته بعربيته ورحنا للعربية الحمد لله كانت على بعد كيلو واحد من البيت .... بص قالي الاكس واقع دور على المسمار بتاعه مكان موقفت منك ... قلبنا الشرع ملقناهوش .... راح الورشة جابلي واحد ورجع ركبه وقرط وظبط وكله بقي تمام .... قلت مدام اليوم باظ باظ اكمل اليوم عنده فالورشة واعمل شوية شغل العفشة اللى كنت نفسي اعملهم من زمن .....
فاكرين صوت الدبدبة اياه اللى كنت سألت عليه قبل كده فموضوعي
http://www.nilemotors.net/Nile/299046-a.html
قالى مسامير الاتزان عندك واقعة خالص والجلد بتاعها مش موجود .... ودا اللى عاملك الدبدبة .... وكشف على العفشة كلها وغيرنا الاتي
جلب مقصات
بيض مقصات
مسامير اتزان كاملة بالكاتوش بتاعها
وبعدين ربط العفشة من ورا وظبط كل حاجة
ورحت ظبطت زوايا
وبعدين طلعت جربت العربية الحمد لله تمام والصوت راح وكله زي الفل
دفعت 320 جنيه خامات و 100 مصنيعة :) عشان المشوار الحلو بتاع الصبح اللى سيبت الراجل الورشة بسببه
واليوم انضرب :):):)
بس هي دي قصة حياتي
أصيلة والله يا جوليت يا حبيبتي