الموضوع: --||.... ساعدوني في شراء اللوجان الأوتوماتيك ....||--

المشاركة الأصلية كتبت بواسطة amr.elsayed

اهلا بحضرتك استاذ احمد قسمنا منور و اختيارك دة وسام على كبوت اللوجان وان شاء الله اختيار موفق
............
اماكن الشراء الموثوق فيها هى بالترتيب التوكيل و محمد زكى واوتو سمير ريان
وال 3 حتى الان بنسمع عنهم سمع خير والتعامل معاهم كويس ومحترم دة غير انهم موزعين معتمدين لرينو
بالنسبة للاوتوماتيك العربية عليها ضغط وناس كتير بتشتريها اكتر من المانيول وبالتالى عليها حجز
لكن نصيحتى لحضرتك تتوجه لمحمد زكى وبلاش التوكيل لان التوكيل حيقولك 3 شهور ويمكن اكتر
لكن الموزعين بيكون ليهم حصة كويسة وبيوفروا العربيات اسرع
....................
ماعنديش فكرة الحقيقة عن اماكن الاوفر برايس ونصيحة بلاش علشان الجشع لكن عموما
بيكون فى حدود من 500 جنيه ل 1000 وغالبا بتخلص على 500
بس دة فى حالة ان العربية شاحة جدا غير كدة لو حضرتك روحت لمحمد زكى ممكن يقولك كمان اسبوعين ودة وقت حلو ومش طويل
.....................
كرسى السائق بيطلع لفوق وتحت بدرجات مختلفة
.....................
ممكن تقارن بينها وبين البروتون ساجا اتفرج على دى ودى وقرر
بالنسبالى انا اميل للوجان لان مجربها من 2010 وعربية كويسة وواسعة ومريحة فى السفر + التوكيل كويس واستهلاكها حلو للبنزين بالذات فى السفر تحفة
....................
راجع على كل العربية .. ودهان العربية ما يكونش فيه خربوش وتشيل الورق اللزق فى المعرض ولف حواليها
اتاكد من الكوتش كله مقاس واحد والاستبن نفس المقاس والنوع ... حتستلم علبة وش الكاسيت وطفاية السجاية والاريل .. 3 كتيبات صيانة و دليل مستخدم و دليل كاسيت
والكوريك بيكون فى شمال الشنطة ومفك العجل بيكون على يمين الشنطة .. اهم حاجة دعبس
فى الصالون عن اى حاجة مش عجباك
وجرب كل انوار العربية حتى نور الصالون وجرب التكييف واعمل حسابك فى فلاشة وسى دى علشان تجرب الكاسيت
من الاخر نظرة شاملة على جميع وظائف العربية وعلى اقل من مهلك
وان شاء الله نبارك لحضرتك قريبا وكل سنة وانت طيب

الحقيقة يا أستاذ عمرو..موضوع اﻷوفر برايس ده سببه التوكيل و ﻻ أحد غير التوكيل ﻷنه ببساطة ميهموش المشترى القطاعى فبيعمل حجز للعربية من 3-6 أشهر فلو أنت عندك صبر أيوب خليك مع التوكيل و لو معندكش و هم عارفين ده كويس قوى يبقى مجبر تلجأ للموزع المعتمد أو المعارض وباﻹتفاق فيما بينهم بيكون اﻷوفر برايس للوجان بيوصلها ل 82000 جنيه اﻷوتو و سمعت كمان ل 82500 و أنت و شطارتك، أنا حجزتها عند موزع معتمد وفاصلت معاه آخرها 81500. ...فإذن مفيش موضوع ال500-1000 ده...و ده بعد ما سألت عن سعرها عند اﻵخرين ومنهم اللى حضرتك ذكرتهم و إن كان أوتو س ريان ليس موزع معتمد مذكور على صفحة رينو مصر
المفارقة فى الموضوع أنك لما تكلم محمد زكى يقولك مش عندى اﻷوتو مبأشتغلش فيها....تقفل و تكلم فرع المعادى يقولك موجودة يا أفندم تدفع حجز 5000 جنيه و اﻹستلام بعد 3 أشهر...تقولوا ده زى التوكيل يقولك ما أنا موزع معتمد زى التوكيل....لكن،،،وحط خطين تحت لكن دى...لو عايزها أسرع عندى إستلام فورى....بكام يا عمنا يقولى هأسألك...و يرجع يكلمك و يقولك...الحقيقة يا بيه أنا حاولت بس آخر سعر وصلتلوا كان 82000 عشان خاطر حضرتك هى برانا ب82500 بس أنا قدرت بعد ماىعملت المستحيلات أجيبهالك ب82000. ..ده من بق أ.س....مدير المبيعات....ويقولك أصلها بتاعت تاجر ومجاش ياخدها...يعنى هى بتاعت حد و أنت هتبيعهالى!!!!!!
يبقى مين الملام المشترى و لا مين...لو رحت قلتلهم مش دافع غير 500 جنيه و مطرح ما تحطوا راسكم حطوا رجليكم هيقولك و ماله هات الفلوس و إبقى إستلم بقى يا حبيبى بعد شهر...ثم تلاقيهم إتنين فتلاتة و دواليك...
زى ما حصل فى نيسان صنى الجديدة

المشاركة الأصلية كتبت بواسطة mclaren2012

الحقيقة يا أستاذ عمرو..موضوع اﻷوفر برايس ده سببه التوكيل و ﻻ أحد غير التوكيل ﻷنه ببساطة ميهموش المشترى القطاعى فبيعمل حجز للعربية من 3-6 أشهر فلو أنت عندك صبر أيوب خليك مع التوكيل و لو معندكش و هم عارفين ده كويس قوى يبقى مجبر تلجأ للموزع المعتمد أو المعارض وباﻹتفاق فيما بينهم بيكون اﻷوفر برايس للوجان بيوصلها ل 82000 جنيه اﻷوتو و سمعت كمان ل 82500 و أنت و شطارتك، أنا حجزتها عند موزع معتمد وفاصلت معاه آخرها 81500. ...فإذن مفيش موضوع ال500-1000 ده...و ده بعد ما سألت عن سعرها عند اﻵخرين ومنهم اللى حضرتك ذكرتهم و إن كان أوتو س ريان ليس موزع معتمد مذكور على صفحة رينو مصر
المفارقة فى الموضوع أنك لما تكلم محمد زكى يقولك مش عندى اﻷوتو مبأشتغلش فيها....تقفل و تكلم فرع المعادى يقولك موجودة يا أفندم تدفع حجز 5000 جنيه و اﻹستلام بعد 3 أشهر...تقولوا ده زى التوكيل يقولك ما أنا موزع معتمد زى التوكيل....لكن،،،وحط خطين تحت لكن دى...لو عايزها أسرع عندى إستلام فورى....بكام يا عمنا يقولى هأسألك...و يرجع يكلمك و يقولك...الحقيقة يا بيه أنا حاولت بس آخر سعر وصلتلوا كان 82000 عشان خاطر حضرتك هى برانا ب82500 بس أنا قدرت بعد ماىعملت المستحيلات أجيبهالك ب82000. ..ده من بق أ.س....مدير المبيعات....ويقولك أصلها بتاعت تاجر ومجاش ياخدها...يعنى هى بتاعت حد و أنت هتبيعهالى!!!!!!
يبقى مين الملام المشترى و لا مين...لو رحت قلتلهم مش دافع غير 500 جنيه و مطرح ما تحطوا راسكم حطوا رجليكم هيقولك و ماله هات الفلوس و إبقى إستلم بقى يا حبيبى بعد شهر...ثم تلاقيهم إتنين فتلاتة و دواليك...
زى ما حصل فى نيسان صنى الجديدة

الحقيقة انا ليا وجه نظر مختلفة فى موضوع الاوفر برايس دة .. انا ممكن اشترى عربية من التوكيل ب 80 الف النهاردة
وبكرة اعرضها للبيع ب 82 الف .. حد عايز منى حاجة ؟؟؟ هل التوكيل كدة غلطان فى حاجة ؟؟؟؟
.............................
التوكيل مالوش ذنب فى القصة دى سواء نيسان او رينو .. اى توكيل بيكون ليه شبكة موزعين على مستوى الجمهورية
وبيكون فى بينهم وبين التوكيل عقود ووثائق بتحدد الحصص للموزع وواجب على التوكيل توفير هذه الحصص للموزع
.................
من وجه نظرى الشخصية ان احنا السبب فى الاوفر برايس (كمستهلكين) .. انا شايف واحد جشع وانتهازى وعايز يستغلنى
وياخد فلوس فوق تمن العربية (وخلى بالك بضاعته وهو حر وبين البايع والشارى يفتح الله)
ايه السبب اللى يخلينى اشترى منه ؟؟؟؟ !!!!! ... وفى نفس الوقت التاجر الجشع بيلاقى اللى بيشترى منه يبقى ايه السبب انه يقلل السعر
معلش احنا كمستهلكين لو عايزين نحكم السوق فى صالحنا .. اروح احجز فى التوكيل واقاطع اللى بيعمل عليا اوفر برايس
وبالتالى حيضطر يبيع بالسعر الصح غصب عنه لانه لو ما بعش حتقعد فى ارابيزه لكن احنا ثقافاتنا كمستهلكين بنخضع لجشع التجار بدون مقاومة ونرميها على الوكيل

هأقول لحضرتك حاجة...لو تاجر واحد هو اللى جشع كان إتعرف و إتفضح و الناس عرفته لكن لما تلاقى إتفاق على رينج سعر بين الموزعين المعتمدين و باقى تجار القطاعى يبقى فيه حاجه غلط...و لما الموزع المعتمد يغلط و التوكيل واقف يتفرج يبقى ملهاش غير معنى واحد أنه فيه إتفاق فيما بينهم....و بعدين من إمتى كان فيه حجز لسيارة موديل موجود فى السوق بقاله تقريبا 3سنوات حجز قد يصل ﻷربع أو ستة أشهر...أنا فاكر أنى كنت حاجز دايو لانوس 2 موديل 2000 أول ما نزلت من حسام أبو الفتوح و كانت أوتوماتك يعنى عدد محدود جدا ﻷنهم ما نزلوهاش بعد كدة و إستلمتها من التوكيل بعد شهر بالتمام و الكمال ولا موزع معتمد و لا معرض قالى أوفر برايس ولا توكيل قالى 3أشهر أدنى تقدير!!
وبعدين هو ممكن حضرتك تحجز عربية و تستلمها بعد 3أشهر لو كان معاك عربية تانية يبقى ساعتها تيجى براحتها على اﻵخر....لكن لما تكون متقدرش تتحمل مصاريف تشغيل سيارتين فى نفس الوقت و ده بيبقى حال أغلب الناس اللى حاجزة من الفئة السعرية دى مع وجود بعض اﻹستثناءات يبقى التوكيل حطك فى خانة اليك و يتشترى يا تقعد من غير عربية تغنى ظلموه لحد ما التوكيل يتعطف علينا و يجيبها....
و بعدين فيه حاجة غريبة حبتين؟؟..هو التوكيل بيستنى يلم فلوس الحجوزات عشان يضمن حقه و بعدين يعمل أمر إستيراد؟؟ طيب توكيل نيسان كان ليه حق ﻷنه بيجمع العربية مش بيستوردها و مرتبط بموردين و خلافه...لكن إيه حجة توكيل رينو فى عربياته اللى بيستوردها بالكامل و خللى بالك الموضوع مش لوجان بس دى كل الموديلات بتاعت رينو اللى من المغرب أو تركيا نفس الرد و نفس اﻹسطوانة...حجز لمدة ثلاثة أشهر!!!!

المشاركة الأصلية كتبت بواسطة ahmed1981

ألف شكر للأستاذ عمر والأستاذ مكلارين
جزاكم الله خيراً وربنا يكرمكم

القسم ما شاء الله منور برجالته

وكده في الغالب هروح لمحمد زكي

لكن أتمنى إنه يكون بيطلعها بنفس سعر التوكيل

يا ريت لو عرفت تجيب اﻷوتو بالكاسيت الجديد يو إس بى و بلوتوث بسعر التوكيل اللى هو 79900 من غير أوفر برايس يا ريت تقولنا....و بالتوفيق..
أنا حاجز مع السبع من قبل العيد بفترة صغيرة اﻷوتو بالكاسيت الجديد و لسة مستنى....دعواتك يا باشا