كل من يمتلك نيسان قاشقاي 2011

**beeko** · 24-08-2012 04:21 PM

بسم الله

انا من عشاااق قاشقايتي و الحمد الله

كنت عايز كل واحد معاه قشقاي سواء مانوال أو اوتوماتك يقول تجربتة معاها و ايه الي مش عاجبه فيها او ايه المشاكل الي حصلت لقدر الله

**kliken** · 24-08-2012 06:51 PM

فى المواضيع المثبتة فى اعلى الصفحه حضرتك تتلاقى مواضيع كتير عن القاشقاى اكيد حضرتك تتلاقى كل اللى محتاجه

**mke10** · 25-08-2012 04:35 AM

السلام عليكم انا جبت القشقاي من شهرين تقريبا ولي بعض الملاحظات البسيطه عليها وخصوصا اني كان معايا تيدا من ومشيت بيها ١٢٠،٠٠٠ كيلو

التقفيل الداخلي والفرش وخامه التابلوه في القشقاي اقل من التيدا
التقفيل الخارجي وومتانه الوصلات والاكر وقفل الشنطه ضعيف وملخلخ مقارنه بالتيدا
التسارع ضعيف للغاااااااااايه ويارب يكون احسن بعد ال ٥٠٠٠ كيلو يعني هي بتوصل معايا لل ١٥٠ الف بعد ٥ دقايق مثلا بعد الضغط علي البنزين ٩٥ اوكتين... التيدا كانت سريعه جدا وكنت بسبق بيها عربيات محترمه
صوت التكييف عالي جدااااا
الشنطه اقل اتساعا من التيدا
مش واسعه من ورا زي التيدا
مساحات التخزيت في الابواب صغيره او منعدمه ومساحه الدرج برضه صغير وغير مصمم بطريقه انه يستوعب حاجات كتير وبيككيف اللي جواه وخلاص ويريت مفيش حد يحط ورق جواه لانه هيبوظ
لايوجد زر استدعاء للسياره وكانت بتنفعني جدا لما بركن في اماكن مذدحمه ومش عارف راكن فين وعلي مسافه تذيد علي ٤٠٠ متر والله

الحاجات الحلوه اللي لاقيتها في القشقاي هي الابشنز
السقف البانوراما
الكاسيت والتكييف الاوتوماتيك
شكل الشياره يوحي بالفخامه
الجننوط ال ١٧ بوصه ومتانتها في المطبات
ال cvt extronic و الي بتخليها في المنحنيات افضل من التيدا
رشاشات الكشافات الاماميه عجبتني مع ان تصميمها يخليها ان اي واحد ممكن يكسرها ......لاننا في مصر
الزينون الاتوماتيك جميل
المفتاح الزكي والمقابض اللي بتقفل السياره كلها من غير الريموت الريموت بيتشغل علي مسافه صغيره جدا مقارنه بالتيدا
السياره مفيمه من الزجاج الخلفي بالكامل ومن الامامي بلون اخضر خفيف يقلل امتصاص اشعه الشمس
وفي حاجه غريبه لاقيتها في القشقاي ان سقف الموتور مبسخنش مهما مشيت بالعربيه تقريبا العزل محترم

وشكرا اخواني انا طبعا اتكلمت بصراحه شديديه بدون تحيز للعربيه القشقاي

**محمد بدر** · 25-08-2012 11:56 AM

متتتتتابع

**mke10** · 26-08-2012 01:21 PM

اخي الغزيز انا ساكن في مدينتي بعيد شويه عنك بس ياريت نتقابل واتعرف عليك بالنسبه للاكسسورات انا اشتريت كام حاجه من امازون وكان سعرها معقول جدا ... وفي حاجات جميله جدا علي الاي باي ebay بس للاسف مش شغاله في مصر ...

**محمد بدر** · 26-08-2012 01:27 PM

المشاركة الأصلية كتبت بواسطة mke10

اخي الغزيز انا ساكن في مدينتي بعيد شويه عنك بس ياريت نتقابل واتعرف عليك بالنسبه للاكسسورات انا اشتريت كام حاجه من امازون وكان سعرها معقول جدا ... وفي حاجات جميله جدا علي الاي باي ebay بس للاسف مش شغاله في مصر ...

ممكن عنوان (امازون)

**beeko** · 27-08-2012 02:43 AM

بس انا لمل دورت على النت لقيت اكسيسوريز بتاعة 2008 ,, و لما لقيت حاجة ل2011 الاقي الشيبينج بتعها غالي و الاقيها دربت في السعر ,,
و فرصة سعيدة جداً

**Youssef.Awad** · 27-08-2012 03:30 AM

المشاركة الأصلية كتبت بواسطة beeko

اولا مبرووك عليك , انا معايا المانول بقالي سنة و شهر تقريقا انا استلمتها في اول دفعه وصلت مصر , انا معااك جدا بالنسبة للتقفيل الداخلي مش اد كده خصوصا اني اابتدات اسمع صوت طقطقه في الابواب لمل ادوس فارامل جامد شوية و لما روحت للتوكيل عملهالي طبعا ببلاش و قلي ده بس صوت الاقر بتا

عت الباب قولت ماشي و ماالوو ,, بس الصوت راح خالص ,
بالنسبة للتسارع دا شييئ طبيعي جدن هاحس بالفرق بين التيدا و القاشقاي , مع اني مره قرصت شويه و خلات الر بي ام يوصل لخمسه حسات ان العربية عيزة تجيب اكتر دا زائد اني بكون ماشي بالخامس علي 120 و لو دوست اكتر العربية مشاالله مابتقولش لا و لقيت نفسي جايب 160 مستريح ممكن عشان المانيول مش عارف بقا .
انا عملت بيها 7800 كيلو تقريبا
انا المدايقني بس اني مشلاقي اكسيسوريز ليها خالص يمكن الاوتوماتك بينزل بيها الراكات بتاعت الروف و تحت الكبوت في عازل الحراري للمطور عشان كده لو حاتيت ايدك مش هتلاقي حراره خالص .
يارات كده تقولي انت ساكن فيين , انا ساكن جنب سرايا القبة

مبروووووووووووووك يافندم ع العربية ..
وليا عتاب صغير .. يعنى حضرتك بقالك سنة وشهر معاك قاشقاى ولسه عامل عضوية جديدة ومش بتشارك خالص (3 مشاركات فقط فى 6 شهور !!!)
ولا تفيدنا بانطباعاتك عن العربية والصيانة اللى عملتها ..
يا جماعة كلنا عاوزين نستفاد من خبرات بعض ..
والقسم مش هايفضل كله صنى وشوية تيدا وبس
يعنى نيسان بتكبر فى مصر وعمالة تنزل فى موديلات
واحنا فى القسم هنا مالناش نصيب من الزيادة دى فى المواضيع وتنوعها !!!
رجاء خاص من ملاك القاشقاى والجوك تزويدنا بتقارير عن عربياتهم
وياريت ما يبقوش زى اصحاب البلوبيرد والليفينا ..