الموضوع: طريقة شعبنا المصري العظيم في مواجهة سرقة كبلات الضغط العالي

الله ينور عليك

أنا بقى هقولك على موقف إنسانى أكتر من دا أنا ساكن فى عزبة على بعد شوية من البيوت فيه أراضى زراعية زمان وأنا صغير كنت بروح مع ولاد عمى عندهم جنينة عنب وكدا
بقالى فترة جامدة مرحتش الأراضى ومشفتش الزرع وقابلت زميل من العزبة عندهم أرض بيزعوها سلمت عليه وأخدنا الكلام وقال لى ما تيجى نتمشى كدا ناحية الزرع قلتله هاااااااااااااايل يلا بينا رحنا وقعدنا على طرف مجرى فاضية وناشفة من المياه وفيها نجيلة والجو كان رائع جدا وقعدنا نحكى شوية جمب الحتة دى فيه كام بيت لناس مزارعين غلابة جدا ببص كدا لقيت ثعبان لونه أسود طولة تقريبا متر أو 90 سم أقل تقدير التعبان
رحت قمت وشاورت لصاحبى بص يابنى شوف التعبان دا قال يانهار أبيض طيب هنعمل إيه قلت له نعم ؟ هو أنت اللى شغال فى الأراضى وبتواجهك الحاجات دى تقول لى هنعمل إيه المهم قلتله عايزين جريدة أو حاجة نضربه بيها دورنا هنا وهنا وهو لسة واقف مكانه ع الحيط ملقناش المهم قلتله روح هات إنت جريدة وأنا هفضل واقف مراقبه أنا لاحظت التعبان بيتحرك قلت لصاحبى بسرعة راح التعبان مشى بسرعة و دخل شق رحت قلت له بسرعة خلص راح التعبان طلع من الشق الظاهر كان ضيق عليه وراح لشق جمبه ودخل جواه زميلى اللكع بعد دا كله ما جابش جريدة

الحوار دا كله وفيه ناس مزارعين بتزرع المهم أنا قلت له يا هيثم شوف أى حد من الجيران دول يساعدنا عشان دا خطر على الناس اللى فى البيت وأنا خايف عليهم
أول واحد راجل فلاح وابن بلد بجد قال أنا محوى (محوى دى اعتقاد من الناس عندنا إن هو ما ينفعش يضرب التعبان ومينفعش التعبان يقرصه !!!! )
التانى قال أنا بخاف منهم من وأنا صغير
التالت قال ياعم سيبك هو عملك حاجة ؟ قلت له الصراحة لأ وابتسمت ؟ قال خلاص سيببه
قلتله ياعم طيب خلى واحد معدى من الحتة دى طيب خليه دخل على الناس بيتهم وقرص طفل أو بنت أو أى حد
المهم كله سابنى ومشى وأنا واقف زى المسمار شايفه فى الشق ومش راضى أمشى
لحد ما مشوا كلهم وسابونى لوحدى حتى هيثم هههههههههههههههههه

رحت أنا مشيت أروح أجيب واحد يساعدنى ملقتش ولا راجل فيكى يا عزبة يدينى يجى معايا أو يدينى حتة عصاية أموته بيها ؟؟

تخيلوا لو بيت واحد من الناس دى كان عمل إيه ؟ كان حط الجلبية فى أسنانه ومكنش نام وارتاح باله إلا لما قتله

المشاركة الأصلية كتبت بواسطة mahmoudselim

لاحول ولا قوة الا بالله.
ردك بيدل علي مستواك وطريقة تفكيرك.
عيب اوي الكلام ال انت كاتبة دا

شكرا

المشاركة الأصلية كتبت بواسطة mohammedaladel

الله ينور عليك

أنا بقى هقولك على موقف إنسانى أكتر من دا أنا ساكن فى عزبة على بعد شوية من البيوت فيه أراضى زراعية زمان وأنا صغير كنت بروح مع ولاد عمى عندهم جنينة عنب وكدا
بقالى فترة جامدة مرحتش الأراضى ومشفتش الزرع وقابلت زميل من العزبة عندهم أرض بيزعوها سلمت عليه وأخدنا الكلام وقال لى ما تيجى نتمشى كدا ناحية الزرع قلتله هاااااااااااااايل يلا بينا رحنا وقعدنا على طرف مجرى فاضية وناشفة من المياه وفيها نجيلة والجو كان رائع جدا وقعدنا نحكى شوية جمب الحتة دى فيه كام بيت لناس مزارعين غلابة جدا ببص كدا لقيت ثعبان لونه أسود طولة تقريبا متر أو 90 سم أقل تقدير التعبان
رحت قمت وشاورت لصاحبى بص يابنى شوف التعبان دا قال يانهار أبيض طيب هنعمل إيه قلت له نعم ؟ هو أنت اللى شغال فى الأراضى وبتواجهك الحاجات دى تقول لى هنعمل إيه المهم قلتله عايزين جريدة أو حاجة نضربه بيها دورنا هنا وهنا وهو لسة واقف مكانه ع الحيط ملقناش المهم قلتله روح هات إنت جريدة وأنا هفضل واقف مراقبه أنا لاحظت التعبان بيتحرك قلت لصاحبى بسرعة راح التعبان مشى بسرعة و دخل شق رحت قلت له بسرعة خلص راح التعبان طلع من الشق الظاهر كان ضيق عليه وراح لشق جمبه ودخل جواه زميلى اللكع بعد دا كله ما جابش جريدة

الحوار دا كله وفيه ناس مزارعين بتزرع المهم أنا قلت له يا هيثم شوف أى حد من الجيران دول يساعدنا عشان دا خطر على الناس اللى فى البيت وأنا خايف عليهم
أول واحد راجل فلاح وابن بلد بجد قال أنا محوى (محوى دى اعتقاد من الناس عندنا إن هو ما ينفعش يضرب التعبان ومينفعش التعبان يقرصه !!!! )
التانى قال أنا بخاف منهم من وأنا صغير
التالت قال ياعم سيبك هو عملك حاجة ؟ قلت له الصراحة لأ وابتسمت ؟ قال خلاص سيببه
قلتله ياعم طيب خلى واحد معدى من الحتة دى طيب خليه دخل على الناس بيتهم وقرص طفل أو بنت أو أى حد
المهم كله سابنى ومشى وأنا واقف زى المسمار شايفه فى الشق ومش راضى أمشى
لحد ما مشوا كلهم وسابونى لوحدى حتى هيثم هههههههههههههههههه

رحت أنا مشيت أروح أجيب واحد يساعدنى ملقتش ولا راجل فيكى يا عزبة يدينى يجى معايا أو يدينى حتة عصاية أموته بيها ؟؟

تخيلوا لو بيت واحد من الناس دى كان عمل إيه ؟ كان حط الجلبية فى أسنانه ومكنش نام وارتاح باله إلا لما قتله

في الفلاحين متعودين علي الحاجات دي ومؤمنين بمبدأ ان التعبان مش هياذيك طالما ماذتهوش

ماهو يا استاذeng f3lix
انا كنت بتكلم فى الموضوع هو خد الحوار وقالى انتا بتقول بتألف
وروح اطلب من الجيش يحميك وكلام غريب
لية الطريقة دى منو فى الكلام
على العموم انا بتاسف ليك انت بس عشان انتا صاحب الموضوع

المشاركة الأصلية كتبت بواسطة shaddadfalcon1

في الفلاحين متعودين علي الحاجات دي ومؤمنين بمبدأ ان التعبان مش هياذيك طالما ماذتهوش

هما يقولوا ك دا لكن على أرض الواقع فيه عداوة شديدة بينهم وبين التعابين هههههههههههههه بس هما فى المواقف اللى زى دى لازم يطلعلك بحكمة ويعمل ناصح وحكيم


هقولك الطريف بقى اللى ناس كتير مؤمنة بيه الراجل اللى قال أنا محوى ومينفعش أضرب التعابين ولا هما ينفع يقرصونى عارف القصة دى جت إزاى :

فيه حاوى راجل كدا بيمسك التعابين ويوديها حديقة الحيوانات فى الجيزة وبنى سويف طبعا أكتر من واحد بيستغلوا المهنة الحلال دى فى أعمال غير شرعية بإنهم يضحكوا على الناس طيب إزاى هقولك :

أنا مثلا عندى بيت وإنت عندك بيت يروح هو يلف عليا أنا وإنت يخبط عليك ويقولك إيه أشوفلك إن كان عندك تعابين عنده الحاسة السابعة البيه تقعد تحكى معاه شوية يقولك استنى بس آه أنا سامع صوته هو بعينه بغباوته ههههههههه ويروح يجرى على مكان معين فى البيت وتلاقيه مطلع تعبان فى إيديه من بيتك !! متعرفش بقى بيبقى مخبيه فى دراعة ولا سحر ولا إيه بالظبط عموما التعابين اللى بينصب بيها دى بتبقى مش بتقرص


هو لما بيجى عند الفلاحين هنا بيبقوا مبسوطين بيه جدا وبيخصصوله جزء من المحصول السنوى
شفت الجهل يا باشا ؟

نيجى بقى لحتة محوى دى يروح واحد مفتول العضلات بشنباته ويقول للحاوى قدام الناس كلها ويجيب كام واحد ويفرج الناس عليه بيشهدوا على اللى هيحصل فيه وهو بيتفاخر طيب إيه اللى هيحصله ؟

بيروح للحاوى ويقوله خلاص أنا اتصافيت من ناحية التعابين ومش عايز أشترى عداوتهم ( كإنه تار ) ههههههه يروح الحاوى مطلع تعبان مفيهوش سم من جيبه ويخليه يلدغه فى ودانه


والزبون يدفع اللى فيه النصيب والناس تباركله على إنه اشترى قدره واشترى نصيبه إنه عمره ما هيموت بقرصة من تعبان شفت العجب !!!

هو بقى بيبقى فى دماغه إن التعبان دا بعت إشارة لا سلكية لكل التعابين فى العالم إنهم ميقرصوش صاحبنا لانه بقى منهم خلاص ههههههههههههههههههههههههه هههههه


اللى يعيش ياما يشوف واللى يمشى فى مصر يشوف أكتر



معلومة للجميع الثعبان سام جدا ومهما كان درجة الصداقة بينه وبين المدرب أو الراجل اللى هو محترف فى مسكه بسهولة جدا يغدر بالإنسان ويقرصه
عكس الكلب مثلا

المشاركة الأصلية كتبت بواسطة eng f3lix

يالهوي
بس دول شكلهم متعايشين مع الموضوع ده كتير في الاراضي
تعابين وابراص وسحالي وضفاضع اعتقد الوضع عادي هناك

ومع ذلك قمة فى الندالة

أنا عن نفسى لما كانت البندقية الصيد بتاعتى شغالة مكنتش بصطاد بيها غير الأبراص من ع الحيطان لأنى بكرهها جدا وبشمئز منها وجسمى بيترعش لما بشوفها بستمتع بقتلها جدا بس خلاص البندقية باظت

طيب هقولك على موقف تانى قدام عزبتنا فيه قرية إسمها المناهرة فيها كنيسة كبيرة على الطريق السريع كدا واحد حرامى دخل سرق دهب من جوا المهم اتكشف وجروا وراه راح هو نط ترعة الإبراهيمية وعدى عندنا فى العزبة والحكومة والعساكر ورااااااااااه المهم راح واحد من بلدنا شوف الشهامة بقى بدل ما يمسكه ويسلمه راح خباه عنده قال غيه وبيقول إيه
: الله فى عون العبد ما دام العبد فى عون أخيه ههههههههههههههههه

أخدهم هما الاتنين بسلامتهم ههههههههههههههه