طريقة شعبنا المصري العظيم في مواجهة سرقة كبلات الضغط العالي

**eng.m7md.ali** · 24-08-2012 10:25 PM

النهاردة حصل موقف اثبت ان احنا شعب عظيم بجد .. احم
عظيم في السلبية يعني مش في حاجة تانية
رايح المطرية من عين شمس لقريبي عشان اخده ونروح مشوار والكلام ده ساعت اذان المغرب
وبعد مستشفى النور المحمدي في المسلة بجانب سور ارض الجيش (ممنوع الاقتراب او التصوير )

لقيت 2 مسكين البتاع اللي بيقطع الصاج عند السمكري وعمالين يقطعوا في حاجة في الارض
وفي 3 واقفين حراسة او مراقبة عشان لو حصل حاجة ينبهوهم عشان يجرو ويهربو
المهم عديت من قدامهم عادي جداً محطتش في دماغي الا بعد ماعديت خلاص بحوالي 20 متر
وقفت شوية قدام كدة وباصص في المراية لقيت انهم بيقطعو في خطوط الضغط العالي اللي بتبقى في الارض
روحت مشيت شوية لقيت محل جنوط على ايدي الشمال وقفت على جنب وعديت الشارع ابلغهم باللي حصل وطبعا لا حياة لمن تنادي والرد اللي خدته هو اني اتصل ب 122 ابلغ الشرطة
المهم رجعت للعربية وعمال اتصل بالشرطة ان حد يرد عليا مفيش خالص
لحد مالرصيد خلص روحت ماشي وبعد شوية لقيت معرض عربيات بلغتهم اللي حصل
يقولي لا ده تلاقيهم بس تبع الوزارة ولا حاجة .. مسكت نفسي بالعافية روحت ماشي تاني عند بتاع كاوتش وقولتله اللي حصل
قالي اتصل بالشرطة
قولتله مش معايا رصيد وعمال اتصل بيهم لحد مالرصيد خلص
قالي معلش بقى نصيبهم يسرقو
سمعت الكلمة دي وطيرت على بيت قريبي وقولتله اللي حصل وهو راكب معايا فضلنا نتصل بالشرطة ومفيش حد رد لحد ماوصلنا لقسم الاميرية وبلغنة العساكر والامناء اللي واقفين هناك
جيه الظابط سمع الكلام ده قاليهم يلا يارجالة وجريو على البوكس بالسلاح بتاعهم وطلعو
انا طبعا ارتحت وقولت اهو الحمد لله الواحد عمل حاجة كويسة في حياته قبل مايموت
خلصت مشواري ورجعت من نفس الطريق
لقيت في كبل مقطوع في المنطقة دي ومرمي على الرصيف
جيه في بالي حاجتين حصلو
يأما اتمسكوا
يأما هربو خصوصا ان في فتحة كبيرة جبنهم وممكن يهربو منها لارض الجيش وطبعا محدش هيجري وراهم
واتفاجأت تاني ان النور قاطع من اول المستشفى لحد سنترال المطرية ( ده للي يعرف المنطقة كويس )

**eng.m7md.ali** · 24-08-2012 10:26 PM

على فكرة الناس كانت بتعدي من جمبهم عادي ومحدش بيتكلم
وكمان كان فيه تقريبا ميكانيكي او محل كاوتش قصادهم الناحية التانية

**shaddadfalcon1** · 24-08-2012 10:55 PM

هو فعلا الناس هتعمل ايه في ظل الهبل اللي بيحصل من البلطجيه دوول ؟ الأول كان اخرهم مطواه لكن لدوقتي سلاح
والحمد لله ان بتاع الشرطه راح بس المشكله في المتخلفين اللي مش بيردو علي الارقام بتاعتهم

**Hussein_Ramdan** · 24-08-2012 11:51 PM

انا ساكن فى نهاية شارع التروللى ورة مستشفى النور المحمدى
وفعلا النور قطع عندنا على المغرب كدة
ياجدع كنت اتصلت بيا كنت هقولك اتصل بالشرطة ههههههههه
بهزر طبعا
بس تعتقد الناس هتعمل اية يقولك انا ممكن اعور نفسى لية ولاة العيال دول ممكن يكون معاهم سلاح ممكن يعورو حد او يضربو نار او حاجة
الحكاية دى مسؤلية الدولة الى عاملة تلم فلوس مننا وبتشحت من برة وكمان مفيش امان
عشان العساكر والظباط انهاردة ماكنوش فاضين كانو بيحمو مقارات الاخوان

**Hussein_Ramdan** · 25-08-2012 12:25 AM

‫اشتباكات بالأسلحة النارية أمام المنطقة الشمالية‬&lrm; - YouTube
اتفرج وقولى
فين الشرطة او الجيش لما يحصل كدة اودام منشاءة عسكرية

**eng.m7md.ali** · 25-08-2012 12:52 AM

بيقلولك في الفيديو (ثوار احرار هنكمل المشوار )
الناس دي عبيطة ولا ايه؟
بس اللي مستغربله ازاي محدش خرج يفض الاعتصام ده زي ماحصل عند العباسية هههههههههههههه

**Hussein_Ramdan** · 25-08-2012 01:09 AM

عشان الناس زعلت لما الجيش خد الظبضية القضائية
دلوقتى الجيش مالوش حق يدخل
الاول كان فى ظل قانو الطوارق يقدر يدخل
لكن دلوقتى لاء
خالى الشعب يلبس عشان خارجين

**eng.m7md.ali** · 25-08-2012 01:31 AM

والنبي ياباشا هاتلي ميزة حلوة في الشعب ده
كان طيب كان حنين :)
شعب همجي
متخلف
جاهل
سلبي
...
كفايا كدة بدل مااخد وقف

**semi** · 25-08-2012 12:38 PM

اهنئك على ايجابيتك اللي هتفيدك دايما وعمرها ما هضرك
وانا برضه من دعاة الايجابية وبحاول في اي موقف اتحرك وابقى ايجابي
ومش بلوم الناس اللي رفضت تتدخل لان فعلا لو حد فيهم اتعور الدولة مش هتصرف على عياله
ولان ده مش دوره ده دور الشرطة وكل واحد لازم يقوم بدوره
وحضرتك بمنتهى الايجابية مش اكتفيت بالتبليغ وروحت بلغت بالقسم
والحمد لله ان الظابط طلع عنده امانة وضمير واتحرك بنفسه لان للاسف بقنا نسمع كتير انهم بينفضوا
وشرطة النجدة على فكرة للاسف مش بترد ولا احد يعلم السبب
وشئ اخر لو انت بتتصل على 122 المكالمة مجانية المفروض رصيدك مش يتأثر

المشاركة الأصلية كتبت بواسطة hussein_ramdan

عشان الناس زعلت لما الجيش خد الظبضية القضائية
دلوقتى الجيش مالوش حق يدخل
الاول كان فى ظل قانو الطوارق يقدر يدخل
لكن دلوقتى لاء
خالى الشعب يلبس عشان خارجين

هو اي كلام وخلاص ومقرات اخوان ايه اللي بيحميها
حضرتك بتألف من عندك
اولا لو الضبطية العسكرية هتحمينا مش عايزنها ممكن حضرتك
تقدم طلب يبقى لهم حق الضبطية العسكرية عليك
احنا مش عايزين حماية الا بطريقة صح وهي الشرطة المدنية
مفيش حاجه اسمها جيش ينزل يحمي مدنيين الجيش معروف وظيفته
لكن الشرطة المدنية مخصصة لحماية المدنيين ومنتظرين لما تتصلح باذن الله
وترجع زي الاول واحسن وبدون فساد

**Hussein_Ramdan** · 25-08-2012 01:45 PM

انا مش هنزل لمستواك ورد عليك عشان لو رديت عليك هبقا
زايك
.................................................. ......................................*

إنذار مع وقف أسبوع لمخالفة القاعدة رقم 13
م ع 3

الموضوع: طريقة شعبنا المصري العظيم في مواجهة سرقة كبلات الضغط العالي

LinkBack

أدوات الموضوع

عرض

طريقة شعبنا المصري العظيم في مواجهة سرقة كبلات الضغط العالي - انشر الموضوع فى :

-

-

-

المواضيع المتشابهه

سلبيات الشارع المصري تسبب الضغط و الشلل

طريقة لمنع سرقة الجين 2

طريقة سرقة الكيا سيراتو

بيان من السيد عمرو موسى المرشح لرئاسة الجمهورية إلى الشعب المصري العظيم

ما هو الضغط المنخفض والضغط العالي لتكييف السيارات بالنسبة للشحن

الكلمات الدلالية لهذا الموضوع

المفضلات

المفضلات

ضوابط المشاركة