الموضوع: مرور الشروق - هكذا يكون المرور

المشاركة الأصلية كتبت بواسطة se_coralsea

الأخوة الكرام ...

أسعد الله يومكم بكل الخير ...

بالأمس ذهبت الي مرور الشروق لعمل نقل ملكية لسيارة زوجتي حيث أننا الأن نتبع تلك الوحدة و أليكم تفاصيل تلك العملية و كل البيانات المتعلقة بمرور الشروق

أولا.. الموقع :
مدخل مدينة الشروق (2) من طريق القاهرة / السويس الصحراوي
بعد ماتدخل من المدخل ده تمشي علي طول هاتلاقي أدارة مرور الشروق علي الشمال

ثانيا.. الاماكن التابعة لمرور الشروق :
1- التجمع الأول
2- التجمع الخامس
3- الرحاب
4- مدينة بدر
5- مدينة الشروق
كل مايعرف جغرافيا بمحافظة حلوان

ثالثا.. نيابة مرور الشروق :
لاتوجد نيابة مرور لوحدة الشروق و أنما هي مازالت تتبع مرور مدينة نصر بالنسبة للمخالفات و تسليم الرخص المسحوبة

رابعا.. أجراءات نقل الملكية :
المستندات المطلوبة هي :
1- أصل عقد البيع المسجل بالشهر العقاري
2- أصل رخصة القيادة + صورة من الرخصة
3- وثيقة التامين (أذا كانت الرخصة سارية) أو عمل ملحق لها لتكملة باقي المدة
4- شهادة المخالفات من المرور القديم
5- البطاقة الشخصية لمالك السيارة + صورة من البطاقة الشخصية

الأوراق التي يتم سحبها من المرور :
1- نموذج الفحص (15 جنيه)
2- شراء طفاية و يتم دق رقم الشاسيه عليها (121 جنيه)
3- شراء مثلث عاكس + شنطة أسعافات أولية (أذا لم تكن بالسيارة) (75 جنيه)
4- ملف نقل ملكية (3 جنيه)
5- نموذج تجديد و لوحات و رسوم (38 جنيه)

الأجراءات :
1- الفحص الفني للسيارة و المعاينة حيث يقوم مهندس المرور بفحص السيارة و طبع رقم الشاسيه و الموتور علي نموذج الفحص
2- يتم التوجه لرئيس الوحدة لختم النموذج بعد توقيع مهندس الفحص
3- يتم التوجه للمرور القديم لعمل مطابقة بصمة
4- العودة للمرور المنقول اليه مرة أخري لتقديم كل الاوراق المذكورة

بالنسبة للزوجة من الممكن أن يتقدم الزوج عوضا عنها دون الحاجة الي توكيل علي أن يتم تقديم البطاقة الشخصية للزوج و الزوجة و صورة للبطاقتين

5- يتم أصدار تصريح لمدة 3 شهور حتي يتم نقل الملف بنفس اللوحات

خامسا.. تقييم مرور الشروق :
1- أدارة مرور الشروق منظمة جدا و العمل بها سريع
2- الموظفون في غاية الاحترام و الأدب و معظمهم من الشباب صغير السن
3- الأجراءات كلها خلصت في أجمالي 5 ساعات علي يومين (بسبب ذهابي لمرور الاميرية لعمل مطابقة البصمة)

أول مرة واحد يقول الكلام دة بكل أسف رئيس الوحدة رائد بسلسلة ما يقدرش يكسر كلام موظفية والفلوس بتتطلب عينى عينك على العموم ألف مبروك ويكفيك ويكفى زوجتك شرها

انت لما روحت المرور القديم علشان تطابق بصمة الموتور العملية دهيه عند مين في المرور وخدت وقت وايه الاوراق المطلوبه هناك

المرور فى المجمل بالمقارنة باماكن كتير افضل ويميزه قلة الكثافه النسبيه من المتعاملين معاه بس برضه فى نفس التصرفات الغير مبرره فى كل المصالح الحكوميه يعنى الخزانه المفروض شباكين مشغلين واحد مهندس الفحص بيفتح مخه ( مرور) بس فى المجمل هتنجز اسرع من اى مرور انا فحصت وجددت رخصة العربيه بما فى ذلك انى رحت جريش العاشر غيرت الزجاج الامامى ( سبب انهم كانوا عاوزين يتعاونوا ) فى حوالى 3 ساعات رقم قياسى طبعا وعموما مرور الشروق مصلحه حكوميه ممكن ان تكون ممتازه لو تخلو عن روح الروتين والامبالاه

يارب كلهم يبقوا بنفس المستوي ..