عرض للطباعة
السلام عليكم ورحمة الله وبركاته.
أنا ليا بعض الأصدقاء الصينيين وعاوزين يتعلمه العربي فهل في مكان أو مركز أو جامعة في مصر للموضوع ده.
أنا كنت سمعت إن معهد القوات المسلحة بيعلم عربي للأجانب بس مش متأكد هل بيعلم للصينيين ولا اللغة الإنجليزية بس.
لو حد يعرف يريت يقولي على إسم المكان.
وشكرا.
سؤال .... هل بيتكلموا اى لغة تانية غير الصينى؟
والله يا أستاذ عماد هما درسوا فعلا في السودان لغة عربية وإنجليزية بس مستواهم للأسف يعتبر تحت الصفر لسه:)اقتباس:
المشاركة الأصلية كتبت بواسطة emadkamel
يمكن الإنجليزي أحسن من العربي.يعني زي الإنجليزي بتاع أي شاب إتخرج من مدارس حكومة مثلا:)
انا شفت إعلانات تعليم لغة عربية للأجانب في مكتبة ديوان
المكتبة في الزمالك في شارع 26 يوليو .. بعد الساقية تاخد الشارع لأخره و تلف يو تيرن هتلاقيها علي يمينك .. و هي مكان محترم جدا علي فكرة
شكرا يافندم وجاري الإستعلام:)اقتباس:
المشاركة الأصلية كتبت بواسطة MoToRiZeR
فى السودان ؟؟!!! ياراجل ...هما بيتكلموا عربى فى السودان؟؟ :):) داير اجولليك شنو ... ماتكوريك معى يازول :):)اقتباس:
المشاركة الأصلية كتبت بواسطة elpasha009
طيب هما عايزين يتعلموا عربى كلغة يعنى (نحو وصرف وكده) وللا بس علشان يتعاملوا مع المصريين (يعنى phrases كده بس)؟
ههههههههههههههههههههههههه ههههههههاقتباس:
المشاركة الأصلية كتبت بواسطة emadkamel
لأ هو الموضوع إن والدهم بيعمل شغل في السودان فخد ولاده معاه هناك وبدأوا يتعلموا اللغة العربية والإنجليزية.
وبعدين هو قرر يخلي العائلة تعيش في مصر ويبقى متواجد بين مصر والسودان والصين:)
هما عاوزين يتعلموا العربي علشان يتكلموا بس عربي (phrases).والإنجليزي برده نفس النظام.
أستاذ MoToRiZeR للأسف سألت في المكتبة وقالولي إنهم بيبيعوا الكتب بس:)
أصل الموضوع بتاع تعليم اللغات ده مش تبع المكتبة
هو فيه board كدة في مدخل المكتبة عالشمال بيتحط عليه إعلانات و مواعيد الحفلات و الندوات الثقافية .. فا فيه جهة مش فاكر إسمها بالزبط بس فاكر كويس إن كان فيه إعلانين علي الأقل عن تعليم اللغة العربية للأجانب .
لو حضرتك ساكن بعيد ممكن اشوفهالك انا مفيش مشكلة انا قريب من هناك
انا رديت على الخاص
كان فيه اعلانات امام الجامعة الامريكية فى التحرير مبنى التعليم المستمر بره الجامعة على العمدان بس تقريبا التعليم بالانجليزى
فيه مركز لتعليم العربى الأجانب إسمة كلمات, المفروض إنه مكان كويس وديه معلوماته
Address : 22,Mohamed Mahmoud Shaaban St.
(formerly El-Koroum), Mohandessin, Giza, Egypt
Tel : (202) 37618136
Fax : (202) 37618136
E-mail : info@Kalimàtegypt.com
website : www.Kalimàtegypt.com
أنا شاكر ليكم جدا ياجماعة بس للأسف كل المراكز ده بتطلب إن يكون الشخص عنده فكرة عن العربي ولو حتى صغيرة.يعني هي مش بتعلم من الصفر.
ألف شكر تاني مرة
http://areg.amaksoud.com
الموقع ده مجهود شخصي لأخي الصغير، هو بيحاول يبتكر طريقة لتعليم اللغة العربية الحديثة واللهجة المصرية للمتحدثين بالإنجليزية (لا يتطلب إلمام شامل بالإنجليزية).
الموقع عبارة عن 7 دروس وكل درس فيه جمل أساسية للتعامل باللغة العربية.
وقسم الوسائط المتعددة عبارة عن أغاني شهيةر موجود لها ترجمة بالإنجليزية وكيفية النطق.
قد يكون مفيداً لأصدقائك الصينيين