الموضوع: عاوز اشتري سيارة جديده -

المشاركة الأصلية كتبت بواسطة spo2011

الف شكر علي اهتمامك وباذن الله اول ما هاجيب العربية هابقي زبون دائم في المنتدي وارجو ان لا ازعجك باستفساراتي لاني حديث بموضوع السيارات ومحتاج اعرف حجات كتيرة قل ما اشتري السيارة

اشترى بس انت العربية و ملكش دعوة بالباقى

وعندي سوال لحضرتك لو انا ربنا كرمني واشتريت سيارة لانوس 1 هاف اوبشن ممكن انا اكمل الاوبشن زي ما انا عاوز واخلها فول اوبشن مثلا سامحني انا لا اعرف كثيرا بالسيارات

هو نظريا ممكن طبعا بس من الناحية العملية لازم تحدد انت عايز ايه... يعنى مثلا الحاجات الاساسية اللى معظم الناس بتعملها هى:

السنتر و دة اسهل من السهولة و بيكلف 100 جنية تقريبا
الزجاج الامامى كهربا و دة برضة مش قصة كبيرة و بيكلف بتاع 500 جنية
تركيب فوجات برضة مش قصة و ممكن يخش فى 150 الى 200 جنية
ساعة التابلوة بحوالى 70 جنية او حاجة كدة
نور الستوب الخلفى اللى بين السماعات جديد ب120

يعنى حسبة 1000 جنية و شغل 4 ساعات تقدر تعمل ال5 حاجات دول و هتحس انك غيرت من عربيتك كتير جدا

لو انت عايز ممكن تركب طقم عدادات فيه RPM و دة استيراد ب 150 جنية و بيتعملة دايرة تعديل عشان يشتغل و دى سهلة و مشروحة فى القسم هنا... لو طالبة معاك دركسيون متحرك هتغير قطمة الدركسيون و دى اعتقد ب 500 جنية او حاجة كدة... ممكن كمان تعمل المراية اليمين كهربا بس مش فاكر بكام بالضبط (اعتقد 150 جنية او حاجة كدة)...

انا مشوفتش حد ركب حزام الامان اللى بيتعدل وضعة لان مش فارق الصراحة... و لو عاجبك التابلوة الفضى بتاع اللانوس 2 الفول اوبشن ممكن ترش بتاعك ارخص بكتير من شراء وش تابلوة كامل (انا عملت كدة)... و ممكن تجيب الشماسة اليمين استيراد اللى فيها المراية لو شايف انها ضرورى

MMamdouh