ممكن تفيدوني كم تبلغ رسوم الترخيص فى المرور لسياره نيسان صنى موديل ٢٠١٠
موتور ١٦٠٠ cc
وايضا رسوم العقد المسجل فى الشهر العقارى
عرض للطباعة
ممكن تفيدوني كم تبلغ رسوم الترخيص فى المرور لسياره نيسان صنى موديل ٢٠١٠
موتور ١٦٠٠ cc
وايضا رسوم العقد المسجل فى الشهر العقارى
السنه تعمل 367 جنيه بكل حاجه و الطفايه 100 و الشهر العقاري معرفش للاسف
انا لسه مرخص قبل العيد عالطول
تأمين اجبارى 110ج
ضريبة العربية لمدة سنة واحدة 250ج
شوية ورق من الخزينة وخدمات ونموذج ملاكى 20ج
يبقى اجمالى 380ج غير طبعا المخالفات ان وجدت
ورسوم الشهر العقارى الله اعلم دلوقت بكام لأنها اكيد زادت وبتعتمد على سعة المحرك وكام سلندر وسنة الصنع
وتشكر جداً لردكم و اهتمامكم يا صقور نيسان
انا لسة ناقل ملكية صني موديل 2009 بس لازم تجيب شهاده من المرور انها انتاج محلي عملت معاية 1100 جنية شهر عقاري
خلي بالك لو مكنتش جبت الشهاده انها انتاج محلي كانت هتعمل 1400
يااااة يا تيسير لو كان ردك جه بدري شوية انا لسة ناقل ملكية النهاردة الصبح و دافع 1520 و العربية موديل 2010 حسبي الله و نعم الوكيل في بتوع الشهر العقاري محدش قال لي
عموما شكرا علي مشاركتك الكريمة
انا دفعت 1560 مش 1520
مبرووووك يا باشا الشراء والتسجيل
ياترى اشتريتها على كام يا حسام باشا ..
وعدادها كام - مانيوال ولا اوتوماتيك .. يعنى قولنا تفاصيل كده خلى الاعضاء يستفادوا
او نستنى منك تقرير مع صور ولا ايه؟
يوسف بية شكرًا علي المشاركة
العربية اوتوماتيك
و عدادها عامل ١٥٠٠٠
موديل ٢٠١٠
فابريكة برة و جوة بالكامل
سوبر صالون
سينسور بارك خلفي
جنوط سبور
فرش جلد في استوفة كدة
الاستبن لم يستخدم
اللون ذهبي
حساس أكسجين بتاع توفير البنزين دة
و ان شاء الله أضيف الصور بكرة علشان تصورها في النور
و السعر ؟؟؟؟؟ في انتظار تقيمكم و آراء الاعضاء
يا باشا لو جبت الشهادة وخت الايصال بتاع الشهر الغقارى ورحت هتسترد الفرق همة اه هيدوخوك شويه بس معلش دول فى حدود 400ج
http://www.nilemotors.net/Nile/172069-2010.html
http://www.nilemotors.net/Nile/228489-a.html
http://www.nilemotors.net/Nile/63358-3.html
الموضوعات دى بردوا حتفيدك وحتفيد الاعضاء
تحياتى
ا/ احمد والجميع
تحياتى وعندي مشكله الان فى الترخيص
أنا معى رخصه ساريه حتى منتصف عام ٢٠١٣ وعقد مسجل فى الشهر العقارى
ولما رحت المرور عملوا فحص للسياره ورقم الشاسيه والموتور ثم طلبوا منى مطابقه هذا الفحص من المرور التابع له البائع
لغايه كده كويس
لكن لما ذهبت للمرور التابع له البائع وجدت جميع الملفات تم حرقها اثناء الثوره
وعليه أعطاني ما يفيد ان الفحص مطابق لما هو موجود طرفهم ولكن الملف محروق وتم عمل ملف فرعى لايوجد فيه شئ الا أورنيك الفحص وصوره التامين الاجبارى
فهل يا ترى كده صح ولا هيكون فيه مشكله مع المرور
ارجو ان تفيدوني
طلبوا منى فى المرور شهاده من الشركة تثبت ان السيارة انتاج محلى
ممكن أجيب الشهادة دى منين وذلك لان الملف احترق اثناء الثوره