أرجو من أعضاء المنتدى الافاضل يرشحولى عربية معمرة(يعنى مش هغيرها قريب) تستحمل السفر 120 كم يوميا 5 ايام فى الاسبوع وفى حدود من 30 الى 35 ألف جنيه كحد اقصى لامكانياتى...
عرض للطباعة
أرجو من أعضاء المنتدى الافاضل يرشحولى عربية معمرة(يعنى مش هغيرها قريب) تستحمل السفر 120 كم يوميا 5 ايام فى الاسبوع وفى حدود من 30 الى 35 ألف جنيه كحد اقصى لامكانياتى...
معلش نسيت اضيف : يفضل عربية تستحمل الجرى (120 عالاقل) عشان انا من هواة السرعة وبكره العربية اللى تحجم الواحد عالطريق :cool(1):
عليك و على السويفت
او ممكن لو عاوز حاجه اعلى تجيب لانسر بطة
ممكن الانسر بطة تستحمل السفر لكن السويفت معتقدش...لكن خد بالك انا اخرى 35 الف ميجيبوش لانسر حالتها نظيفة....اشكرك جزيل الشكر على نصيحتك وارجو من باقى الاعضاء الكرام مساعدتى فى مشكلتى
ابيزا-سيينا ودي معايا وعايز ابيعها -ممكن فيكترا1994 -لانسر عيون صفية-بولو -فيات ماريا-فيات بيترا-رينو ميجان 1
وبصفة عامة خليك في الاوروبي وبعديه الياباني غير كدة بلاش
برضه انا سمعت ان قطع غيارها مش متوفر بسهولة...مش مشكلة عندى خالص سعر قطع الغيار طالما عايز سفر واداء وسرعة......المهم تبقى معمرة ومتوفرة
سيينا او لانسر او اوبل كورسا لو عاوز هاتش باك
بولو 95 - 1300 سي سي
ابيزا 99 - 1000 او 1400 سي سي
فيات سيينا 2002 - 1400 سي سي
سيفيك 91 - 1500 سي سي
ابيزا وبس .. او ممكن جولف 2
تويوتا ستارليت -اكسيل- سوزوكى سويفت
هيونداي أكسنت 98 ل 2006 ..... م الأخر
.
لو مش فارق معاك غير التحمل ورخص قطع الغيار شوف شاهين 1600 حالتها تكون كويسة تستحمل معاك البهدلة ومش هتزعل على حاجة فيها، وتاني حاجة وأفضل شوف بيجو 405 أوائل التسعينات وبرضه مع مراعاة الحالة عربية قوية جدا وقطع غيار متوفرة ومعمرة ومحترمة لو حالتها كويسة ومنها تكييف وباور وهتكون فرنساوي مش وجيه أباظة، ولو عاوز حاجة تانية بس لازم تتصلح عند أخصائي وعملية إعادة البيع أصعب سنة بس عربية ثابتة وجراية وناعمة وموفرة جدا في البنزين يبقى رينو كليو أوائل الألفينات وتكيفها كويس وبرضه الحالة والكشف المتأني، وبالتوفيق
الف شكر لحضراتكم جميعا:Bravo:...كلها اقتراحات ممتازة...بس انا مبحبش الكورى اطلاقا وعندى الاوروبى او اليابانى القديم أقضل منه فى الاداء والتحمل حيث انى محتاج عربية تستحمل متوسط 2400 كيلو فى الشهر لظروف شغلى.....اعتقد ان انسب اقتراحات حتى الان : البيجو 405 والجولف 2.....بس مش عارف ميزانيتى تجيب حالة نضيفة من دول ولا لأ...:rfds:
سؤال لاهل الخبرة لو سمحتم : لو معروض عليا بيجو gr 505 مو 82 2000 سى سى نضيفة....وبرضه معروض عليا جولف 2 مو 89 1600 سى سى نضيفة....والاتنين تحت ال30 الف....اختار ايهما وليه؟؟ وايه انسب سعر لكل واحدة؟؟
بصراحة مش هقدر افيدك في موضوع السي السي بتاع الانسر بس الي انا متاكد منه انه هتلاقي بالسعر دة حجات نضيفة وقطع غيار موجودة عادي
اوبل فيكترا 94
سيفيك 91
البيجو 505 وحش بمعنى الكلمة وقوية جدا وعالية عن الأرض وثابتة في نفس الوقت ولو حالتها كويسة تبقى عاملة زي الجنيه الدهب أنصحك بيها طبعا ولو ركبتلها تكييف هتكون ممتازة إن لم يكن فيها أساسا بس استهلاكات البنزين زيادة شوية عن الجولف،
ولو الشكل يفرق معاك والموديل وطبيعة سفرك وشغلك مفيهوش تحميل اشخاص او بضاعة أو بهدلة اشتري جولف أحدث واستهلاك أقل وطبعا عربية محترمة
دايو اسبيرو 94-96
ثبات وسرعة وصالون واسع وشنطة كبيرة + جميع الكماليات