الموضوع: ارجو الافادة جزاكم الله خيرا

السلام عليكم ورحمة الله وبركاته
انا كان عندى موضوع وقلت افكر فيه مع الاخوة واستشيرهم واستفاد من خبراتهم وما ندم من استشار
انا كان عاجبنى اوى السيارة النسيان صنى 2013 وتقريبا كنت حجزتها وبعدين لغيت لما اتاخرت فى الاستلام وسمعت ان فيه هاى لاين فى شهر 10
وخلال الايام دى وانا منتظر ظهرت امامى عربية نيسان اكس تريل موديل 2007 كاملة اوتوماتيك فابريكه ممكن تخلص 125000 جنيه فبعض الناس قالت لى دى عربيه اكبر واحلى وفور ويل و اكيد هتستحملك اكتر وحد تانى قالى بلاش وخليك زى ما انت فى الجديد والصنى نازلة حلوة وبعدين حد تالت قالى طالما عايز تركب عربية كبيرة وفور ويل هات رينو داستر وزود شوية واسمها جديدة وانا للاسف مجربتش الداستر ولا ركبتها ولا سمعت عنها كتير حتى فى قسم الرينو
فالمشكلة الوقتى اركب صنى و فعلا هينزل منها هاى لاين ولا ازود واركب عربية كبيرة واركب اكس تريل ولا ازود واركب عربية كبيرة وجديده واركب داستر
فاتمنى من الله ان يهدينى الى الصواب وياريت اراء حضراتكم معايا وايه مميزات كل قرار وايه عيوبه و الف شكر لتعاونكم
واسف انى طولت عليكم بس كان لازم احكى القصة بالظبط عشان تفهموا مشكلتى
والسلام عليكم ورحمة الله وبركاته

المشاركة الأصلية كتبت بواسطة mmbadroo

الاكس تريل عربيه محترمة جدا ومن وجهة نظرى المتواضعة مينفعش أقارنها مع كامل احترامى بالداستر
بس على ما أعتقد 2500 cc يعنى ياريت تراجع رسوم التسجيل والضريبة واستهلاك البنزين ينسبك ولا لأ
بس فى الآخر الزيرو زيرو

اضم صوتى لصوت اخونا
و احب اضيف ان الصنى 2013 اتعملت عشان تكون اقتصادية حتى فى اسعار قطع الغيار
فمما لا شك فيه ان الاكس تريل اقوى و لكن تكلفة الصيانة و التشغيل ايضا حتكون اكثر بكتيير
و كنت سمعت ان الاكس تريل فطع غيارها نادرة لقلة انتشار السيارة (يعنى حتفضل تعمل صيانة فى التوكيل لضمان وجود قطع الغيار)

فكر فى الموضوع كويس لان دى سكة و دى سكة تانية خالص و شوف احتياجاتك و متطلباتك و بعدين خد القرار