عاوز اعرف تكلفة الترخيص ل 3 سنين
فيكترا 96 2000 سى سى
وكما لو حد يعرف تكاليف العقد فى الشهر العقارى عشان احتمال انقلها باسمى
عاوز اعرف تكلفة الترخيص ل 3 سنين
فيكترا 96 2000 سى سى
وكما لو حد يعرف تكاليف العقد فى الشهر العقارى عشان احتمال انقلها باسمى
التامين حوالى ٩٠
الضريبه ٢٨٠
ونمر ١٢٥
عقد ابيع حوالى ٦٠٠ بس تجيب من الملف انها تجميع محلى
اضرب الارقام دى فى ٣ عدا عقد البيع وانت ممكن تجدد سنتين مش لازم ٣ وتلارقام دى تقريبيه بس مش هتفرق كتير
الف شكر يا ا.احمد
بس انا معايا نمر جديدة (حروف وارقام) كده برضه لازم ادفع ال 125 ج وهل النمر هتتضرب فى 3 برضه
ولا قصدك انى لو عملت عقد ونقلت ملكية لازم اخد نمر تانية
وشكرا يا باشا على الاهتمام
1. تروح المرور تجيب شهادة بيانات للشهر العقارى انها انتاج محلى
2. تروح الشهر العقارى يعملوا ليك عقد و تصور بطاقتك و رخصه العربية و شهادة البيانات 4 صور تخليهم معاك و التوكيل برضوا
3. رسوم الشهر العقارى حوالى 400 جنيه لو انتاج محلى اضرب فى 2 لو رحت من غير الشهاده
4. تطلع على مرور العربية الأصلى و تجيب مخالفات و يبقى معاك 15 يوم
5. تطلع على المرور اللى تابع ليه لو مختلف عن المرور اللى فيه العربية و تجيب ملف و اوراق تجديد و فحص و نقل ملكية و تحط فيه الورق و قبل ما تطلع على الشباك تعمل التأمين الأجبارى ب 110 جنيه على السنه و قوله عايزة من غير ارقام برقم الشاسيه بس عشان متعملشى وثيقة مكمله تانى
6. تخش على الفحص الفنى لو العربية عليها فحص فى سنة التجديد
7. تطلع على الشبابيك تسلم الورق بتاعك و يكون بعد الفحص الفنى فاكك اللوحات القديمه معاك لو مش تبع نفس المرور
8. الرسوم 150 تأمين لوحات بس مش عارف هيدفعوا و لا لأ
السنة بحوالى 260او 280 مش فاكر
و ربنا يعينك
تمام كدة بس اضيف حاجة بسيطة,,, العقد فى الشهر العفارى ب 320 جنية بس لازم تكتب تمن البيع اقل من 20 الف لأن لو اكتر من 20 الف لازم تروح تختمه من نقابة المحامين او حاجة زى كدة ,,, ده اللى حصل معايا وانا بشترة العربية,,,
التامين ب 114 جنية,, والسنة ب 326 جنية اضرب غى 3 طبعا
الاوراق ب 30 جنية عن كل سنة.
بس سؤال بقى هى الاوبل 96 الشكل الجديد كانت تصنيع محلى؟؟
اى عربيه بتنقل ملكيه لازم تتغير النمر حتى لو النمر الجديده وحتى لو فى نفس المرور وبتدفع مره واحده بس مش فى ال٢ سنين واوبل كلها فى مصر من اول ١٩٩٤ تجميع محلى الى ٢٠٠٦ ومتنساش تجيب بيانات من المرور تفيد انها تجميع محلى
كمان هتحتاج تقارن بصمة العربية اللي هي رقم الموتور و رقم الشاسيه بالرقم الأصلي اللي موجود في الملف الأصلي .. عشان لو العربية رقم الشاسيه بتاعها مدقوق ولا حاجه.
بيعملوا الحركه دي دايما لما بتنقل بين مرور مختلف خصوصا بين المحافظات.
الف الف شكر على التفاصيل يا طنانى باشااقتباس:
المشاركة الأصلية كتبت بواسطة tananybasha
شكلى كده هجددها بالتوكيل وخلاص ومش لازم العقد دلوقتى
شكرا على المعلومة فعلا انا فى العربية القديمة الراجل فى الشهر العقارى من نفسه كتب فى العقد ال سعر 1000 جنيهاقتباس:
المشاركة الأصلية كتبت بواسطة wama00
اقتباس:
المشاركة الأصلية كتبت بواسطة ahmed_fahmy
الف شكر ا.احمد و ا.كريماقتباس:
المشاركة الأصلية كتبت بواسطة kar!m
لو نقل الملكية فى نفس المرور والنمر جديدة يبقى النمر بتفضل زى ما هى وما بيدفعش فلوس عليهااقتباس:
المشاركة الأصلية كتبت بواسطة ahmed_fahmy
المعلومة ديه متأكد منها علشان انا لسه عامل الموضوع ده
احتمال بس ده محصلش معايااقتباس:
المشاركة الأصلية كتبت بواسطة wama00
فى نفس المرور
نفس النمر
و بدون تأمين لوحات
صح كدةاقتباس:
المشاركة الأصلية كتبت بواسطة tananybasha
الف شكر للجميع ربنا يخليكو لنا
ممكن ياجماعه سؤال هل فى اى ضرر من اى نوع لو مشيت بالتوكيل
لأ
بس خليه معاك و صورة منه
الف شكراقتباس:
المشاركة الأصلية كتبت بواسطة tananybasha
هو لو الرخصة مدتها انتهت مينفعش اطلع شهادة مخالفات؟؟؟ ولو الكلام ده صح يبقى ايه الحل؟؟؟
تدفع الضريبه بس بالأيصال
و تطلع النيابه و هيدوك المخالفات عادى
بعد اذن صاحب الموضوع
انا عريبتى فيكترا 1600 موديل 2002 و ان شاء الله رايح اسجل بكره
حد عنده اى نصايح فى الموضوع ده ؟
واخد معايا كام ؟؟
وعربيتى تجميع محلى وصاحبها جاب شهاده البيانات بس مش عارف انكتب فيها انها تجميع محلى ولا ايه
مستنى ردود حضراتكم
بالتوفيق
الله يخليك يا باشا ... انا روحت سجلت النهارده الحمد لله بي للاسف صاحب العربيه اما جاب شهاده المخالفات الموظف ماكتبش انها تجميع محلى هههههههاقتباس:
المشاركة الأصلية كتبت بواسطة wama00
دفعت ٧٢٥ جنيه والحمد لله