الموضوع: وش السلندر

يا جماعة برجاء المساعدة ضرورى

من حوالى شهرين اشتريت سيارة فولكس باسات موديل 2004 و مشيت بيها يومين فقط ولاحظت أن لمبة الكولانت نورت ركنت العربية وفتحت تانك المية بعد ما سبتها تبرد طبعا ملقتش فيه مايه زودت مياه عادية ودورت دارت من غير ما اللمبة تنور تاني يوم جيت أخرج بيها يدوب 500 متر واللمبة نورت تانى المهم روحت وركنتها و قلت هروح للميكانيكى
روحت للميكانيكى وانا فى الطريق لقيت عداد الحرارة وصل لاقصاه ويدوب اول موصلت عنده لاقيت حاجة فرقعت وطلعت زى بخار ميه من التابلوه و وش العربيه المهم هو جالى وقاله ده كده وش السلندر سافر !!!
وديتها للميكانيى اللى انا جايبها منه المهم غير وش السلندر علشان القديم طلع فبه شرخ بعد مافضلت عنده شهر ونص
اخدتها منه و قالى محتاج توديها لواحد بتاع ردياتير علشان يغسل دورة الميه علشان كان فيه صدى فى تنك الميه بالاضافة انه كان جايب زيت على الميه
وديتها لبتاع الردياتير لقيته بيقولى ده نفس المشكلة لسة موجودة الزيت بيتخلط على الميه ومافيش ولا نقطة زيت فى الموتور المهم زودلى زيت ورجعت للميكانيكى اللى عملها
المهم دلوقتى بيقولى ان وش السلندر عايز يتغير تانى !!!
أنا مش فاهم ايه اللى حصل وديه أول عربية ليا ومش عارف ازاى الزيت يحى على الميه وازاى الموتور ميبقاش فيه ولانقطة زيت خلال يوم مع ان الراجل حاطط الزيت قدامى وهل تغيير وش السلندر ممكن يوثر على كفاءة الموتور والعربية ؟؟؟
أنا كذا حد نصحنى ابيع العربية علشان كده هي هتفتح بقها الكلام ده كده صح ؟؟؟؟

من فضلكم أرجو الافادة

نصيحتي لك .. غير الوش بوش تاني ..لان واضح ان الميكانيكي اللي روحتله .. جابلك وش تعبان ... خصوصآ لو اتحمل جزء من تكلفة اتصيلح ... طالما بتقول انه او اللي جابلك العربيه .. الوش بتاعك ملهوش خرط .. و الافضل تغيره بواحد استراد و هتلقي حاجات نظيفه كتير ..

او تاثيره علي الماتور .. فتغير الوش ملهوش تاثير علي الماتور للاسواء ..بل بالعكس بيحسن من ادائه ..شرط انه يكون الوش كويس