الموضوع: ميكانيكى داتشيا نوفا

ياريت لو حد يعرف عنوان او تليفون ميكانيكى كويس وشاطر للداتشيا النوفا علشان واحد صاحبى معاه العربيه دى وتعباه جدا وقولتله انا هجيبلك اخرها واسألك الناس بتوع المنتدى ياريت اللى يعرف يبعتلى على الخاص بعد اذنكم

بص ياباشا فيه اثنين صنايعية داتشيا نوفا

واحد فى ام المصريين جنب سور المستشفى وهوا فارش مش محل وده كويس بس عيبه الحقه وهوا فايق

اسمه امين ابو دنيا هو امين بس خليك جنبه برضة حرص ومش تخون

التانى ده تحت كوبرى مجرى العيون هو راجل فنان ده من وجهة نظرى بيفهم جدا فى الداتشيا نوفا بس الى يقلك عليه هاته من غير مناقشة ومن المكان الى يقولك عليه

هو جنب محل ارزاق تحت الكوبرى وبرضة مش محل فارش وشغال هوا وابنه وراجل محترم جدا وبيفهم فى الرينو كله

افتكرت فيه واحد كمان فى الثلاثينى اخر الشارع العمرانية الغربية يعتبر فى منطقة الطالبيه مش فاكر اسمه ايه بس هو ميكانيكى الرينو الوحيد الموجود وبيفهم فيها قوى

يارب اكون افدتك واسف والله على التاخير لظروف العمل