يا جماعه انا كان معايا اسبرانزا 516 وبعتها وهشترى عربيه النهارده زيرو افيدونى ضرورى بسرعه سيراتو مانيوال ولا لانسر 1300 gl ولو سيراتو اجبها وكيل مانيوال 103000 ولا شفتها خليجى شرق اوسط عند سمير ريان 99500 فيها كاسيت تاتش وكاميرا خلفيه وفرش لونين وستوب خلفى و abs اعمل ايه ضرورى بليزززززززز
سيراتو 1600 > لانسر 1300
هتدفع كل دا فى مانيوال يا باشا حرام عليك لازم تركب اتوماتيك يا باشا حرام المبلغ دا فى مانيوال
السيراتو تكسب موتور وكماليات ورفاهيات للعربية تحسها فضائية بالنسبة للانسر :)
ولكن نصيحة هات اول فئة اوتوماتيك مصر عندنا مش عايزه الا الاتوماتيك علشان انت كل 3 دقائق بتوقف لواحد يعدي لتوكتوك يعدي لموتوسيكل يعدي انت اللي تخاف على عربيتك فعلشان كده هتهلك نفسك في المانيول واهو الحمد لله جت لك فرصه للتغير يبقي على بركة الله هات سيراتو اول فئه اوتوماتيك ومبروك عليك
مادام حضرتك بتقارن بين عربيتين مانيوال و مطلع الاتوماتيك من حساباتك يبقى انت عاوز تركب مانيوال و أعرف ناس كتير كده لو تمن العربية 500 الف برضه هيجبها مانيوال
المهم السيراتو طبعا 1600 و الانسر 1300 هتفرق معاك فى قدرة الموتور معاك خصوصا مع التكييف و شوف الhp بتاع دى كام و دى كام أكيد السيراتو تكسب فى النقطة دى لكن الانسر أوفر فى استهلاك البنزين و التراخيص
لكن الانسر يابانى و السيراتو كورى يعنى الانسر موتور انعم و عمر أطول فى قطع الغيار و مشاكل أقل من السيراتو
حضرتك لازم تكون عارف انت عاوز ايه من العربية هل 5 او 6 سنين و تقلب يبقى السيراتو هتقعد العربية فترة كبيرة و بتهرى فيها يبقى لانسر