التوكيل بيستعبط

**ger** · 25-08-2012 03:31 PM

دلوقتى يا جماعة انا اتصلت بالتوكيل
قالولى لازم تيجى بنفسك تحجز القطعة اللى المفروض هتتركب فى الفتيس(مجموعة البريك) لانها مش موجودة
وانا من المنصورة مش معقول يعنى هروح مشوار مخصوص احجز فيه القطعة ومشوار تانى علشان تتركب
اعمل ايه دلوقتى؟؟

**dr_mustafa_ali** · 25-08-2012 10:50 PM

ادخل اعملهم دوشة على صفحة الفيس واحنا ندخل نعمل دوشة مع دوشتك

**ahmedibrahim** · 26-08-2012 11:33 PM

الناس دى فعلا ما بتجيش غير بالدوشه وانك متسبش حقك غير كده ممكن تكون ضحيه لقله خبره بياع (او اهمال او تكبير دماغ)
أنا سألت البياع فى التوكيل قبل ما أستلم انى استلمها من العبور بدل مصر الجديده قالى ماينفعش ولازم تستلم من مكان ما حجزت (وطبعا ثبتلى ان ده كلام مش مضبوط)
وطبعا لما سكت العربيه جاتلى على مصر الجديده بعد 6 شهور وهما كانوا قايلين 4 شهور
وفوجئت بيه بيقولى ان سعر العربيه زاد قبل ما استلم بيومين بعد ما كنت خلصت الإجراات البنكية والتأمين وكل حاجه على السعر القديم..
قمت متصل بالفرع وعملتهم دوشه وخدت نمرة مدير المبيعات وجبت القديم والجديد وطلبت التصعيد لأعلى مستوى إدارى عندهم
فكانت الترضيه انهم ينقلولى العربيه على كساحه من مصر الجديدة للعبور واستلمتها من هناك

**Egyzizo** · 27-08-2012 12:16 AM

مع اعترافى بتعنت التوكيل فى بعض الحاجات ومنها مجموعة البريك ، إلا انى شايف ان الرد بتاعهم منطقى.

حضرتك عندك مشكلة واتصلت بيهم علشان يجهزوا الحل ..
المفروض انهم الأول يعترفوا بالمشكلة ويشوفوها بعينيهم وبعد كده يعتمدوا الحل ..

يعنى ماينفعتش مثلاً يبقى ميكانيكى قايل لك ان فيه مساعد بايظ وعايز يتغير ، فتتصل بيهم وتقول لهم أنا جاي لكم بكره جهزولى المساعد .. الطبيعى انك تروح ويشوفوا ان المشكلة فعلاً من المساعد ويغيروا على أساس تشخيصهم.

**ger** · 27-08-2012 03:36 AM

المشاركة الأصلية كتبت بواسطة egyzizo

مع اعترافى بتعنت التوكيل فى بعض الحاجات ومنها مجموعة البريك ، إلا انى شايف ان الرد بتاعهم منطقى.

حضرتك عندك مشكلة واتصلت بيهم علشان يجهزوا الحل ..
المفروض انهم الأول يعترفوا بالمشكلة ويشوفوها بعينيهم وبعد كده يعتمدوا الحل ..

يعنى ماينفعتش مثلاً يبقى ميكانيكى قايل لك ان فيه مساعد بايظ وعايز يتغير ، فتتصل بيهم وتقول لهم أنا جاي لكم بكره جهزولى المساعد .. الطبيعى انك تروح ويشوفوا ان المشكلة فعلاً من المساعد ويغيروا على أساس تشخيصهم.

والله اذا ثبت ليهم انها مش المفروض تتركب وانا بشتغلهم مايركبزهاش ساعتها واكيد فى كتير هيحتاجوا قطعة الغيار دى مش هتبوظ يعنى لو اتحجزت وماركبتش
لكن مش هروح مخصوص علشان احجز القطعة