ايهما يحترق أسرع بنزين 80 أو بنزين 90 ؟
قلبت النت كله مش لاقى إجابه واضحه للسؤال ده , بفرض ثبات كل العوامل و ظروف التشغيل الأخرى العربية تعمل كيلومترات اكتر بالصفيحة الــ 80 أو بالصفيحة الــ 90
و لو عربية اونو 93 ــ 1000 cc ــ كاربيراتير , و الموتور نسبة إنضغاطه 9.5 و حطيتلها بنزين 80 كده نبقى بنقصر عمر المحرك ؟
العربيات الكربراتير بتكون بتكنولوجيا قديمة نسبيا
والـ 80 مناسب ليها جدا بس لازم تكون الكهرباء مظبوطه علشان ظاهرة التسقيف
بس فيه ناس بتحط 90 أو 92 نزاهه وعلشان الجرى والشد والحاجات ديه
الــ 90 حرقه أسرع
ال 80 احمي من 90 و عزمه اعلي و استهلاكه اقل لكن بيعمل مشاكل في الكربرتير و الكهرباء
اقتباس:
المشاركة الأصلية كتبت بواسطة elawany13
اقتباس:
المشاركة الأصلية كتبت بواسطة saleh311
اقتباس:
المشاركة الأصلية كتبت بواسطة chiko
طب هل استخدام الــ 80 على المدى الطويل بيقلل عمر الموتور ؟
انا قريت انه مينفعش لو انضغاط الموتور محبذ ل 90 او اعلى مينفعش تنزله ل 80
ولكن العكس ممكن لو 80 تحط 90 بس دى نزاهة زى ما قال Elawany13
والله اعلم وادل
شكرا
لو حطيت بنزين 90 في عربية بتشتغل ب-80 ما يبقاش نزاهة ...يبقى رمي فلوس على الارض
اللى ميزانيتك تسمح بيه حطه
انا كنت بقول نحطلها 80 بمزاجى من دلوقتى , عشان كلها كام شهر و حيزودوا سعر الــ 90 و ساعتها حمشيها 80 غصب عنى
وهو فين ال 80 اصلا دا نادر جدا لما بلاقية وكمان اظن ال90 كمان مش موجود الموجود 92 عم تجربة العربية القديمة مبيفرقش فيها 80 او 92 تقريبا نفس الاداء حتى لو فرق مش ملحوظ
العربية اللى بتمشى ب 80 تحقق أفضل حرق مع بنزين 80
والعربية اللى بتمشى ب 90 تحقق أفضل حرق مع 98 اللى هو مش موجود فى مصر
لكن العربية اللى بتمشى 80 لما تحطلها 90 ولا كأنك عملت حاجة زى ما تقول كدا إنت بتاكل معلقة رز اتحط معلقتين هتاكل معلقة برضه والتانية طارت فى الهوا اللى هى فلوسك يا باشا
بل ممكن يكون ليه أضرار وأحنا منعرفهاش ودى النقطة اللى عايز أتأكد منها من حد يكون فاهم قوى
السلام عليكم... انا في حاجة سمعت عنها ومش تهريج والله العظيم ..وهي كألاتي
ان في ناس بتحط في التنك قبل التفويل علي طول في البزينة 3 أو 4 كور نافتلين بليه اللي هو عبارة عن كور بيضاء مع البنزين ال80 عشان تخفف من الشوائب اللي فيه وبتساعد علي حالة السحب في العربية والاستهلاك حد ممكن يفيدنا ..وكان الموضوع دة مكتوب قبل كدة
وجزاكم الله كل خير
على فكرة دى محتاجة دراسة مش وبس يعنى النفتالين دا مكون من إيه وإيه علاقته بالبنزين وكدا مش وبس يعنى وبعدين النفتالين اللى بيتحط دا مش يعتبر شوائب مرة على مرة هيبهدل الدنيا ما أحسن له يغير فلتر البنزين
السلام عليكم أخي الفاضل.اقتباس:
المشاركة الأصلية كتبت بواسطة chiko
معلش رجاءا تصحيح للمعلومة المذكورة أعلاه
البنزين 80 هو أقل أنواع البنزين الموجود في مصر في نسبة الأوكتان .
و كلما أرتفعت نسبة الأوكتان ...... كلما زاد اداء السيارة (إذا كانت مخصصة لذلك ) .
يعني كل لما تحط بنزين أوكتانه أعلى ...... كل لما تأخد العزم المصمم به الموتور و الحصان
و العكس صحيح
كل لما تنزل في الأوكتان
عزم العربية الأصلي يقل ......... و الحصان يقل ......... نتيجة لأن الأوكتان قل .
و الكلام ده بينطبق على العربيات ذات ضغط المحرك العالي .
يعني لو حطيت بنزين 98 مثلا في عربية بيجو 504 ......... و لا كأني عملت حاجة لأن الموتور مُصمم يشتغل على أوكتان قليل .
و العكس
لو جيبت عربية سوباورا مثلا إلا هي فعلا موتورها مكتوب عليه أقل أوكتان هو 95
و حطيت بنزين 80 ........ أولا لو العربية قبلته و مشيت .......... هاتلاقي السحب قل جدا (العزم قل ) و السرعة القصوى قلت .
و البنزين مش بيعمل أي مشاكل للكاربراتير أو الكهرباء إذا كانت العربية أصلا مصممة للعمل به !!!
فكلام حضرتك غير صحيح بالمرة .
===================
بالنسبة لصاحب الموضوع الأصلي .
اللي أعرفه أن لو عربيتك مثلا مصممة أنها تمشي بنزين معين ... و أنت مش بتحرق و تفرمل كتير و الموتور مظبوط و الكاوتش ضغطه مظبوط هتوفر في البنزين .
بالنسبة لموتورك اللي هو نسبة أنضغاطه 9.5 .... أعتقد أن أقل بنزين تحطه فيها هو أوكتان 90 علشان تحصل على قدرتها كاملة و علشان تحافظ على الموتور .
طبعا اللي بيحط بنزين أعلى في الأوكتان من اللي عربيته محتاجاه ....... بيرمي فلوسه في الأرض .اقتباس:
المشاركة الأصلية كتبت بواسطة elawany13
و لكن فيه ناس مش بتحب تقف في طوابير بنزين 80 فبيشتري أي بنزين متوفر و بيشتري دماغه .
تحياتي يا باشا .
طيب السؤال اللى أنا سألته واللى دايما بسأله واللى عمر ما حد سأله
هل لو حطينا بنزين 92 مثلا لعربية بتمشى ب 80 ونسبة انضغاطها لبنزين 80 يبقى ليه أضرار على المحرك ؟
مثلا 128 مفيش اتنين يختلفوا على إنها بتمشى بأوكتان 80
لو حطينا 95 هل دا بيأثر على المحرك بصورة سلبية ؟
اقتباس:
المشاركة الأصلية كتبت بواسطة mohammedaladel
و لا الهوا ........... العربية مش هايجرالها حاجة خالص .
الأوكتان العالي بيتسخدم في العربيات الحديثة علشان ضغط الموتور عالي و علشان الموتور مايسقفش معاك لازم تلتزم بالأوكتان المحدد له .
إنما العكس غير مُضر ......... العربية هاتحرق عادي خالص لأن الأوكتان مش مضر في حاجة (دي مادة بتزود درجة الأشتعال و طاقته علشان تناسب المواتير المضغوطة بدرجة كبيرة )
و برضه الله أعلم .
تمام هى دى الحتة اللى كانت فى دماغى حضرتك بتقول إن فيه مادة بتزود الاشتعال والطاقةاقتباس:
المشاركة الأصلية كتبت بواسطة tutankhamoun
بكدا مش فيه احتمال إنها تكون بتزود الاشتغال عن معدله الطبيعى فى المحرك الأقل ضغط
أو تعمل ضغط عالى على البساتم جوا وتؤدى إلى السخونة حتى لو كانت مش ملحوظة على المدى القريب ؟
ولا حضرتك قصدك تقول إن المادة الإضافية دى مش بيظهر تأثيرها غير فى مواتير الضغط العالى ؟
و الله يا أستاذ محمد أنا مش متأكد 100 % من النقطة دي .اقتباس:
المشاركة الأصلية كتبت بواسطة mohammedaladel
و لكن كمعلومة عامة
الأوكتان بيزود الطاقة اللي الموتور ذو الضغط العالي محتاجها علشان يطلع العزم و الطاقة اللي الموتور متصمم بيهم .
لو حصل ووضعنا في عربية مثلا مصممة للعمل ببنزين 95 ........ ووضعنا 80
هاتلاقي تسقيف جامد قوي ده كمان بيكون راجع لتوقيت عمل الشرارة اللي خارجة من البوجيهات .
علشان كدا أنت تلاقي ناس بتحط بنزين 80 ....... و يلعب في كهرباء العربية علشان يعمل توافق ما بين توقيت الشرارة و الأوكتان القليل .
ده له تأثير سلبي على المحرك و طبعا كمان عزم المحرك بيقل و قوة القصوى بتقل .
إنما العكس مش بيحصل حاجة
يعني اللي بيحط لعربية بيجو 504 بنزين 95 مش محتاج يلعب في الكهرباء
و إن دل على شئ فأعتقد يدل أن كدا الأوكتان مش مأثر معاه في حاجة لأنه كدا كدا مش محتاجه في حاجة .
و بما أن ألموتور ذو الضغط المنخفض بيحرق طبيعي ........ هو كدا أخد اللي محتاجه و الباقي فضلات .
(أنا معنديش معلومة علمية لمساندة كلامي )
اللي أعرف أنه بيأثر على الموتور هو الكبريت و الرصاص .
بالنسبة للكبريت والرصاص على حد علمى أعرف ان كل البنزين مفيهوش رصاص حاليا لكل أرقام الأوكتان
هو مش علشان الشوائب هو المفروض انه بيرفع رقم الاوكتان اكتب فى جوجل النفتالين والبنزين هتلاقى مواضيع كتير بتتكلم عن الموضوع دهاقتباس:
المشاركة الأصلية كتبت بواسطة aboassem
الاوكتين بيرفع من درجة حرارة الاشتعال الذاتي للبنزين...بس
بس كفاية حرام عليكو انا تعبت من اللي قريتة
الفرق الوحيد بين البنزين ال90 و البنزين ال80 هو ان البنزين ال90 بيتحمل ضغط اعلي و بالتالي الخليط بتاع الوقود مش بيتحرق غير لما بتجيلوا الشرارة من البوجيهات مش مع زيادة الضغط في الموتور وملهاش علاقة العربية قديمة ولا جديدة لها علاقة بنسبة الانضغاط فقط عادة لو اعلي من 9 المفروض يحط 90 فيما فوق علي حسب الكتالوج ما بيقول
حاجة تانية ملهاش اي علاقة بنسبة الشوايب كلو زي بعضة,كل البنزين الموجود خالي من الرصاص سواء80 أو 90
و ملهاش اي علاقة بسحب العربية.
حاجة تانية للعايز يفهم موضوع التسقيف او ما يعرف بظاهرة الصفع (detonation) بتحصل لما الضغط بيزيد في الموتور و الوقود ميستحملش بيشتعل قبل لما توصل الشرارة من البوجيهات فبتعمل موجات ضغط بطغبط في بعض و بتعمل التسقيف او الصفع دة.
يا رب اكون افدتكم و محدش يكون زعل مني (الكلام دة انا دارسة و متاكد منة)
نصحتي للراجل اللي معاة الاونو يحط 90 لان التسقيف دة بيقلل عمر الموتور.