عايز اعرف اسعار الحجات ده ممكن

**turbo_camara** · 29-06-2008 10:15 AM

السلام عليكمو رحمة الله و بركاته

انا كنت عايز اعرف اسعار : الزنوز ( واطى + عالى )
: سنتر لوك محترم يكون المفتاح فيه الريموت
: وحدة رفع الزجاز الكهربائى
معلش انا اسف ممكن و له لا
معلش تقلت عليكم

**مواطن مصرى** · 29-06-2008 10:58 AM

الزينون للاسف لا اعرف اسعاره لانى لا اهتم به

لكن بالنسبه لـ ...

سنترلوك محترم : فيه نوع اسمه كوبرا تايوانى ممتاز جداً و السعر فى حدود 100-120 جنيه

وحدات الرفع : احسن نوع اسمه وولف و السعر فى حدود 50 جنيه للواحده اللى ترفع 2 زجاج سواء امامى او خلفى

لو حضرتك مش عندك زجاج كهربا اساساً لازم تركب مكن زجاج كهربا الاول و بعدها تركب وحده الرفع و سعر مكن الزجاج يختلف سواء جديد او استيراد حسب العربيه اللى هيركب فيها لكن فى التوفيقيه يوجد حاجه اسمها مكن استاندرد يابانى يركبونها المكنتين بالازرار و المصنعيه بـ 400 تقريباً

احسن مكانين تسأل فيهم فى التوفيقيه : لهيطه - حسنى عبدالحكيم

و بالتوفيق ان شاء الله

**classboy** · 29-06-2008 11:53 AM

بالنسبه للxenon
لو عالي بس في l.e 800
وفي l.e 600

ولو عالي وواطي l.e1000

سنتر لوك محترم + أنذار (ولف) تقريبا 190

وحده الرفع تقريبا 150 للبابين

______________________
اللون الأحمر مخصص للرسائل الإدارية فقط
برجاء مراجعة قواعد المنتدى و شكرا

مشرف قســــــــم الكمــــــــــاليــــــــ ــات

**m_aash** · 29-06-2008 04:16 PM

المشاركة الأصلية كتبت بواسطة مواطن مصرى

لو حضرتك مش عندك زجاج كهربا اساساً لازم تركب مكن زجاج كهربا الاول و بعدها تركب وحده الرفع و سعر مكن الزجاج يختلف سواء جديد او استيراد حسب العربيه اللى هيركب فيها لكن فى التوفيقيه يوجد حاجه اسمها مكن استاندرد يابانى يركبونها المكنتين بالازرار و المصنعيه بـ 400 تقريباً

احسن مكانين تسأل فيهم فى التوفيقيه : لهيطه - حسنى عبدالحكيم

و بالتوفيق ان شاء الله

إضافة للكلام , مكن الكهربا ده بيبقى إستيراد, مستعمل يعنى مش جديد و لازم تتفق على نوع الزراير اللى هاتركبهم " تايوانى و للا أصلى
أنا ركبت عند لهيطة اللى فى التوفيقية
مكنتين كهربا إستيراد و زراير تايوانى ب 400 جنيه هما كويسيت و مفيش مشكلة , بس رأيى لو تنزل الحرفيين و تشترى المكن بتاع العربية نفسها يكون أحسن علشان ما تخرمش فى الأبواب لللمكن اليابانى.

**turbo_camara** · 29-06-2008 11:57 PM

انا مش عارف اقول اه على المشركة الرائعه ده
انتو فعلا تمام مينفعش اقول غير كده

**Sailor** · 06-07-2008 12:16 AM

ممكن يا جماعة حد يقوللي التوفيقية دي فين بالضبط

**moshax** · 07-07-2008 08:50 AM

التوفيقية دى فى وسط البلد .. رمسيس قدام سنترال رمسيس واشهر شارع هناك امة شارع ذكى
لو عاوز اى حاجة تسال عن اى حاجة هناك انا ليا قرايبى كتير فاتحين محلات هناك ....؟

**Ahmad Allawy** · 07-07-2008 09:01 AM

خلي بالك من حاجة مهمة قوي..
لو انت عربيتك فيها مفتاح مشفر..
مش هتعرف تعمل المفتاح اللي فيه ريموت كده بسهولة..
لازم تفك المفتاح الاصلي و تطلع منه ال Transponder
او الفص زي ام الصنايعيه بيسموه.. و تنقله في المفتاح الجديد..
و ممكن متكونش العملية دي سهلة يعني..
لكن لو مفيهاش مفتاح مشفر تبقي سهلة جدا..

**lolypop** · 07-07-2008 10:31 AM

|وحدة الرفع للباببين ب 40 و للاربعة ب 80 مع 30 جنية تركيب يبقى الاجمالى 110 و انا لسة مركبة فى لانسر 2008 عند لهيطة.
بس نصيحة هشام لهيطة دة معندوش ضمير خالص و مانصحكش بية خالص.

بس انا بقى عندىسؤال عايز اركب انذار فى مفتاح اللانسر من غير ما اغيرة اركب نوع اية و فين و بكام؟؟؟

**Ahmad Allawy** · 07-07-2008 11:01 AM

طالما المفتاح الاصلي يبقي هتركب انذار الليب يبقي فيه ميدالية..
ده الحل.. في انواع كتير..
كوبرا و وولف و سيمفوني و ماركات كتير..
بس بصراحة ش عرف مين انضف حاجة.؟.