تجربتة داستر في الشد مع تيريوس

**ateeby** · 25-08-2012 06:24 PM

وانا راجع من طابا عل طريق السويس القاهرة فوجئت بسيارة تيريوس تتعمد الكسر عليا بطريقة لطيفة كانها دعوى للمنافسة
وفعلا حصلت الاخ بتاع التيريوس لقيته بيهدي عند مطب و انتظرني و انطلقنا انا و هو في نفس اللحظة

و الله يا اخوان الداستر ابتعدت و سبقت بمسافة و كان هو متاخر جدا

المهم انا هديت شوية علشان يحصلني - ثم ما ان جاء و رائي مباشرة بسرعة عالية - نزلت نقلة ودست بنزين - و الاربي ام بقى على خمسة - الداستر نفخت و التريوس تاخرت على الرغم انه لم يخفض سرعته و كان قريب جدا

المهم هديت خالص و تركت له المقدمة و حاولت اتقدم عليه لكن المسافة ثابتة هوة ماشي 160 و انا ماشي 160 - السرعة القصوى واحدة

المهم دخلنا على ملفات بهذه السرعة العالي - التريوس هدت جامد لعدم الثبات و انا قللت السرعة بشكل طفيف مما جعلني اتقدم مره اخرى ولم اترك له المقدمة على الرغم من محاولاته و لكن تجميع و تسارع المانوال و الثبات في الملفات و الفرامل القوية - كانت هي الفيصل في تفوق الداستر على التيريوس

و اود التنبيه اني لست من هواة الشد و لكن كان الامر رغبة في مقارنة واقعية بين الاتنين

**shawkylotfy** · 25-08-2012 06:33 PM

الداستر عربية كويسة هو حضرتك اية اخبار التكييف معاك اثناء الوقوف لمدة فى اشارة هل بيسقع ممتاز ولا جيد جداا لا جيد ولا مقبول ولا يودى الغرض

اصل انا ناوى عليها بس خايف من التكييف الاوربى

**ateeby** · 25-08-2012 06:54 PM

بدون مبالغة - التكييف في اشارة في عز الصيف - ممتاز

**خالد** · 25-08-2012 10:21 PM

الله أكبر
بسم الله ماشاء الله
الداستر عربية رائعة بمعنى الكلمة سرعة وثبات وعفشة وتكييف تلاجة فى عز الحر
دلوقتى والله العظيم أيدى بتنشف من البرودة وبيكون على 1 وبقفله شوية لما الجو يهدى جوة العربية
بسم الله ماشاء الله عربية حلال فيها الفلوس

**mokh21** · 27-08-2012 10:57 PM

ما شاء الله تبارك الله أمسكوا الخشب يا داستراويه علشان الحسد

**Land_Cruiser** · 27-08-2012 11:12 PM

الداستر ما شاء الله عليها عربيه ممتازه طبعا و ثباتها لا يقارن بالتيريوس بس نقطه واحده عايز اوضحها احقاقا للحق بالنسبه للشد و هو ان حضرتك بتقارن شد مانيوال مع اتوماتيك و اكيد المانيوال اسهل فى التحكم بالنسبه للسحب و ممكن تعمل تسقيط للغيارات لكن بالنسبه للتيريوس هتجيبها على ال d و تدوس بنزين و خلاص

**MohammedAladel** · 27-08-2012 11:37 PM

المشاركة الأصلية كتبت بواسطة land_cruiser

الداستر ما شاء الله عليها عربيه ممتازه طبعا و ثباتها لا يقارن بالتيريوس بس نقطه واحده عايز اوضحها احقاقا للحق بالنسبه للشد و هو ان حضرتك بتقارن شد مانيوال مع اتوماتيك و اكيد المانيوال اسهل فى التحكم بالنسبه للسحب و ممكن تعمل تسقيط للغيارات لكن بالنسبه للتيريوس هتجيبها على ال d و تدوس بنزين و خلاص

الأوتو برضه تسقط غيار
دوس بنزين جامد فجأة هتلاقى العربية سقطت غيار وهتسمع أحلى صوت للموتور وهتشوف العربية بتجرى جرى الوحوش بس برضه المانيوال اشد عشان مفيش محول عزوم لكن على السرعات العالية هتلاقى الاتنين مقاربين لبعض قوى

**MohammedAladel** · 27-08-2012 11:46 PM

عن تجربة زميل لى فى شغله قال إن الداستر تكييفها فوق الممتاز
هو كان راكب النسخة العادية مش الفور باى فور

**ateeby** · 28-08-2012 11:25 AM

كلامي لا يتعارض مع كلام حضرتك - انا كنت عاوز اضع مقارنة واقعية للاداء و تقييم التسارع و الثبات - و اشد ما لفت انتباهي هو ان فعلا ثبات و نعومة عفشة الداستر اقوى من التيريوس بكثير و ايضا المانوال يعتبر ميزة في احيان كثيرة و ليس عيبا

**bebo2000** · 30-08-2012 06:50 PM

فتيس الداستر short shift و ده بيخلى العربية عزمها عالي جدا وبتجمع بسرعة عند التحرك من الثبات بس في المقابل ال top speed قليل ( اقصى حاجة جبتها على طريق اسكندرية الصحراوي 170كلم ) بس المشكلة الاكبر ان الفتيس ال short بيعلى صوت الماتور جامد على السرعات العالية ( لو كان ال ratio بتاع النقلة السادسة عالي شوية كانت بقت قنبلة وكان مش هايفرق حاجة في موضوع العزم لان ماحدش هايحتاج عزم فى النقلة الاخيرة )