الموضوع: رجعت من الغردقه الحمد لله وتقرير عن استهلاك البنزين

انا كنت عملت موضوع ان العربيه سخنت مني على الطريق

لما راجعت نفسي وراجعت على العربيه لقيت من الطبيعي العربيه تسخن لاني كنت مثبت ال 170 مثلا طوال الطريق وكان الحر مولع انا نزلت من العربيه على الطريق مستحملتش دقيقه


وانا راجع بقى قولت لازم اطلع بدري ف اول ما النهار شقشق كده روحت خالع على مصر

مجرتش اكتر من 120 لحد السخنه وماشي عكس الاتجاه ولما وصلت السخنه كبست لحد مصر 160 بالتكييف وكله زي الفل الحمد لله

طبعا ثبات الصني مرضي الى حد كبير انا مش هقول ان هي دي العربيه المطمئنه اوي والجو ده واديها اكتر من حقها بس كانت مريحاني ف الجري الي حد حلو بالرغم من انها خفيفه نسبيا عن الالنترا 2005 الي كانت معايا بس يكفي اني بقدر امشي ستريت بدون ما احس بقلق وبهدي الي حد ما في الملفات

طبعا في كام نطه كده لازم نحس بيهم مع مطبات الهوا الشديده


0000000000000000000000000

استهلاك البنزين وانا مستغرب منه اوي اوي اوي ان الناس بتكرهاا انا شايفها ممتازه فعلا وانا عارف بقول ايه لاني الالنترا لما كنت بجري بيها كانت بتحرق بنزين جامد وهي اوتوماتك والنيو اكسنت المانيوال برضو نفس الكلام بتحرق بنزين جامد مع الجري

انا وانا رايح كنت مفول وطاير 160 لحد السخنه لما وصلت فولت تاني اخدت 10 لتر تقريبا ف 120 كيلو وطاير وده شيء جميل

بعد الفل تانك ده كملت بيه لحد الغردقه مش فاكر تبقى كام بالضبط بس كان في ما لا يقل عن 15 لتر ف العربيه وكنت طاير جدا بقى ومشغل تكييف والطريق اساسا وانت رايح كله مطالع ف حاجه قرف لحد ما سخنت مني قبل الغردقه ب 70 كيلو اتقضوا 100 ومشغل تكييف على الاخر

ف هي استهلاكها عموما معتدل والحلو فيه انه مش بيفرق جامد انك تجري او متجريش هي كده كده ماسكه نفسها ومش مقلقه ف الجري انها تاكل منك جامد

وانا راجع بقى كنت عكس الهوا ماشي فولت ومشيت 270 كيلو تقريبا وفلت تاني اخدت 23 لتر وبدون تكييف كنت ساعتها على ما اعتقد في اول طريق الزعفرانه الرخم بس من الغردقه اخدت طريق الزعفرانه برضو نفس السرعات

ولما وصلت السخنه شرخت برضو 160 وتكييف وجبت كمان 180 ووصلت مصر الدائري ونزلت الهرم حوالي 230 كيلو ولما نزلت النهارده بصيت على العداد لقيته معداش النص يعني بالكتير اوي تاخدلها 220 لتر يوم ما يطفح الدم مع مستوى مختلف من السواقه شويه جري وشويه احترام وشويه تكييف مع جري كمان


انا عربيتي 2005 ياباني الله اعلم فيها حساس هواء او لا بس اعتقد فيها لاني بشوف حساس كده جنب العمه بتاعه الهوا

وشايف ان كل شيء حلو في العربيه ما عدا نقطه العفشه الناشفه الي انا تاقلمت عليها وبقت عادي بالنسبه لي ومبسوط بيها لاني ملزم امشي بالراحه في داخل المدن عشان مدغدغهاش وده شيء انا مبسوط بيه


بس والحمد اني رجعت بالسلامه

اول واخر مره اروح الغردقه هذا المكان الفاسق الفاجر الماجن الملعون