الموضوع: مطلوب : تويوتا يارس للشراء فوراً..

المشاركة الأصلية كتبت بواسطة m.fouad

باشا انت بتتكلم عن عربية تويوتا يعني عربية بتعمل 500 الف كيلو و متحتاجش حاجة غير الصيانة العادية زيت وتيل و بوجيهات و كلام فاضي
كمبرسور اية او دينامو اللي بتتكلم علية دة الناس بيروحوا يشتروهم استيراد من عربيات عاملة 300 و 400 الف كيلو برة و يشوفوا الكمبريسور كانة جديد
انا معاك طبعا ان العربية لو عدادها قليل و صاحبها محافظ عليهاتبقى احسن بس دية اللي تتسمى لقطة و سعرها ميزدش عن عربية ماشية كثير نفس الحالة اكثر من الفين جنية دة لو مفرقش السعر اصلا
تاني بردة بقولك استهلاك العربية هو اللي بيحكم عالحالة واحد بيستهلك الفرامل كثير الدواسة هتنعم من عند 20 الف مش 40 حتى مع انها مش مقياس لانك ممكن تحط غطا للدواسات و تفضل الدواسات شكلها جديد او التارة نعمت ممكن بردة تحط غطا علية و تشيلة و انت بتبيع
صدقني مفيش حاجة تقدر تحكم بيها على عداد العربية الحقيقي ابدا
و تعالى و انا اوريك عربية صني 2002 عاملة دلوقتي 230 الف كيلو لو مبصتش عالعداد ممكن تقول العربية دية لسة مكملتش 30 الف
عشان كدة و انا بشتري مستعمل عمري ما ابص عالعداد ببص عالحالة عموما موتور كبسة قد اية حالة الصالون الجسم من برة .........
عالفكرة انا معرفش صاحب العربية شخصيا انا شفت عربيتي بالصدفة بنقس النمر القديمة لسة باسمي فقلتلة اني صاحبها الاولاني و اللي اعرفة ان مفيش عربية بتقع في ايد تاجر الا لما ينزل عدادها نادر اوي لما اشوف تجار بميلعبوش في العداد حتى واللة دلوقتي بقى فية عربيات بيتي و ملعوب في عدادها كنت لسة شايف عربية كورولا 2011 من مهندس و المفروض اول يد على كلامة و يقولي عاملة 30 الف كيلو و قرع سالت على صيانتها في التوكيل بالتليفون قبل ما اشتري لقيتهم بيقولولي اخر صيانة كانت 50 الف من شهر 7 اللي فات يعني رايح يغير عداد عشان 20 الف كيلو بس

٥٠٠ الف كيلو ده بره مصر لكن مش هنا ببساطه دور فى المنتدى وشوف مشاكل الاعضاء وعربيات مكملتش ١٠٠ الف كيلو وكبس المتور اللى بتتكلم عليه هو ده اللى مش مقياس فعلاً يعنى عادى بجد عربيه تبقى مغيره وش سلندر وعامله عمرة متور وكبسها ٨٩٪ وحالياً الموضوع مش كبس متور دى مش ٥٠٤ عندك كم الققطع الالكترونيه والميكانيكيه اللى اكيد بيتم استهلاكها وعلى فكره انت نفسك عارف الكلام ده عشان كده بتبيع عربيتك وهى عامله ١٤٠ الف يعنى مثلاً فى جداول الصيانات العربيه بعد ال١٠٠ الف كيلو بيفضل انك متستخدمش زيت تخليقى والسبب ان حصل طبعاً تأكل فى الاجزاء الداخليه للمحرك وبعدين انا جالى بالفعل ناس حطو ٧٧ الف و٧٨ اكيد دول مش مغفلين وشوفت اللى عمل ناصح اشتري ب٧٣ او اقل ولبس عادى جداً من واحد زى حضرتك بيبيع لناس بتلعب فى عدادات وعلى فكره سعر السوق والكلام ده كل ما كنت ابيع عربيه اسمعو ومع ذلك اقل عربيه بعتها اعلى من سعر السوق ٨ الاف جنيه واشتراها نفس اللى جه وقال سعر السوق وانا اودامى واحده ارخص والكلام المحفوظ ده ....
وللمره التانيه كان المفروض تقول للشخص اللى قابلتو ان العربيه دى ملعوب فى عدادها وتعمل انت وهو محضر للتاجر اللص اللى بعتلو بدل ما يكمل نصب على الناس ولو عندك شك ان التاجر بيلعب فى عداد متبعلوش والا انك كده عارف ان مفيش حد هيشتري منك بسعر عالى لو عربيتك عامله كيلو عالى فبتبيع بسعر اعلى لتاجر مقابل انو هيلعب فى العداد وفرق السعر الزياده بسبب تنزيل العداد عايز اقولك انا كان معايا فيكترا عامله ١٩٠ الف لمى عرضتها كل اللى اتصل قال ١٩٠ الف كتير جدا وانت طالب كتير وفى ناس مش محترمه كانت بتقول نزل العداد بمنتهى السفاله وفى الاخر بعتها اغلى من كل الاوبل اللى فى السوق ب٨ الاف جنيه لأن جه واحد بيدور على عربيه نضيفه وطلع بيها على منصور وكشف وكان مستغرب انا ببيع ليه ومتكلمش فى العداد فببساطه شاف انى جبت فيكترا سى واعتقد انى لو كنت نزلت العداد او شاركت فى الموضوع مقابل سعر اعلى كانت هتيجى مصيبه تاخد كل حاجه خلى بالك مفيش حد ناصح على الحق واذا لم تكن تراه فهو يراك والله المستعان ويا ريت متبعش لتجار وامت عارف لنهم بيلعبو فى العداد لأن ده مش خير لك انت كمان

المشاركة الأصلية كتبت بواسطة m.fouad

محضر اية بس و بتاع :copy of majd(4):
واحد اشترى عربيتي تاجر مش تاجر هو حر المهم اعطاني سعر اللي انا عايزة او قريب منةو بسرعة و تبقى عربيتة و هو حر فيها عايز ينزل عدادها يعلية يقلبها تاكسي انا مالي المهم انا مغشتوش و فلوسي حلال و خلاص اروح اعملة محضر لية و محضر دة اية بقى محضر تنزيل عداد
و انا مش ببيع عربيتي بسبب انها عاملة 140 الف و مش مستعجل على بيعها نهائي كل الحكاية ان كان قدامي واحدة 2011 كمالييتها اعلى كنت عايزها و راحت فمعدتش فارقة جابت السعر اللي انا عايزة هبيع مجبتش خليها لحد ما تيجي فرصة تانية
و على فكرة كبس الموتور دة اللي اقصدة فعلا اية يعني لما تبقى مغيرة وش سلندر بس حالة الموتور حلوة و كبسها سليم مفيش اي مشكلة مش تبقى احسن من عربية عاملة 50 الف مثلا و صاحبها مش مهتم بغيار الزيت و لا العربية سخنت كام مرة منة و مهتمش بيها

ايوا محضر تغير عداد وده بيندرج تحت بند النصب واتأكد ان ده خير حتى لو مش هيجيب نتيجه بحكم عليه بس اهو يتربى ولازم هيروح القسم ويدافع عن نفسو وده كافى انو يتربى اتمنى انك تعمل الخطوه دى وان شاء الله هعمل موضوع عن اللعب فى العدادات وهقدمو للداخليه فى القريب العاجل ده جريمه فى العالم كلو وان شاء الله هيتفعل قانون لها فى مصر والله المستعان