بسم الله الرحمن الرحيم
مطلوب تويوتا يارس للبيع
السن : من 2007 الى 2009
لون العربية : لايهم
السعر: بسعر معقول
بصراحة من كتر مالاستاذ مي ميدو شكرلي فيها حببني في العربية
وشكراً
عرض للطباعة
بسم الله الرحمن الرحيم
مطلوب تويوتا يارس للبيع
السن : من 2007 الى 2009
لون العربية : لايهم
السعر: بسعر معقول
بصراحة من كتر مالاستاذ مي ميدو شكرلي فيها حببني في العربية
وشكراً
حبيب يا سنيسروا
انشاء الله ربنا يعترك في وحده تكون بنت :beat5:حلال كده وفبريكة :Copy of m-s5:
وانا كمان بدور على حته يارس كده. لصديق ليا عزيز لو لقيت حاجة كويس ابقى لاغيني
وتحياتي
الياريس بقت مطلوبه اوى الايام دى وغير كدا التوكيل استهبل وبقى بينزلها بسعر مبالغ فيه 130 الف
يظهر مش بياكل عيش منها ههههههههههههه بصراحه اشتريها وهتشوف فعلا ان اى عربيه مقارنه بيها جرار زراعى وعن تجربه
الياريس فعلا التوكيل مش بياكل عيش منها ههههههههه بيقعدوا يحطوا اي حاجة في الصيانة و حاجات ملهاش لزمة والله هههههههههههههه
الكورولا هي اللي بتأكلهم عيش باللحمة كمان ههههههههههه
السلام عليكم طلبك عندى انا معايا ياريس ٢٠٠٦ فضى اوتوماتيك فبريكه وعامله ٤٧ الف كيلو فقط وده يمكن اقل كيلو لياريس فى مصر وهى اول فئه اوتو وركبت سنتر وباركينج سينسور فى التوكيل كان عرض ولو ركبت الصالون زيرو ومن بره حتى مش مخبطه مع انها فبريكه وفبها abs ووسائد هوائيه ويالكتالوجات والمفاتيح الاصليه وانا مبستخدمهاش يعنى عملت اعلان هنا من شهور ولسه بنفس الكيلو متر وطيعاً ميعتش عشان الاخوه استغلو العربيه لمى قلت ٨٢ والمهم ان شاء الله اى رقم فوق ال٧٧ هبيع ان شاء الله وعلى فكره اللى عامل ٩٠ و١٠٠ الف وراشش بيتباع فى اول الشبعينات يعنى انا مش ببالغ والله واحد اعرفو شاري واح
ه نفس الفئه عامله ٦٠ الف كيلو ب٧٣ بالعافيه ويعد مااشتراها طلع ملعوب فى عدادها ومخلصه طنابير واتيال وصرف اكتر من ٤ الاف لحد دلوقتى يعنى اللى بيعمل ناصح وبيفتكر انو اشترى عربيه رخيصه هيدفع الفرق كده كده وربنا يكرم ويوفق الجميع
احمد باشا فاهمي
على فكرة انا واخد على خطري وزعلان منك .... ياراجل ياطيب بقولك عاوز اشتري عربية. يعني اخوك وحبيبك هيشتري عربية تقوم تغلي عليا .... بدل ما تقول ياباشا خودها ووصل تمنها .... بدل ماتقول ده انا اوصلهالك لحد بابا البيت واجبلك فوقيها غطى هدية واتنين معطر الشجرة بريحة. النعناع .... افتكرتك تقولي خودها ياباشا وخلي خالص اكن. تمنها وصل. ولا اقولك انتا خودها سنه سنتين ولمن تشبع منها ابقى راجعها تاني .... فلوس ايه هو احنا في بينا فلوس ده احنا بنشتري راجل .... تقوم تغلي علي .
انا عارف ياباشا ان التويوتا اليارس بالذات غالية جداً على قلووب اصحابها وتلاقي بيبعها كده على نني عينوا ويحس ان حته منوا كده هتطلع بره البيت وتتباع ..... انا عارف كويس انها مش مجرد عربية دي جوووهرة. والعربية غالية وعزيزة عليك بس ده ياباشا مش سبب يغلي سعرها
يعني مثلاً انا لو هشتريها الي يخليني ادفع رقم فوق ال 77 في عربية مولودة وماشية من ست سنين يعني قول ٨٠ الف جنيه طيب ما ازود شوية حتى لو قسط. واجيب نيسان صني ٢٠١٣ الشكل الجديد .
فالسعر الي بتقول عليه حضرتك. ده سعر اكتر من سعر عربية يارس ٢٠٠٨ بنفس حالتها مش سعر عربية موديل ٢٠٠٦ ومش عاوز اقولك ان ٢٠٠٩ كانت بتتباع قدامي ب ٧٦ كاملة منيول وفبريكة بس ماشتريتهاش علشان مكتوب عليها ملاكي بحيرررررة. بلد اللعب في العربيات وكانت ماشية ٤٦٠٠٠ كيلو
السلام عليكم اولاً.
وطبعاً انا اتمنى ان اللى ياخد العربيه واحد اعرفو عشان انا مكنتش بحافظ على العربيه عشان اخدم واحد تاجر او اى كلام .وطبعاً اكيد انت اولى من الغريب ولازم تعرف ان العربيه لمى تشوفها وتركبها هتعرف الفرق بينها وبين المعروض حتى لو ٢٠١١ والمفاتيح الاصليه والكتالوجات ومش فبريكه وخلاص بس محتاجه رش لا فبريكه وسليمه من بره ولاحظ اول مره عرضت فيها العربيه كانت عامله كام كيلو متر وهى لسه عامله نفس الكيلو متر بس عملت كام مشوار الجمعه بعد الصلاه عشان البطاريه وعشانك الغطا الاصلى والله لسه مفتحتوش بغطيها بغطا الاوبل ..
وموضوع السعر الله شاهد جالى ٧٨ ومبعتش قبل رمضان كنت عايز اكتر بس النصيب وبعد كد ٧٧ كتير جدا كأنهم متفقين وموضوع الصنى ده بصراحه قصة التجميع المحلى دى معروفه للكل وادخل على نيسان اسمع رأى الملاك وكم المشاكل والتزييق والاصوات الغريبه بالاضافه انك هتدفع اكتر من ٢٠ الف زياده يعنى ممكن تجيب بيهم عربيه تانيه صغيره جنب التيوتا ويا راجل البيكانتو اوتوماتيك ب٨٣ الف فتشترى ياريس والا بيكانتو حتى لو زيرو وعلى فكره احنا مبنتكلمش على مبالغه اوى فى السعر بين اللى عامل ١٠٠ الف كيلو وعربيتى يعنى لو ياريس اوتو نفس الفئه مستحيل تقل عن ٧٣ .فأنت تقدر الباقى بكام؟؟وحضرتك شفت واحده ب٧٦ بس مانيوال وانا عربيتى اوتوماتيك ومش بحيره مع انى معرفش موضوع الناس بتوع البحيره ده؟ وانا شفت العربيات المستعمله اللى بتتباع واتأكدت ان الناس فى مصر بيتعاملو مع العربيات كأنها عشة فراخ تلاقى ريحت الصالون والحاله وحرق السجاير والزراير المكسره والدركسيون الممسوح مش فاهم عملو كده ازاى وموضوع ٢٠٠٦ الفكره حاله يا باشا مش رقم فى الرخصه والمعطر والغطا الاصلى هسلمهملك قبل العربيه :) وحتى الشنطه فيها دواسه ياريس اصلى هتلاقى الموكيت بتاع الشنطه زى ما استلمتها وكنت طالب ٨٢ بس الكل قرر انو رقم وهمى بس انا فكرت واحد رايح يشتري بيكانتو وشاف ياريس يشترى ايه؟؟ دى كانت الفكره وكفايه انك عارف صاحب العربيه وفى المنتدى معاك بدل ما تاخد عربيه من تاجر عامل نفسو زبون او واحد نصاب لاعب فى عداد والا مغير نص وتمشى فرحان انك شاريها ب٧٥ وفى الاخر اشمت فيك :) وبعدين اتفرج الاول وبعد كده الله اعلم مين صاحب النصيب
يا استاذ احمد فهمي العداد ملوش دعوة بحالة العربية نهائي الفكرة في المستخدم اللي بيحافظ على عربيتة و بيحافظ عالصالون هيحافظ عليها لو هي عاملة 10 الاف او 300 الف لو مهمل هيبهدلها حتى لو عاملة الف كيلو
انا استهلاكي للعربية كثير شوية لاني بسافر كثير كان معايا كورولا 2007 كنت عامل بيها 180 الف و حالتها زيرو فعلا فرش و الشنطة وكلة فابريقة من برة من غير خدش خدها تاجرمني شفتها مع واحد بالصدفة من شهرين في المنظقة بقولة العربية كانت بتاعتي لقيتة بيقولي و بعتها لية بسرعة كدة و لسة مكملتش 40 الف كيلو!!!!
مرضتش اقولة بقى انا كنت عامل بيها عداد قد اية عشان محبطوش
و نفس الكلام معايا دلوقتي ببيع التويوتا الي معايا 2008 و عامل بيها ييجي 145 الف و تشوفها تقول لسة طالعة من المصنع و تجار كثير بيتحايلوا عليا ياخدوها
بيروحوا يغيروا العداد و يطلعوا فيها بمكسب محترم يضحكوا بية عالزبون اللي بيصدق قصة العداد دية
معلش بس مستحيل عربيه عامله ١٤٥ وتنزل ٤٠ الف وميتعرفش غير لو اللى خدها معندوش خبره يعنى ابسط شيئ الكاوتش الاصلى ودواسة الفرامل من الحرف وحاجات كتير مستحيل تدخل على واحد بيفهم فى العربيات وبصراحه انا مش عارف وجهة نظرك ان عربيه عامله ١٤٥ تتقيم سعراً وحاله زى عربيه عامله ٤٥ الف فعلى ؟؟؟؟ يعنى كمبروسر تكيف اشتغل ١٠٠ الف كيلو زياه ودينمو ومارش وغيرو من كل مكون اساسى مش مكون صيانه تفتكر هيعيش كمان كام الف بعد ال١٤٥ كيلو؟ لو التجار حرميه وبينزلو العداد وانت شفت صاحبك اتنصب عليه وسكت معلش دى حركه مش تمام ده انت كنت اخدتو وطلعت على التاجر رجعتولو العربيه وعملتولو محضر وفضحتو فى كل حته
باشا انت بتتكلم عن عربية تويوتا يعني عربية بتعمل 500 الف كيلو و متحتاجش حاجة غير الصيانة العادية زيت وتيل و بوجيهات و كلام فاضي
كمبرسور اية او دينامو اللي بتتكلم علية دة الناس بيروحوا يشتروهم استيراد من عربيات عاملة 300 و 400 الف كيلو برة و يشوفوا الكمبريسور كانة جديد
انا معاك طبعا ان العربية لو عدادها قليل و صاحبها محافظ عليهاتبقى احسن بس دية اللي تتسمى لقطة و سعرها ميزدش عن عربية ماشية كثير نفس الحالة اكثر من الفين جنية دة لو مفرقش السعر اصلا
تاني بردة بقولك استهلاك العربية هو اللي بيحكم عالحالة واحد بيستهلك الفرامل كثير الدواسة هتنعم من عند 20 الف مش 40 حتى مع انها مش مقياس لانك ممكن تحط غطا للدواسات و تفضل الدواسات شكلها جديد او التارة نعمت ممكن بردة تحط غطا علية و تشيلة و انت بتبيع
صدقني مفيش حاجة تقدر تحكم بيها على عداد العربية الحقيقي ابدا
و تعالى و انا اوريك عربية صني 2002 عاملة دلوقتي 230 الف كيلو لو مبصتش عالعداد ممكن تقول العربية دية لسة مكملتش 30 الف
عشان كدة و انا بشتري مستعمل عمري ما ابص عالعداد ببص عالحالة عموما موتور كبسة قد اية حالة الصالون الجسم من برة .........
عالفكرة انا معرفش صاحب العربية شخصيا انا شفت عربيتي بالصدفة بنقس النمر القديمة لسة باسمي فقلتلة اني صاحبها الاولاني و اللي اعرفة ان مفيش عربية بتقع في ايد تاجر الا لما ينزل عدادها نادر اوي لما اشوف تجار بميلعبوش في العداد حتى واللة دلوقتي بقى فية عربيات بيتي و ملعوب في عدادها كنت لسة شايف عربية كورولا 2011 من مهندس و المفروض اول يد على كلامة و يقولي عاملة 30 الف كيلو و قرع سالت على صيانتها في التوكيل بالتليفون قبل ما اشتري لقيتهم بيقولولي اخر صيانة كانت 50 الف من شهر 7 اللي فات يعني رايح يغير عداد عشان 20 الف كيلو بس