الموضوع: بخصوص سرقة السيراتو

مش الايموبليزر هو اللي بيتسرق سعادتك في اصدارت من السيراتو نزلت من غير ايموبليزر ومكتوب ان فيها ايموبليزر والفرزه دي هي اللي بتتسرق علشان كده مش كل السيراتو بيتسرق لو دورنا كويس على تواريخ اصدار العربيات دي عن طريق vin هنلاقي ان العربيات اللي بتتسرق نفس الفرزه

انما مش كل فرزات السيراتو اللي المفروض فيها ايموبليزر مش موجود فيها لا دي فرزه واحده بس

المشاركة الأصلية كتبت بواسطة 2code

هشوف لك اصحابي اللي ضاعت معاهم العربية انا عندي حوالي 2 اصحابي ضاعت العربيات بتاعتهم وكنت متابع الموضوع ده معاهم وفعلاً دخلنا على موقع كيا وجربنا بـvin انت عارف طبعاً ده بيجيب كل كبيره وصغيره عن العربية ولقينا تقريباً نفس الشهور للعربيات

هحاول اتصل بيهم مره تانية واجيب منهم الـvin او بيانات العضوية واصورها لكم بأذن الله



مفتاحك ضاع هتعمل الاتي هتاخد الرقم من العربية احيانا بيبقي مكتوب على البلاستيك اللي فيه المفتاحين من الشركة واحيانا تانية بيكون على جسم العربية وبعدين هتاخد صوره من الترخيص الخاص بالعربية وتروح للتوكيل بالورق ده + العربية هناك في التوكيل قول لهم عايز تغيير شفره السمارت كي للعربية ومفاتيح جديده

هيغيروا هم لك شفره الايموبليزر للعربية والسنترلوك + هيعطوك مفاتيح جديدة

وياريت الكل يعمل كده لو المفتاح ضاع منه فوراً

انا أعرف انه بيتكلف مبلغ محترم فى حدود ال 5 الاف جنية للمفتاح