الموضوع: استفسار عن لانوس 1

بالنسبة لكماليات لانوس 1
هي كالتالي :
الزجاج الامامي فقط رفع كهرباء ( ماذا لو حبيت اخلي الاربع ابواب كهرباء )
سنتر لوك
انذار
تكيف
منوال / اتوماتيك
ده تخميني او الذي فهمته هل في اشياء اخري او اشياء غير موجوده ولو مش موجده ممكن اضافتها وبكام واهم حاجه اسعار الكماليات ممكن تبقي كام وانواعها
وشكرا لكم

العربيه الكامله 1 بتنزل ب ازاز قدام وسنتر وبور وتكيف لو فاضيه هاتبقي من غير ازاز وسنتر
مكن الازاز قدام الجوز حوالي 300 وورا حوالي 250 - 300 بردوا المفتاح 120 جنيه بس مش فاكر قوي لان الكلام ده من فتره كبيره معتقدش ان حتي الفاضيه نازله من غير تكيف مشفتهاش قبل كده تركيب تكيف هايبقي مكلف جدا كمبريسور وسربنتينه بره وفلتر فريون وسير وطنبوره شداد ومواسير وخراطيم وفالفات والسربنتيه الداخليه والبلور والمفاتيح بتعته والكتاوتات اعتقد كده بحكي في 4000 جنيه ان مكانش اكتر
لو عاوز تقلبها من منيول لاتوماتك كان في موضوع علي المنتدي بيشرح الفكره والتكاليف وتقريبا في المواضيع المثبته بس مش مفضل لانه مش كفائه في الانوس
الانزار بتركبه في اي عربيه مش بينزل معاها وبيبقي من 100 ممكن يوصل ل 1000 جنيه لو جبت حجات تو واي وبشاشه وكده وممكن كمان في حجات اللي بتوقف العربيه وبتعرف مكانها بالجي بي اس بتوصل 3000