أزيكم يا صقور
كل سنة و أنتم جميعآ طيبين
النهاردة الصبح نازل مشوار
أدور العربية لم تستجيب
شوية و بعد محاولات دارت العربية
روحت المشوار راجع أدور العربية نفس المشكلة و تأكدت أن البطارية خلاص جابت أخرها
أخذت واصله من سائق تاكسى عن طريق كابل شايله معايا فى العربية للطوارئ
و نزلت أحمد سعيد عند بتوع البطاريات
كونت عايز أجرب البطارية الألمانى الجديدة BOSCH بس لم أجدها فى السوق خالص
فكان الأختيار الثانى AC DELCO لانى جربتها فى عربيتى السابقة و كانت ممتازة
مكان البطارية و القاعدة الخاصة بها كانوا مليانين ملح و حامض
العامل نظف كل دة و ركبت AC DELCO 70 على كلام صاحب المحل بس 70 دة رقم الموديل انما قدرتها الفعلية 62 أمبير و دة مكتوب على البطارية و صاحب المحل قالى ان كل البطاريات اللى فى السوق كدة و ورانى كذا موديل عنده كلهم 62 بس بيقولوا عليها 70 بلغة السوق
المهم سعر ال 62 (70 بلغة السوق) 400 جنية بالقديمة
و ال 55 أمبير 350 جنية بالقديمة
على فكرة البطارية اللى غيرتها كانت اللى نازله مع العربية و قاعدت 3 سنوات و شهرين بالظبط
بصراحه كتر خيريها بس الحمد الله أرتحت من أملاح و أفرازات البطارية السائله
بصراحه البطارايات السائله المفروض يتم أيقاف أستخدمها لأنها بتبهدل العربيه
خلص التقرير
تحياتى للجميع
:Copy of m-s5: