استفسار بخصوص مروحة الاسكورت و الحرارة
آسف يا جماعة بس طبعا انتوا عارفين اني لسة جديد ع الفورد.
معايا اسكورت 1998 زيتك
النهاردة و انا راجع شميت ريحة شباط جامدة في العربية افتكرت الفرامل قفشت نزلت اشم و اشوف لقيت الريحة جاية من الكبوت و ماعرفتش احدد منين المهم مشيت مفيش 50 متر لقيت دخان طالع من العربية من الناحية اليمين
1- المروحة مش شغالة نهائي و انا ماكنتش واخد بالي من أمبير الحرارة
2- و لا نقطة مية في القربة
3- ولا نقطة زيت في علبة الباور ؟؟؟؟؟؟؟
وطبعا لحسن الحظ كل الناس قافلة لحد يوم الاتنين لسة بيعيدوا
لو حد ممكن يفيدني المروحة بكام و جديد و لا استيراد و منين ؟؟؟؟
و تتغير كلها و لا الموتور بتاعها بس ؟؟؟
ثانيا ماعنديش اي نوع من انواع التسريب تحت العربية ؟؟؟؟ آمال زيت الباور و المية بنوع القربة راحوا فين ؟؟؟؟ مع العلم اني لسة شاري العربية اساسا من 20 يوم و زيت الباور و المية كانوا تمااااام و ع الاخر ؟؟؟؟؟
ثالثا و هو الأهم اروح لمين ؟؟ انا في إمبابة و حمدي في مدينة نصر و ما ينفعش امشي المسافة دي كلها من غير مروحة و عشان حد يقطرها عاوز 500 جنيه:evil::_Alshmokh11:
اعمل ايه و اروح لمين ؟
خلااااااص فاضل الرادياتير و الشكمان
رجعت امبارح من عند حمدى و غيرت المروحة و نضفت الرادياتير و قلت اجرب العربية المروحة تمام و كله تمام قلت اجرب ع السريع
طلعت الدائرى و دست بالعربية نفس الشئ العربية بتسخن ع السريع ما بتنزلش تانى هديت و وقفت بالعربية لحد ما بردت و طلعت تانى بصوا بقى عشان انا خلاص هاتجنن
طول ما انت ع البطئ المروحة بتشتغل و تفصل و الحرارة تمام بس المروحة بتشتغل كتيرررررررررر
تطلع ع السريع و ما تعديش ال 100 من المعادى لحد الوراق زى الفل و المروحة يادوب اشتغلت مرتين او تلاتة و الحرارة تمام
تعدى ال 100 العفاريت تحضر و تعمل زار و الحرارة تعلى و ما تنزلش و المروحة تشتغل بمزاجها اه و الله العظيم بمزاجها مرة ع L و مرة ع M و مرة ع A كده يعنى و الكلام ده طبعا لما ترجع تهدى تانى لان لو كملت على السريع الحرارة ما بتنزلش
اتصلن بحمدى قالى كده الرادياتير يتغير او الشكمان مسدود . ايه رايكم فى الكلام ده ؟
طيب لو هاغير الرادياتير اجيب بتاعها و لا اجيب النحاس ؟؟ علما بان العربية zetec 1600
و الشكمان ده كمان اخباره ايه ؟ اغيرة فى ورشة عادى ؟ و لا فيه مكان معين مضمون و حاجة نضيفة و تكلفتهم كام الشكمان و الرادياتير ؟؟؟؟؟؟؟؟
و بعد كده المشكلة دى هاتتحل و لا انا كده باجرب بس ؟؟
و يا ترى ممكن تكون طرمبة المية ؟؟؟
طيب فيه مكان اكشف ع العربية كمبيوتر عشان اعرف اللى فيها مرة واحدة و ارتاح ؟؟
العربية يا دوب بقالها معايا شهر و هاتجننى الحقونى