الموضوع: مساعدة فى اجراء نقل ملكية و تجديد رخص

السلام عليكم

1- تسجل العربية باسمك في الشهر العقاري و ده هيكلفك مبلغ حسب موديل العربية و نوعها و هل هي استيراد ام انتاج محلي
2- تروح المرور اللي هتنقل فيه (فيصل مثلا) و اللي سكنك تبعه و تشتري اورنيك فحص و تدخل ترفع بصمة العربية و تفحص العربية و هنا مهندس الفحص هيكتبلك جواب مطابقة للفحص هتروح بيه للمرور اللي العربية مرخصة فيه و ملفها موجود فيه (المعادي مثلا)

3- هتروح مرور المعادي تطلب منهم مطابقة البصمة لو ملفك موجود هيردو علي الجواب بجواب يقولو ان كل البيانات و البصمات سليمة ولو مش موجود و اتحرق في ايام الثورة زي ما حصل معايا في مرور المعادي يبقي هتفحص تاني و تعمل ملف للعربية فيه صور كل الورق اللي معاك و الفحص الجديد و بعدين يرد بجواب المطابقة علي الفحص بتاع فيصل و يقلك روح فيصل عشان ترخص
4- تروح مرور الدراسة تطلع شهادة مخالفات
5- تروح مرور فيصل و معاك شهادة المخالفات و معاك الفحص اللي طابقته في المعادي و تدخل عشان ترخص العربية و تطلع الرخصة الجديدة باسمك


ده لو رخصة العربية مازالت سارية ولو خلصت هتحتاج شهادة بيانات للشهر العقاري عشان تسجل و شهادة بيانات اخري للمرور اللي هتنقل ملكيتك فيه عشان ترخص

اخوك لسه مخلص كل وجع القلب ده من ايام بسيطة و اتمرمطت بين مرور المعادي و مرور دكرنس بالدقهلية حتي انهي نقل ملكية عربيتي

و بالتوفيق ان شاء الله

المشاركة الأصلية كتبت بواسطة omaroof

فيه سؤال هنا انا اشتريت عربيه بتوكيل وسجلت التوكيل فى الشهر العقارى واتممت الاجرأت ولسه فى الترخيص الخاص بالعربيه سنتين والبائع قالى خليها زى ماهى بعد ما يعدى السنتين ابقى غيرها على اسمك فهل الكلام ده مظبوط ولا موش مظبوط

يعني ايه سجلت التوكيل في الشهر العقاري ؟ يعني اشتريت بتوكيل و بعدين رحت سجلتها لنفسك ولا عملت ايه بالضبط عشان مش فاهم

لو سجلتها باسمك و مضيت مشتري يبقي لازم تنقلها في المرور الخاص بك باسمك خلال شهر من تاريخ التسجيل
اما لو اشتريت بتوكيل من صاحبها القديم فممكن تفضل ماشي بيها لحدما تنتهي الرخصة وانا كنت عامل كده و لكن في ظل الظروف الحالية للبلد و الوضع الغير مستقر و لو العربية كويسة و انت مش هتبيع قريبا يبقي افضل تسجلها بعقد باسمك و تنقلها باسمك
علي العموم حضرتك ممكن تروح تنقل ملكية في المرور و تطلع رخصة جديدة باسمك بعد تسجيلها بعقد مسجل و تستفيد بفترة الترخيص دي بانك مش هتدفع ضريبة جديدة فقط هتفحص وتطلع رخصة بنفس الفترة من غير تأمين اجباري ولا ضريبة كاستفادة من الفترة اللي في الرخصة