سؤال فى حساس ابيزا 94

**كلام زمان** · 26-08-2012 04:38 AM

السلام على أهل السيات

ربنا كرمنى بعربية ابيزا 94 بس وانا بشتريها صحبها قالى ان الحساس بتاعها عايز يتغير ( انا معرفش اية الحساس دة دى اول عربية .. بس لما بدور العربية الماتور بيدور بس لما ادوس بنزين صوت الماتور بيعلا ومش بتمشى زى متقول كدة كانها بيوصلهاش بنزين ... لازم ابطل العربية واشغالها تانى مرة او مرتين وبعد كدة تمشى عادى ) ... اخويا راح بيها للكهربائى قالوا تعالى بكرة عشان ممكن نصلحة

السؤال هوة الحساس دة بيتصلح ولا لازم اشترية جديد ولو لازم اغيرة ؟ ..فى منة استيراد ولا كلة جديد ؟
وسعرة كام جديد او استيراد ؟

معلش طولت عليكوا .. وفى انتظار الرد .

**SYD** · 26-08-2012 05:31 AM

حساس ايه دة ؟؟؟؟
انا اول مرة اسمع الكلام دة

العربية دايرة ومش عايزة تمشي ولما تبطلها وتدورها بتمشي ؟؟؟
الكلام دة لو الفتيس اوتوماتيك كنت هقول ماشي
لكن الكلام دة مش معناه مفيش بنزين
لأن لو مفيش بنزين كانت تبطل ومش تدور

**tareksakr** · 26-08-2012 11:44 AM

الابيز ال 94 ما فيهاش حساسات خالص لانها موتور كربراتير 1300 الا لو متغيرلها الموتور بموتور تاني الحسلاسات الوحيدة في الابيزا 94 هو حساس او ساعة الزيت وحساس امبير الحرارة ودول لو باظوا ليس لهم اي تأثير علي حركة المحرك ممكن تقولنا نوع المحرك اللي عندك او تصوره واحنا نقولك ممكن يكون العيب منين