انا عملت حادثة باللوجان -قدر الله ومشاء فعل-
السلام عليكم ورحمة الله وبركاتة
قدر الله وما شاء فعل , الحمد لله أولاً ان اللي كانوا في العربية معايا محدش منهم اتعور
أنا عملت حادثة بالعربية يوم الجمعة اللى فاتت وأنا راجع من المنصورة للزقازيق , المهم اللي حصل ان الفانوسين اللي قدام اتكسروا والكبود بتاع الماتور اتشحور لدرجة اني مش عارف افتحه دا بالإضافة للشبكة الأمامية اتبهدلت
المشكلة كمان انا مش عارف هل حصلت مشكلة في الريداتير ولا لأ , لأن ساعة الخبطة نزل سائل على الأرض لونه أخضر تركوازي , ولقيت الفرامل قافشة مبتستجبش الا بالضغط عليها بقوة
العربية عاملة معايا 2800 كم , يعني لسة معملتش صيانة ال5000 كم وأنا مش مأمن عليها
الحمد لله الذي لايحمد على مكروه سواه
أنا كل اللي بطلبه منكم ان لو اي حد عمل تغيير لأي حاجة من المشاكل اللي حصلت عندي في العربية عملها جوة التوكيل يقولي عملها بكام (قطعة غيار ومصنعية)
واي واحد كان عمل حادثة قبل كدة شبيهة وصلحا في التوكيل أو برة التوكيل يقولي صلحها فين وبكام ؟
آسف اني طولت عليكم بس أعذروني وربنا ما يكتبها على حد
شكراُ