هل البرافو و البونتو ايفو بنزين 92 ولا 95 ؟!!:brn:
عرض للطباعة
هل البرافو و البونتو ايفو بنزين 92 ولا 95 ؟!!:brn:
سوال غريب مش عارف اقولك ايه
ال 95 احسن بس مفيش مانع من 92
البرافو تيربو لازم بنزين 95 و ده حتلاقيه في كتيب العربية
البونتو ايفو ممكن تمشي بال 92 حتى لو ينصحلها بال 95
البرافو 95 لان فيها تيربو و اكيد هتلاقيهم كاتبين تحذير على غطاء تانك البنزين بكده
بونتو ايفو نسبه الانضغاط 11 يعنى يفضل 95 و لكن 92 يمشى (92 = نسبه الانضغاط 10 - 10.5)
انا كنت ماشى بالبرافو ( مش تربو ) بنزين 92 عاجدى جدا مافيش مشكلة انما جربت احط منظف دورة وقود كامل مش رشاشات فقط و دلوقتى بدأت اجرب الـ 95
حتى الان مافيش فرق فى السحب الا بسيط لكن كان فى تسقيف مع اول الغيارات صوته راح تماما و اعتقد ان الـ 95 هايقعد اكتر فى العربية من الـ 92 لكن لسه باجرب و هتابعكم بالتفصيل
السحب مافيهوش اختلاف بين الـ 95 و الـ 92
صوت الموتور هادى حاجة بسيطة مع الـ 95
مافيش تسقيف مع النقلات حتى لو على عدد لفات اقل من المعتاد
انا مشيت بـ 50 لتر مساحة حوالى 680 كليومتر يعنى اللتر تقريبا بيعمل 13.5 كيلو مع ملاحظة ان المشى كله بالتكييف
50 لتر 92 = 92.5 جنيه
50 لتر 95 = 137.5 جنيه
الفرق 45 جنيه فى التفويلة
يا جماعة للامانة بعد لما غيرت تانى النهاردة للـ 92 حسيت بفرق طبعا
معلش انا لما جبتها كانت ماشية 92 و انا من ساعتها و انا باحط 95 علشان كده المفارنة من وجهة نظرى كانت مش محددة و غير دقيقة
البنزين الـ 95 افضل فى السحب و صوت الموتور اهدى حاجة بسيطة
انا مجربتش ال 95 بس بحس ان العربيه بتكركر كده فى الطلعه او فى المطالع الشديده مع ال 92 بس السؤال هل ده الضرر الوحيد لل 92 ولا بعد كده هقول ياريتنى حطيت 95 ؟!
انا مش عارف ايه الاضرار الناجمة عن استخدام الـ 92
بس العربية مع الـ 95 افضل بكتير و يستحسن استخدامه بالذات مع التربو
البرافو التربو لو حطيتلها 92 عمر الموتور هيقصر وهتسقف خصوصا لو مع التكيف والأداء هيقل
الي من غير تربو هيحصل نفس الكلام لكن مش الفرق بين ال92 وال95 مش هيبقى كبير في التسقيف والأداء لكن في التربو هتبان جدا