الموضوع: اللوجان ليه بتتباع كسر زيروووووووو ؟!!!!!!!!

متابع باهتمام

ما اعتقدش ان حضرتك هتلاقى اللى بيبيعوا متفقين فى اسباب البيع و هو ده الواقع . يعنى مثلا هناك اللى بيبيع لدواعى السفر او لعد اقتناعه بالسيارة بعد التجربه الفعليه او عدم وجود كماليات فيها او عيب معين من وجهه نظره او نتيجه مقارنه مع عربيه تانيه و بالتالى حكايه بيعها و هى كسر زيرو كتير مش شرط انه يكون مرتبط بجوده العربيه. هو بس فى نقطه عايز اوضحها لحضرتك و هى ان سفرك كتير و طويل حسب كلامك و اعتقد انك ممكن تكون محتاج لحاجه اقوى من اللوجان و ان كانت كويسه جوه البلد و امكانياتها مناسبه لسعرها بس داخل البلد او سفر مره و لا مرتين مش على طول و اعتقد ان السفر الكتير ممكن يتعب العربيه و يبهدلها

السلام عليكم
معايا العربية بقالها 9 شهور وعاملة 13000
وطريقي نفس طريقك وبتعدي ملفات ابو زنيمة وشرم بسهولة وثبات والعربية واسعة وبتشيل ومريحه تقريبا بسافر بيها مره في الشهر
التكييف معقول بالنسبة لدرجة جرارة الجو وكفائته بتزيد لو ركبت ستاير او فاميه حراري
توكل على الله بس لو الفرق بين الزيرو وكسر الزيرو قليل خليك في الزيرو افضل
بالتوفيق

أشكركم ياجماعة على مشاركتكم وردودكم . وأنا أعتقد والله أعلم أن العربية معمولة لداخل المدينة وزى ما قال الأستاذ Land_Cruiserأنها ممكن مع كتر المشاوير والسفر يتعبها وتتبهدل وخصوصا أن أخر عربية كانت معايا كنت شاريها كسر زيرو ماشية 2000 كيلو وفى خلال سنة ونصف أو أقل مش فاكر كانت عاملة معايا 66 ألف كيلو فأنا فعلا من النوع اللى بيحتاج عربية عزمها قوى وتستحمل البهدلة .
طب أنا عاوز أسال الأستاذ me_dooo عن الثبات وعن التجميع وياترى أيه أقصى سرعة مشيت بيها وجبتها بالعربية على طريق شرم فى الحتة اللى هى بعد مدينة الطور

يا باشا ربنا يوفقك لاختيار الصح
بس أن حابب أعلق بس على موضوع إن العربية معمولة للمدن
يا باشا أن بسافر كتير جداً بالعربية يعني أكتر من نص العداد عندي سفر
و العربية كويسة جداً في السفر و أن رحت بيها مرتين مطروح رايح راجع بدون إستراحة
لأن الحمدلله مكنتش تعبان منها أن أو عيلتي كنا ٥ أفراد بالمناسبة غير طفلين .



بالنسبة للسرعة أن مش بحب أجري أوي بس ده مايمنعش أني جربت أجري بيها كذا مرة كدة



جبت بيها ١٨٠ على طريق السخنة و طريق العلمين
و ١٩٠ على طريق الصعيد - الكريمات


و دي تجربتي الشخصية مش سمع من حد.


و باردو ربنا يكرمك و يوفقك لحاجة إلي تستريح ليها نفسياً




وائل الشيشيني

المشاركة الأصلية كتبت بواسطة jackson_75

أشكركم ياجماعة على مشاركتكم وردودكم . وأنا أعتقد والله أعلم أن العربية معمولة لداخل المدينة وزى ما قال الأستاذ land_cruiserأنها ممكن مع كتر المشاوير والسفر يتعبها وتتبهدل وخصوصا أن أخر عربية كانت معايا كنت شاريها كسر زيرو ماشية 2000 كيلو وفى خلال سنة ونصف أو أقل مش فاكر كانت عاملة معايا 66 ألف كيلو فأنا فعلا من النوع اللى بيحتاج عربية عزمها قوى وتستحمل البهدلة .
طب أنا عاوز أسال الأستاذ me_dooo عن الثبات وعن التجميع وياترى أيه أقصى سرعة مشيت بيها وجبتها بالعربية على طريق شرم فى الحتة اللى هى بعد مدينة الطور

اقصى سرعة كانت 170 بعد ابو رديس وبصراحة خفت ازود
وطريق الطور شرم جبت بيها 140 وكانت ثابته بس ان عموما مش من هواة الجري يعني اخري 120
ربنا يوفقك

انا الحمد لله قفلت بيها العداد 200 اكتر من مره على طريق مصر الغردقه
ومعظم السفر من على سرعه من 140 حتى 180 والحمد لله عربيه جميله جدا
وربنا يستر علينا وعليكم