هو الستات ليه بيضربوا بعض علشان العربيات !
كلنا اتعودنا ان نشوف عربيتين خبطوا بعض
والاتنين البهوات نازلين شتيمه وضرب في بعض. علشان الرفرف اتخربش ولا الفانوس اتكسر ... وممكن واحد يغز التاني بسكينة او واحد يفقع عين التاني علشان رفرف ميسواش ١٢٠ جنيه يقوم فاقعلوا حاجة تسوى مليون جنيه وياريتوا هيعرف يجيب عين بدل الي اتفقعت. ولا يجيب كرامة بدل كرامتوا الي اتبعترت
@@@@@@@@@@@@@@@@@@@@
ومع قيام الثورة في مصر محدش قادر يستحمل التاني ولا قادر يصبر على التاني .... وممكن لو كسرت على واحد ينزل يضربك ويشتمك ولا كانك يهودي. او حرامي جزم افشك على باب مسجد .... ويمكن لو شتمتوا بالام او بالاب مش هيزعل ولا يتنرفز. قد ما هيزعل انك كسرت عليه او فرملت في وشوا
المهم
الجديد بقه دلوقتي والموضه بتاعت السنه دي
انك تشوف ستات. ركبة جمب اجوازها وبتشتبك بالايد. وبالشبشب والقباقيب
فعلاً ظاهرة غريبة ومحدش يقلي عااااااادي.
عادي لمن تلاقي راجل خبط عربية راجل وتكون المدام معاه وتنزل تضرب الراجل التاني
او تشوف وحده ست راكبه جمب الي خبطهم تقوم. تنزل شد في شعرها وتجبها من شعرها ونشوف ستات تتشلح قدامنا في الشوارع. بالمنظر. الغريب ده وطبعاً شبابنا الامور. الي اتعود يشوف قنوات التت وقنوات المصارعة الجديدة اول ما بيشوف حادثة بيتلم بس اول ما يلاقي كمان خناقة بين سيدات .... بيسيب عربيتوا وبيسيب كل الي في ايدوا وبينزل يتفرج على المصارعة لايف ههههههههههههه
انا قعدت يوم ٢٤/٨. نص ساعه في العربية. اتفرج على مصارعة حرة وستات قاعدة بتتشلح وانا في العربية
قاعد ومعايا المدام والاولاد ومش قادر اطلع بعربيتي كده او كده .... حتى المدام قالت لي انزل اتصرف او اعمل اي حاجة قولتلها وانا مالي انزل افوك بينهم ولا انزل اطب طب عليهم هههههههه قولي يارب بس ميكنش مسلحين ويبتدي الرصاص يتطاير لو ضرب النار اشتغل انزلوا في الدواسة ياعيال وقلت في سري عليه العوض ومنوا العوض. ياربي اعمل ايه فيها ايه لو اخترعولنا عربيات بالاجنحة .... المهم زهقت انا والمدام والعيال من كتر الوقفه طبعاً الطريق وقف والدنيا وقفت وقلتلها الصبر هانت اهي قربت تخلص اهي اي خناقه في الدنيا كبيرها يا خمس دقايق يا ربع ساعه يا نص ساعه. .... الظريف في الامر اننا كنا في اشارة روكسي ( يعني منطقة راقية ). والظريف كمان في الامر ان كل عربية حديثة يعني موديل ٢٠١١ يا ٢٠١٢ بالكتيررر يعني المفروض ويفترض ان الي راكبينها ناس راقيه بس مع الاسف انا مشفتش قدامي بني ادمين نهائي لكن شفت عالم همج
طبعاً هيجي واحد يقول انتا سلبي منزيلتش ليه حوشت هقولوا بمنتهى البساطة كفاية مليوووون بني ادم نازلين يحوشوا هيبقى مليون واحد ولا هيا زحمة وخلاص
@@@@@@@@@@@@
لكن مش مره ولا مرتين انا شفت الموقف ده حصل كزا مره قدام عنيا بالذات بعد الثورة
حريم بيضربوا بعض في الشارع وياريت بونيات وشلاليت الاشد شعر. وتقطيع هدوم
فد بيخليني اسئل نفسي يفترض اننا مجتمع شرقي هل يصح الكلام ده في الشارع .... يفترض ان في منا مسلمين هل ينفع الكلام ده في الشارع .... يفترض اننا مصريين متحضريين وبني ادمين .... فياترى سيبنا ايه للحيوانات الي معندهمش عقل فيها ايه يعني لمن عربية تتخبط هيا الدنيا طارت ولا القيامة قامت حديد خبط في حديد والي اتكسر يتصلح
وليه الناس بقت على اعصابها كده وبيتعاملوا مع بعض على انهم يهود .... يا اخي ده حتى اليهود عمرهم ما بيعملوا كده في الشراع .... وبيخافوا على بعض وقلبهم على قلوب بعض .... بينزل الراجل الاسرائيلي برينس من عربيتوا يشوف الحادثة ويعتذر ويتصل على البوليس يجي البوليس يعاين الحادثة وشركة التامين بتدفع وصلى الله وبارك .... بس انا بسئل نفسي سؤال. مولح
هل ياترى اودي ام العيال للجيم تتمرن علشان اذا خبط حد بعربيتي. تنزل تتصرف وتتعامل
ههههههههههههههههههههه
وهل ياترى لو عملت حادثة لا قدر الله ممكن مرات الراجل الي عملت معاه الحادثة تنزل من العربية وتشد المدام من شعرها وابقى انا بتخانق مع الراجل ( راجل لراجل ). ومراتي تنزل تضرب مراتوا ( ست لست)
وزغرطي يا ام احمد وعليه العوض ومنو العوض فيكي يا بلد