الموضوع: عفاريت الاسفلت

هو صحيح ربك.هو الستار. بس مش كل مرة تسلم الجرة. ... لازم دماغك تبقي كبيرة الطريق.عليه ناس كويسه وبتفهم وعليه بهايم. لازم تستوعب الجميع. اللي يعدي يعدي واللي.يغور يغور. طب انا مرة كنت ماشي. ولقيت واد غشيم بالنترا عمال يتغابى المهم فكسته ما فيش بعدها باتنين كيلو لقيته عامل حادثه. ومرة برضه فيرنا نفس الحوار. ... وكتييير. انا بعشق الجري والسرعه بس في حاله واحده بس. ان الطريق يبقي فاضي ويتحمل سرعتي . وبرضه ربك هو الستار. غير كدا بمشي هااااادي. وباااااااارد

الحل إنك كنت بلغت فيه

المشاركة الأصلية كتبت بواسطة ahmed1718

باختصار شديد ياراجالة انا حاسس نهايتى هتبقا شروع ف قتل بهيم من بهايم الطرق دول ومش لاقى حل

بقالى شهرين مش قادر اصدق اللى بيحصل وزى ميكون الشيطان بيوفرلى كل السبل ان اعمل الصح والغلط

انا زى كل شاب ولع السرعة خد كتير من عمره
وانا الحمد لله بقالى اكتر من 14 سنة بسوق وتقريبا سوقت على طرق مصر كلها
بمعنى انى عارف ازاى اسوق مش غشامة
بمعنى اخر مش جري وهبل وخلاص
الطريق بيسمح بدوس فيه زحمة ولبخ بمشى زى الناس

نرجع لمرخوعنا

الدائرى بحسه بقا عبارة عن رحلة لارض الموتى والعودة
ليه البنى ادم لما يبقا ماشى محترم يلاقى كل ماهب ودب نازل تلطيش فيه
ومحترم دى ماشى 100 كم-س وعمر محد علق كلاكس مثلا على غرزة عملتها
الاقى واد تيت راكب عربية عمره ميعرف قيمتها نازل تفشيخ ف الناس حواليه ورمى وغرز قطم تلبخ ناس كتير وتسبب ف حوادث

انا بعرف امشى على الدايرى لغايط 190 ف وقت زروة وبعربية كورى بس لييييييييييييييه ؟
انا كل يوم اقول مش همشى بسرعة الاقى ناس والله العظيم عايزة حرق بجاز وسخ بياخد غرز عميانى تلبس خمسة ف بعض ،،،اعصابى بتلتهب وبغلى وببقا لازم اعلم عليه علشان ميحسش انه الوحيد اللى بيعرف يسوق ف مصر وسعات لما الاقى غشامة مش ابعد بقا واقول الطيب لأ اعند اكتر لغايط ماوقفه امه بعد معلمه ادب الطريق

نفسي ابلبع حاجة لتكبير الدماغ ،،اضرب مخدرات يعنى ؟

كل يوم فيه احداث على الدايرى ومفيش مرة اروح الشغل ولا ارجع بدون فيلم من نفس النوعية لغايط مبدأت اتخنق من نفسى واكره السواقه
انا لا بلطجى ولا بادى بلدنج علشان ارعب ناس انا بندفع حتى لو اللى قدامى سواق ميكروباص مبرشم واللى يحصل يحصل وربنا بيسلم

مش هحكى كل الاحداث هحكى اقربهم وكان النهاردة
راجع من شيراتون وطالع دايرى اتجاه المعادى
ماشى ف الطريق اللى جاى من الماظة ف اتجاه السويس
والله كنت ماشى من 80 ل 100 والكلام ده الساعة 1 ظهرا تقريبا

الاقى عيل ومعاه سيراتو هاتش باك حمرا جاى من يمينى ومفيش مكان لغرزة ،،فيه عربية انا داخل على مفادتها بس الافا مفيم سوبر دارك وتقريبا مبلبع حاجة على الصبح
راح رامى عليا بكله عزمه وانا جنبه بالكامل مش حتى بوز عربيته سابق ومش مقدر مسافة
انا رد فعل طبيعي رميت شمالى جامد لغايط مكنت هلزق ف الحائط اللى ف وسط الطريق
اقسم بالله انا ندمت بعدها انى وسعتله ومكنتش خدتله جنب ف جنب لانى حسيته بعدها زى ميكون قاصد والعفاريت اتنطططت على التابلوه رحت مسقط تانى ف تالت ف رابع جبته وانا داخل على 180 وحلفت لعلمه الادب ووريته احساس لما الواحد يبقا بايعها ومن غير ماأرمى عل حد نص الرميا اللى هوا عملها وجيت استنيت قبل طلعت الدايرى مهدى ولقيته جاى بردو يعمل نفس الحركة تانى من يمينى ويمنى مقفول بعربية قدامى وقلت والله لو هخليك تلبس فيا مانتا داخلها وفعلا رحت ناطط قدامه ومفرمل وفضلت حاجزه لغايط مطلعت الدايرى وسخنت شوية ومخليه ورايا مش عارف ياخد من الحق وبعد شوية انا هديت علشان داخل التجمع الاول وللقيته معدى شبه حك فيا ومردتش اوسع وافتكرته بيروش بس لقيته مغيب تماما ماشى باستخفاف تام مش حرفنه ده بيحرك الدريكسيون كأنه فاكرها لعبه بيرمى على العربيات بطريقة كانت هتخلينى والله اكنسل مشوارى واحصله اوقفه اهزقه بقا اضربه يضربنى المهم انكد على سيادته

كل ده ياجماعة بيحصل بشبه يوميا مرتين تلاتة وف كل مرة ببقا ماشى رايق ف حدود السرعة المقررة وناوى على الاحترام

هل هناك من حل

الحل مش رادار ولا بلطجة ولا بخناقة الحل ملوش حل

انا شايف الحل التشاهد يوميا ف قاهرة المعز وربنا الحليم الستار وربنا يتولى زوجتى وبنتى
فعلا حاسس نهايتى على رصيف مش قادر

انا اتغضيت على اخطاء السواقين القاتله نلتمس اعزار لناس بتتعلم وده واقع ملوش حل بردو



بس ناس مستهترة دى اللى لازم ليها حل بجد
نوصل للهدف من الموضوع ،، ايه الحل ؟

الحل ممكن مايكونش يعجب حضرتك وهو انك تكبر دماغك زي مابيحصل لحضرتك بيحصلي وبيحصل لكل ناس ثم خدبالك انك مش هتربي ناس ده سلوك وتعامل ثم خد بالك انك ماتفتكرش انه بيعمل كده كل يوم ويطلع لسانه لناس وبعد كده يروح بيته لأ انا قدام عينيا على دولي واحد نفس الطريقه وراح كابس وراه ترلا ومطيراه الناحيه التانيه الكلام ده من كزا سنه فامتفتكرش انه مابيخدش جزاءه هو ناس ديه ببتربى بس عن طريق شارع الشارع بيعلمهم الأدب وزي ماهو وغيره قليل الأدب هيلاقى الي ياعملو بنفس المنطلق فأنت مدمرش عربيتك ولا تحرق وتستهلك من عمرها علشان عيال بيجروا بعربيه وخدنها من ابوهم ولا امهم ومش ماقدرينها طيب انا احكي لحضرتك قصه انا كنت ماشي في اسكندريه ومره واحده واحده نطت قدامي فطبيعى هديت بس ماكبستش وبعديها مشيت وبعد كده لقيت واحد ورايا بالأنترا عمال يقل في ادبه روحت موقفه وبقوله هو حد جه ناحيتك قالي ماهو انت بتكبس فرامل قولتله امال اشيل البنت وامشي قالي ماتشيلها ولا تروح في داهيه قولتله كده قالي اه روحت بامد ايديه من الشباك ولسه هامسك واشده بره شباك لقيته بيقفل الأقزاز وراح طلع جري وكان هيقفل على ايدي طيب مدام انت جبان بتقل في ادبك ليه ؟ الأجابه لأنه مش محترم ومش متربي فده سلوك