ايه الاخبار طمنا ... يا رب تكون اتحلت
عرض للطباعة
ايه الاخبار طمنا ... يا رب تكون اتحلت
ايه الاخبار يا باشا طمنا عليك, فعلا موضوع صعب اوى
انا كان بيحصل مع ولدتى انها تنسا المفتاح فى العربيه وتقفل المسوجر من الباب اللى وراه(مكنش فيها سنتر), واخر ما زهقت من كتر المشواير علشان اجيب المفتاح حططلها نسخه من مفتاح الباب فى الشنطه بعيد عن مفاتيح العربيه.
انا بعت لواحد بتاع ابواب وكهرباء وبيقول انه هايجيلى بعد نص ساعه تقريبا
انا رجعت فى قرارى فى كسر الزجاج صراحه , مش عارف لو اتكسر هاعرف اجيب اصلى تانى ولا مش هلاقى
انا قرأت عن الحل بتاع الريموت عن طريق الموبايل
هو للاسف برضه ان المفتاح فى مكان مقفول عليه يعنى برضه محدش معاه مفتاح
شكرا لحلولك الممتازه ومساعدتك ليا
لسه والله مستنى اشوف حل
وبتوع غبور ردوا اخيرا وقالولى ان معندهمش اى حل غير انى اروح اجيب المفتاح
شكرا على السؤال
ما هو انا كنت عامل نسخ كتير من العربيه القديمه دى محطتهاش فى دماغى , وانا مش عارف ازاى قفلت عليهم مش عارف كان دماغى فين وقتها
انا هاشوف هايحصل ايه وهاقولكم عملت ايه ان شااء الله
شكرا على السؤال
وربنا يخلييكم ويجازيكم كل خير يااارب
ملحوظة علشان لو فى المستقبل حد مر بنفس الموقف لاقدر الله
انا سالت على سعر الزجاج اللى جمب السائق عند dr greish
سعره 160 شامل التركيب والمصنعيه
طبعا دة مش اصلى ولكنه صنع مصانعهم
حصلت معايا مرة و فى عربية واحد صاحبي و قفلت و هى دايرة.........الكلام ده مش فى مصر بس حبيت أقول على الطريقة يمكن تعرف تنفذها بشكل ما
و الطريقة هى أن الراجل بتاع المفاتيح جه و جايب معاه ده ( عامل زى جهاز الضغط بتاع الدكاترة )
http://www.nileup.com/uploads/13460578761.jpg
دخل القطعة اللى على الشمال بين الباب و القايم و مسك الكورة اللى بينفخو بيها و قعد ينفخ......طبعاً القايم مش هيتحرك من مكانه.....الباب هو اللى بيتزق لبرة.......خلى الباب فتح فتحة تعدى قطعة معدن طويلة على شكل حرف J و دخل القطعة دى على اللوك و فتحه.
حل تانى لو فيه حد ينفع يفتح الشقة عندك و يجيب المفتاح ممكن تخليه يبعتهولك مع أى سواق سوبر جيت.
لو عرفت تمد ايدك من شبكة الاكصدام و تمسك سلك الكبوت و تفتحه في بعض العربيات لما تفصل البطارية و ترجعها تاني السنتر بيفتح
بس اوعى حد يفتكس و يقولك اعكس طرفين البطارية مجرد تلميس بس عشان كنت سمعت المقولة ديه و جربتها و الحمد لله طيرت فيوز عمومي بس , و عرفت انها كان ممكن تطير الكنترول
ماهى المشكله اجيب زيها ازاى ؟
انا الراجل اللى اتقالى عليه واتصلت بيه قعد يقولى العربيه حمايتها عاليه (طبعا دة تلكيك) وقالى جايلك بعد نص ساعه وطبعا ماجاش وبتصل بيه تانى مش بيرد
الحل التانى صعب لأن حتى لو حد راح الشقه وفتحها فا المفتاح مقفول عليه وصعب جدا حد يجيبه
شكرا جدا لمساعدتك
لأ دة حوار صراحه ومش هاضمنه وكمان مش هاعرف اعمله
والله هى الحلول بقت كتير بس طبقا لل انا فيه دلوقت مابقاش فيه حل غير انى اسافر اجيب المفتاح التانى وامرى لله
شكرا لمساعدتك وفكرتك
يبقى أمرك لله و تسافر بالسوبر جيت صد رد
بالسلامة إن شاء الله.
الحمد لله
المشكله اتحلت وفتحت العربيه
واحد كهربائى جالى
وفك كاوتش العربيه من اليمين وفك الجزء اللى ورا الكاوتش وطلع دائرة كهربيه وصلها بسلكين من بطاريه معاه فتحت العربيه وعملت انذار وبطلتها من الريموت
انا شاكر لكل اللى شاركوا فى الموضوع وشاكر لوقفتكم الأخويه جمبى
ربنا يقدرنى وارد الجميل ليكم جميها
ربنا يجازيكم كل خير
احسن حل ان حد من اهلك يبعتلك المفتاح مع سواق ميكروباص للمكان الى انتا فية وبتدفعلوا اجرة راكب وتريح دماغك ولا تكسر الازاز ولا اى حاجة