موضوعين مهمين هيفيدونا كلنا

**mohaakotb** · 27-08-2012 06:05 AM

السلام عليكم

وانا بقلب في موقع برامج للأندرويد لقيت برنامج اسمه torque pro هو بقلوس بس لقيت ليه لينك للبرنامج كامل مكرك يعني ببلاش ... المهم من خلال البحث وقراءه انفو البرنامج فهمت انه بيجيب بيانات العربيه وهي واقفه وهي ماشيه كمان !!!
واللي عرفته انه لازم نجيب كابل اسمه obd bluetooth عشان نوصله في العربيه ونخلي الموبايل يلقطه عن طريق الوايرلس ونتعامل مع البرنامج بقي...
السؤال بقي منين نجيب الواصله دي ؟ هل في طريقه نجيبها من مصر هنا عشان انا وفت سعرها بره لقيته غالي بصراحه و نظام شحن وجمارك وتوصيل و ليله ... هل البرنامج بيشتغل علي اي نوع ؟ يعني انا عربيتي لانسر 2006 هيشتغل عليها ؟ المكان فين بالظبط اللي بيركب فيه الفيشه دي وهل سهل عليا اني اوصله ولا ممكن ابوظ حاجه ؟

اللينك اهو للي حابب يلقي نظره وهو للأندرويد مش عارف في للأيفون و السيمبيان ولا لأ !!
Бесплатный файлообменник TurboBit.net — обмен файлами до 100 Гб, бесплатный хостинг файлов

الحاجه التانيه بقي .. موضوع ال GPS TRACKER .. بصراحه انا اتفقعت من الحوار ده كل شويه واحد ينزل توبيك ب نوع ويقول كل الانواع التانيه هجص والسيرفر معرفش بيعمل ايه و الجهاز مش عارف ايه ... ف ايه رأيكو في موضوع التراكر ده عموما فعلا يستحق اجيبه ؟ ولو كده اجيب اي نوع ؟ وعرفت ان في نوعين واحد ب سيرفر وتدفع اشتراك و واحد عادي ف انهي احسن

**ibn_seena** · 27-08-2012 07:51 AM

متابع باهتمام. بس سعر الكابل بره كان كام ؟؟

**MohammedAladel** · 27-08-2012 07:58 AM

متابع

**mohaakotb** · 27-08-2012 08:30 AM

سعره 50 دولار تقريبا يعني مبلغ بردو ده غير بقي الشحن والحاجات دي

**mohaakotb** · 27-08-2012 08:31 AM

انا عمال اسرش علي النت واشوف اراء الناس .. اغلب الاراء ايجابيه جدا وشدني تعليق واحد كاتب انه بفضل البرنامج عرف إن حساس الايدل عنده بايظ جاب واحد جديد وربط البرنامج لقي المشكله اتحلت يعني حاجه لوز اللوز

**Ashraf_Ibrahim** · 27-08-2012 09:42 AM

متابع معاكم لو وصلتم لحاجة يا ريت نعرف !

**mohaakotb** · 28-08-2012 02:59 AM

طيب ايه يا جماعه محدش هيفيدنا في الموضوع ده

**ibn_seena** · 28-08-2012 03:11 AM

علي فكرة انا كنت النهاردة في المنصور بكشف علي العربيه كمبيوتر وكانت المفاجاه
المهندس كشف عليها بجهاز البلوتوث ده مع الاندرويد هو كان بيستخدم جالاكسي اس 2. والبرنامج ما كنش torque كان واحد تاني بس ما رضيش يقوللي عليه. .. المهم انا لقط رقم الجهاز ال obd. ولقيته عالنت وسعره 13 دولار دا ارخص سعر علي الامازون. ....
Soliport ELM 327 Bluetooth OBDII OBD2 Diagnostic Scanner:Amazon:Automotive
m=A33TCMZEAWOM9U
عاوزين نجيب الجهاز ده يا جماعه يعني حد يكون ليه خبره يجيبهولنا او ممكن لو كنا كتير نقدر نجيبه من موقع علي بابا بسعر مخفض

**Mohamed_Nafie** · 28-08-2012 03:34 AM

محمد قطب باشا .. ايه الأخبار ..

بص يا سيدي .. ال OBDII portإنت ممكن تعمل ب كل حاجة في العربية .. تفتح sensors , تقفل sensors, تعمل Computer Check ups , أو تشوف الFault Codes .. ده ممكن حتى تبرمج ال ECU من جديد .. تحمل tuned up firmware عشان تدي أداء أكتر , تتحكم في الصمامات .. أي حاجة ممكن تتخيلها .. حتى دوسه البنزين .. اللي عالاندرويد ده monitor بس طبعا ..

وصلت ال OBD بتختلف من عربيه لعربيه لأن الوصله فيها chip ولازم تكون متوافقه مع نفس ال chip اللي في الECU .. بالمرة بقى .. الفتحة بتاعت الOBDII موجودة عندك فوق فتحتين ال AUX في الفلوينس .. بالسنبة لللانسر معرفش .. توصيله مفهوش حاجة .. زي ال USB كده ..

ال وصله مش موجودة في مصر .. هتلاقيها بره زي ما ibn_seena قال .. على أمازون .. وكده .. وبلاش علي بابا ده ..