في حد عارف ما هي السيارة الاقل استهلاكا للبنزين في مصر (بالذات داخل البلد مش علي الطريق السريع) ؟؟...و لا يهم السعر
و ياريت تكون عن تجربة
عرض للطباعة
في حد عارف ما هي السيارة الاقل استهلاكا للبنزين في مصر (بالذات داخل البلد مش علي الطريق السريع) ؟؟...و لا يهم السعر
و ياريت تكون عن تجربة
اعتقد الماروتى وكمان مع بنزين 80 يبقى انت وفرت على الاخر
طبعا مش هذكر السيات ولا الزستافا ولا ال 126 :))))
الاقل فى استهلاك البنزين فى انهى فئة فى السيارات؟ يا ريت تحدد عشان رجاله المنتدى يعرفوا يجوبوا عليك
اعتقد ان اليارس عموما ممتازة فى استهلاك البنزين
. اقل استهلاك للبانزين واستفادة كاملة بكل ذرة حرق بانزين :
تويوتا يارس في القمة
٢- ديهاتسو سيريون
٣- كيا بيكانتوا
بالنسبة للعربيات الي بتشم البانزين شم. السوزوكي التوو او سوزوكي ماروتي او السوزوكي جديدة كده جميلة بتنزل بالحجز. اسمها سانديرو او حاجة زي كده وشكلها لزيز والله ولي التوفيق
Daihatsu Sirion
نيسان صنى ٢٠١٣ شياكة و اناقه و اقتصادية جدا فى البنزين
السيارة الأقل في المطلق مش عارف بصراحة ...
لكن كمثال لعربية إستهلاكها قليل وعن تجربة ...
فيات بونتو ... 4.3 لتر / 100 كم ...
متابع للتوبيك .. :up: ياريت الناس تكتب معدلات الأستهلاك للإستفادة ...
.
أنهي فئة؟؟؟؟
انا شايف ان الياريس موفرة جدا جدا فالبنزين و التكيف بيثر فيها تاثير ضعيف جدا فاستهلاك البنزين فالفئة بتاعتها
انا بردو كان معايا i10 كانت تحفة بس تكيفها سىء جدا جو البلد
حضرتك لازم تقول الفئة اللى حضرتك بتفكر فيها علشان نعرف نجوبك
انا بتكلم في العموم ...يعني اي فئة سعرية انشالله لو مرسيدس
اقل سيارة استهلاك في العالم كله هي سوزوكي سيلاريو
تحياتي
ماهو ماينفعش حضرتك تسبها عايمة كدة !! ؟
لازم تحدد الفئة السعرية عشان المقارنة تبقى مفيدة على الاقل للي عايز يشتري !!
ماهو اكيد مش معقول واحد نازل يشتري E class وعشان استهلاك بانزين الماروتي افضل يقوم مشتري ماروتي !!! مش منطق يعني
اكيد فيه فئة سعرية بتبقى عامل حسابك عليها وبناء عليه بتقارن مابين العربيات اللى موجودة في الفئة دي
انما تبقى بتسال عن افضل عربية في استهلاك البنزين على الاطلاق بدون تحديد !! ده ممكن تسال عنه من باب العلم بالشئ لكن للشراء اعتقد الموضوع صعب !!!!
و يا ريت تحدد الفئه مش من نايحه فلوس بس كمان من ناحيه مواتير انتا عايز العربيه تبقي كام سي سي لان عمرك ما هتقارن موتور الف بماتنور 3000 حتي لو ال 3000 موفر جدا في فئته
سوزوكى سيلاريو 3 سلندر
اكيد بتمشى ب20 لتر فى الشهر!!!!!!
انا مستغرب من بعض الاعضاء
اللى معاه ياريس بيقول ياريس
واللى معاه صنى بيقول صنى
واللى معاه سيريون بيقول سيريون
نفسى بس نتخلى عن منطق التعصب للعربيه واثبات انها افضل من الجميع واعطاء الرأى بحياديه
هو حضرتك عندك شك ان الياريس اقل استخدام بنزين فالفئة بتاعتها؟؟؟؟؟؟؟؟