رجالة الدايو ف اسكندرية

**medasamir** · 27-08-2012 12:00 PM

السلام عليكم ورحمة الله وبركاته
رجالة الدايو ف اسكندرية كنت محتاج ميكانيكى شاطر ومحترم ف اسكندرية عشان اغير الكوبلن الداخلى لنوبيرا لأنى خايف ارجع القاهرة والعربية كدا ويا ريت لو محل قطع غيار يبقى كتر خيركم ... انا متواجد دلوقتى ف برج العرب ف يا ريت لو العنوان مفصل واسم الصنايعى او تليفونه ان وجد .... الف شكر يا رجالة وربنا ما يرميكم ف برج العرب ولا يضربلكم كوبلن

**hosar** · 27-08-2012 03:12 PM

بص انا من سيدى بشر عندك أختياران
1- مركز الزرانى و دا طبعا حيغير ب كوبلن جديد و دا عنوانة فى شارع جمال عبد الناصر - بعد تقاطع محمد نجيب و قبل ما توصل للنفق و طبعا مشهور جدا
2- فية صنايعى أسمة كيمو بس مش معايا نمرة تليفونة دا فى شارع خالد بن الوليد برضة فى سيدى بشر بعد سينما المنتزة بحوالى شارعيين أسأل علية الف مين يدلك دا بقا كل تخصصة فى الكبالن بس ماعندوش غيرها

**mahmoudbadr** · 27-08-2012 04:23 PM

فيه مركز للكبالن مخصوص عنده جديد و مستعمل و بالضمان

إسمه مركز السعد فى شارع القاهرة فى سيدى بشر

بس المسافة بعيدة عليك من برج العرب

فانت ممكن تروح بيه القاهرة بس على مهلك

الا لو لسة هتقضى أيام فى اسكندرية

لو حبيت أوصفلك تيجى له ازاى تحت أمرك

**medasamir** · 28-08-2012 01:21 AM

ربنا يكرمكم ... الف شكر يا رجالة ... أ/ محمود لو توصفلى العنوان يبقى كتر خيرك لأنى لسه قاعد الاسبوع دا كله ف برج العرب

**MOSTAFA . AHMED** · 28-08-2012 09:49 AM

المشاركة الأصلية كتبت بواسطة hosar

بص انا من سيدى بشر عندك أختياران
1- مركز الزرانى و دا طبعا حيغير ب كوبلن جديد و دا عنوانة فى شارع جمال عبد الناصر - بعد تقاطع محمد نجيب و قبل ما توصل للنفق و طبعا مشهور جدا
2- فية صنايعى أسمة كيمو بس مش معايا نمرة تليفونة دا فى شارع خالد بن الوليد برضة فى سيدى بشر بعد سينما المنتزة بحوالى شارعيين أسأل علية الف مين يدلك دا بقا كل تخصصة فى الكبالن بس ماعندوش غيرها

كيمو ده تحت البيت عندي لو حبيت تروح له ممكن نتفق واقابلك وحخليه يضبطلك الكوبلن بس المشكلة في المشوار من البرج لحد ميامي

**hosar** · 28-08-2012 01:10 PM

المشوار من البرج لحد سيدى بشر بشكل عام سهل بالنسبة للقاهريين يعنى ياخد الدولى لحد ال45 و ينزل على البحر على طول حوالى ساعة إلى ربع تقريبا

**mahmoudbadr** · 30-08-2012 12:01 AM

المشاركة الأصلية كتبت بواسطة medasamir

ربنا يكرمكم ... الف شكر يا رجالة ... أ/ محمود لو توصفلى العنوان يبقى كتر خيرك لأنى لسه قاعد الاسبوع دا كله ف برج العرب

من برج العرب حضرتك تاخد الدولى على طول

( اللى من محور التعمير ) و طوالى لغاية ما تلاقى يافطة نفق ميامى تدخل من جنب الكوبرى و تلف

تدخل فى وصلة 45 طوالى لغاية ما تلاقى نفسك وصلت شارع متقاطع معاك

تلف معاه يمين و بعدين تاخد اليوتيرن الشمال طوالى هتلاقى يوتيرن على ايدك الشمال تعديه و بعد تانى يو تيرن هتلاقى شارع القاهرة على يمينك تدخل فيه حوالى 200 متر و تسأل فين مركز السعد بتاعى الكبالن و هحاول أجيب لك تليفونه

و على العموم تليفونى دة لو تهت أو كدة أو اروح معاك تحت أمرك

01009274678

بالتوفيق