ياريت حصرتك تستنى شوية ماتسعجلش انا عارف انة توقعك بس استنى التجربة لانى لما حجزت حجزت مش عشان الشكل وبس
عرض للطباعة
العربيه شكلها حلو ..الاداء هايكون متوسط ( هايرضي الفئه العظمي من الناس)
المشكله ان الواحد بيتكسف انه يركب عربيه تقليد ..بيكون حاسس انها نقطه ضده مش في صالحه زي ماتكون شايل موبايل صيني شبه الاي فون هاتبقي مكسوف
لما حضرتك تشوف العربية على الطبيعة لها شكلها واستقلاليتها وهتعجبك ومختلفة بس شوفها على الطبيعة ومش هتتكسف ولا حاجة وبعدين الاتنين شركة واحدة وتوكيل واحد ومصنع واحد ودة دليل قوة ومش كسوف عشان تطمن وبعدين لولا اختلاف الاذواق لبارت السلع السوق الفترة القادمة للصينى ومش اى صينى
العربية صحيح حلوة لكن سعرها غالى شوية والموزعين بيطلبوا كمان 10000 جم أوفر برايس
يعنى بالعقل اسيب فيات الينيا الجديده ال 1600 - 115 حصان - اوتوماتيك - تكييف تاتش وكمان فتحة تكييف خلفيه - حساسات ركن - راديو سى دى الاصلى مع usb و aux جنوط اسبور 16 وكوتش بريدجستون
فرامل دسكات للاربع عجلات وكمان abs و 6 ايرباج طاره مالتى بلوتوث - وخاصية blue&me و الزجاج الكهرباء اوتو وصاجها محمل جدا وكمان الموتور مصفح وفيه العازل الحرارى وعاليه على الارض عشان المطبات والفرش قطيفه وكل ده ب 133 الف
ولا الفلوانس ام 142000
بالحجم والوسع الرهيب ده والارتفاع برده وخد الكماليات
وحدات رفع للزجاج من الريموت و سمارت كى - مرايات ضم كهربا - طاره مالتى - بلوتوث - مثبت سرعة ومحدد سرعة - تكييف تاتش 2 زوون وفتحة تكييف خلفيه - حساس مطر واضاءة ونص فرش جلد جنوط اسبور وabs و 2 ايرباج ستاير جانبيه وخلفية وطاره جلد مع فرش الابواب والتابلوه جودته نضيفه جدا والصاج محمل والعفشه حمالت قسيه وعاليه على الارض وثبات وفرامل على اعلى مستوى
متتتتتتتتتتابع
يا جماعة انا شايف خلاف علي حاجة غير منطقية
اولا انا راكب اوكتافيا
علشان ماحدش يفتكر اني بدافع وخلاص
اولا دخول اللينيا والفلونس والفيات في المقارنة والسادة اللي ذكروا اي عربية سيدان بقولهم المقارنة غلط
لا يوجد مقارنة بين الكيلو جرام والمتر الطولي
العربية فئة suv يعني اللي يقارن هايذكر القشقاي والاسبورتدج وممكن الكارينز بــــــــــــــــــــــــ ــــــــــــــــــس
ثانيا عاوزين نكون موضوعيين في اي كلام بنقولة بدون التحيز
يعني اللي راكب اوروبي وجهة نظرة ان باقي العربيات مالهاش لازمة وللي راكب ياباني عمال يوصفلك في جمال التكييف واللي راكب امريكاني بيقول علي اللاثنين انهم راكبين تكتك
احب اذكر كل السادة الافاضل انهم يبصوا في انتاج موبيلاتهم ولاباتهم وتلفزيوناتهم والكاسيت والسماعات اللي في العربية هايلقوا انهم ماركات بس مصنوعين في الصين فبلاش كل واحد يقولك انت بترمي فلوسك واحب اذكر اللي راكب كوري ان نفس الكلمة كانت بتتقال علية
ولذلك احب انوه ان اللي بيتة من زجاج مايحدفش الناس بالطوب
نيجي فعلا نتكلم عن العربيات السابقة للعربية دي واللي انتشروا جدا وبيعملوا بكفائة وخامتهم ممتازة وعربيات بجد ماسكة نفسها ولسة موجودة في السوق مش زي عربيات كوري او صيني اختفت تماما ومابقلاهش وجود خالص
ودة دليل علي ان ماركة العربية كويسة فعلا والدليل الجالينا و frv
ثالثا نتكلم عن المقارنة الفعلية
بالنسة للسعر هي اقل سعرا من القشقاي حوالي 50 الف ومن الاسبورتدج 70 انا بتكلم علي اعلي فئة للكل
بالنسبة للشكل العربية ليست اقل جمالا من الكيا وان كنت شايف انها احلي من النيسان
بالنسبة للخامات الي حد كبير الخامات جيد والافضلية للنيسان ويليها v5 ويليهم الكيا اللي كلها بلاستيك من جوة بشكل مستفز واللي تعليقي علي كل الكيا انها عربية من برة انما من الداخل كنبة
بالنسبة للموتور موتور الكيا والنيسان ممتازين وموتور البرليانس هو الاقل لانة في الغالب موتور لانسر بومة
ودي نقطة الضعف غالبا في برليانس انهم بيحطوا مواتير قديمة نسبيا
بالنسبة للقياسات الفعلية للعربيات الثلاثة اعتقد ان البرليانس مناسبة جدا ومنافسة ايضا
بالنسة لاسم الشركة برليانس هي الشركة الصينية اللي بتجمع البي ام واعتقد انها بقي ليها اسم جيد جدا زي بروتون
بالنسبة لية انا بفكر بجدية اني اشتريها واللي مش عاجبوا هو حر مافيش حد هايخليه يركبها بالعافية
وتقبلوا مروري اخوتي الاعزاء
كلام منطقى ميزو باشا بس لية مادخلتش الهوفر والجاك ايجل المقارنة وان كنت شايف الهوفر اشيك واقوى مش عارف لىة ما خدتش الدعاية دى:hlopaet_prv::hlopaet_prv::hlopaet_prv: