عرض للطباعة
السلام عليكم
انا كنت بدور على عربية عائلية تستحمل بعد البحث و اللف وصلت لحد الكارينز ,, مفيش غيرها دخل دماغى كبيرة و واسعة و نااااس كتيــــــر نصحونى بيها المهم انا كنتنت عااايز حد يفيدنى فى سعرها مستمعل عشان انا نزلت السوق و لقيت بتبدأ من 98 و 100 و 112 ,, ... 2009 . 2010 .. 2011
بس ده كله كلاام تجاار فكنت عايز حد ينصحنى و يقولى على السعر اللى المفروض متزيدش عنه عشان انا كماان امكانياتى مش اكتر من 85 ,,, 90 !!! هل ممكن اقلاقى بالسعر ده ؟ !!
ممكن تلاقى
بس نصيحة لوجه الله العربيه حالة
يعن عربية موديل عالى كده المفروض تكون دهان شركة من الأكصدام إلى الإكصدام
وطبعا المفروض إستهلاك كيلو متر قليل يعنى مثلا" لو موديل 2010 هتكون تقريبا إستهلاك لايزيد عن 45 ألف كيلو
فسيارة بالمواصفات دية متقلش عن 100 ألأف جنيه
يعنى فى الأخر هتفرق معاك فلوس قليلة مقابل حالة
يعنى ممكن تلاقى ب 90 ألف جنيه والحالة فرقة كثير يعنى رشة جنب أو حزام أو حتى أكصدامات وعملة كيلو متر كثير
يارب اكون قدرت افيدك
نسيت أقول لحضرتك ان السيارة الكارينز السيارة العائلية الأولى فى مصر بدون منافس بالسعر ده
هو فعلا العربية بتبقى حالة زى ما حضرتك قولت و انا ممكن طبعا ازود لو الحالة بتاعة العربية تستاهل بس انا عايز حد يدلنى على مكاان اشترى منه عشان انا بحس كده ان فى سوق السيارات ممكن يتضحك عليا و شكرا لمروور حضرتك
1+1+1+1+1+1+اقتباس:
المشاركة الأصلية كتبت بواسطة mmbadroo
دور فى اعلانات كونتاكت كارز و الوسيط و المواقع اللى زيهم و يستحسن تبتعد عن التجار لانهم هيرفعوا السعر عليك بدون داعى ده بالاضافه انهم ممكن يخدعوك و يخفوا عنك مشاكل فى العربيه و تشترى من مالك السياره و تكشف عليها فى التوكيل طبعا قبل الشراء و اعتقد السعر لو بتتكلم على كسر زيرو ممكن تكون فى حدود ١٠٠ الف او ١٠٥ الف حسب الحالهاقتباس:
المشاركة الأصلية كتبت بواسطة ahmedg0g0
فعلا انا مع الرأى ده .. اشترى من صاحب العربية بصفة مباشرة دون وسيطاقتباس:
المشاركة الأصلية كتبت بواسطة land_cruiser
الكلام ده سليم جدا حاول تشترى من المالك نفسه متستعجلش خالص . أصبر السيارة عندما تكون من المالك مباشرتا وبدون توكيلات أكيد بتفرق سعر وحالةاقتباس:
المشاركة الأصلية كتبت بواسطة land_cruiser
لا يوجد كارينز ب90 اقل حاجه 95 الى 98 ورشه نظافه كمان
طيب يا جماعة انا روحت عند سمير ريان ولقيت البيز لاين ب 124 ...
و الهاى ب 134 هل الاسعار دى مناسبة ولا ممكن الاقى اقل ؟؟
و هل لو جبت البيز لاين هندم انى جبت عربية ب 124 و من غير ايه بي اس ؟؟؟؟ انا عايز نصيحة من اخواتى .
مش ها يفرق خالص وجوده من عدمه
هو نصيحة بلاش مستعمل من الاساس
ممكن تفكر في التقسيط خصوصا أنك معاك ال85 دول كاش فالباقي مش هيبقى كتير شهريا
الفلوس الزياده من الكاش للزيرو أنت كسبتها في راحه البال وعدم شيل هم سياره مستعمله زى البطيخه فى الزمن الى محدش فيه بيراعي ربنا دا
وربنا يوفقك للأفضل
انا هاتوكل على الله و اشتريها زيرو و اشترى دماغى فعلا مش هضمن المستعمل .. متشكر جدا يا رجاالة بس هو استاذ خالد كان بيقووول ان عدم وجود ايه بي اس مش هيفرق ؟؟؟؟ ازاى بس ممكن افهم ؟؟؟
ده رأيى الشخصى طبعاً ... لأنه أوبشن والفرامل العادية بتاعتها قايمة بالواجب والحمد لله
ومبروك مقدماً إن شاء الله